LIVRE DL

ragon, qui fat un moult vaillant homme en ç0e temps, et qui grandement augmenta la couronne et le royaume d’Arragou , et conquit tout le royaume de Majogres et attribua à lui. Si fut enseveli en la bonne cité de Barcelonne et là gtt.

Quand la mort de lui fut sçue en Avignon .

devers le pape Clément et les cardinaux , si escripsirent tantôt devers le roi de France et ses oncles , devers le duc de Bar et la duchesse qui tenoient leur opinion , qui étoient père et mère de la jeune roine qui seroit d’Arragon, madame Yollent , et à la dame aussi : que ils fesissent tant que le jeune roi d’Arragon et le royaume se déterminât. Le duc et la duchesse en escripsirent à leur fille madame Yollent; le roi de France, le duc de Berry et le duc de Bourgogne aussi :

avecques tout ce ils envoyèrent en Arragon un cardinal en légation pour prècher le jeune roi qui seroit, et son frère, et le peuple. Le cardinal Bt tant, avecques l’aide de madame Yollent de Bar qui s’y inclinoit trop fort , pour la cause de ce que pére et mère l'en prioient , et le roi de France son cousin germain et ses deux oncles Berry et Bourgogne, que elle déconfit son mari, car il vouloit tenir l'opinion son père de La neutralité, et se détermina tout le royaume d’Arragon au pape Clément.

En ces jours que le roi Piètre d’Arragon trépassa , étoit en Barcelonne l’archevèque de Bordeaux que le duc de Lancastre y avoit envoyé ; Je vous dirai pour quelle raison. Le prince de Galles, du temps que il fut duc et sire d’Aquitaine et que tous ses voisins le doutoient , et roi de France, et roi d’Arragon, et roi d'Espaigne, et roi de Navarre, et proprement les rois Sarrasins qui en oyoient parler pour sa grande fortune et bonne chevalerie, eut une certaine alliance et confédération au roi Piètred’Arragon, . et le roi à lui, que le prince lui jura et scella et fit sceller le roi d'Angleterre son père: que pour toujours et à jamais il, ni le royaume d’Angleterre, ni les successeurs d'Angleterre et d’Aquitaine qui viendroient, ne feroient point de guerre ni consentiroient à faire au royaume d'Arragon , parmi tant que le roi d'Arragon jura et scella pour lui et pour ses boirs : que tous les ans il serviroit le prince d’Aquitaine de cinq cents lances contre qui que il eût à faire, et en

payeroit les deniers, si cinq cents lances il ne

lui vouloit envoyer. Or éloit avenu que il ÿ avoit

bien pour dix ans d'arrérages que le roi d’Arra- ! de Barcelonne; et tant parla que trop, ce sembla-

gon n'en avoit rien payé, ni fait nul service au roi d'Angleterre, ni à ses commis. Et quand le duc de Lancastre issit hors d’Angleterre, il ot el apporta avecques lui lettres patentes scellées du grand scel d'Angleterre, présent tout le conseil, que le roi l'établissoit ens ès marches de Bordeaux, de Bayonne , et d'Aquitaine, comme son lieutenant , et lui donnoit pleine puissance royale de demander tous droits dus et actions dues, tant sus le royaume d’Arragon comme ai:leurs; et vouloit que le duc en eût les levées ct les profits sans rien retourner arrière; et les quittox pleinement , et tenoit à ferme et estable tout ce qu'il en feroit. Donc, quand le duc de Lancastre fut arrèté en la ville de Saint-Jacques en Galice, si comme il est contenu ici dessus, it pensa sus les besognes d’Arragon, et regarda que leroi d'Arragon , par la vertu de la commission queil avoit, étoit grandement tenu à hui en grand'somme d'argent pour les arrérages , lesquelles choses lui viendroient grandement à point pour parmaintenir sa guerre de Castille avecques les autres aides: si que, lui séjournant à Saint-Jacques , il envoya de son conseil à Bordeaux devers l'archevèque de Bordeaux et devers messire Jean Harpedane, qui lors étoit sénéchal de Bordeaux et de Buordelois. Etmandoit par ses lettres que l’un des deux, ou les deux tous ensemble en allassent en Arragon devers ce roi, et lui remontrassent vivement comment il étoit graudement de long - temps tenu envers le roi d'Angleterre et le duc d'Aquitaine. L'archevèque et le sénéchal regardèrent les let'res du duc et ouirent ce que ceux qui les avoient apportées disoient. Si eurent conseil ensemble: et fut advisé que il valoit trop mieux que le sénéchal .. demeurât en Bordeaux , que il allàt en ambassaderie au royaume d’Arragon; si que l’archevêque de Bordeaux eût celle commission; et étoit venu en Arragon, ct si mal à point, ainsi que les choses tournent à la fois sur le pis, que point il Ravoit parlé au roi, car jà étoit-il malade et tous les jours il aggrévoit, et tant qu’il mourut !.

Quand il fut mort, l’archevèque suivit les enfans et le conseil d’Arragon qui vinrent à l'enterrement du roi Piètre d'Arragon en la cité

* Le roi Jacques d'Arragon mouru janvi Ti g : { le 5 janvier 1387,

t-il au conseil du roi, et que il fut mis en prison fermée courtoise; mais il ne s'en pouvoit pas partir quand il vouloit, et étoit en la cité de Barcelonne. Quand les nouvelles en vinrent à Bordeaux devers le sénéchal, si dit:« Je n'en pensois pas moins , car l'archevêque, où que il soit, a trop chaude tête. Encore je crois que il vaulsit autant que je y fusse allé, car je eusse parlé plus à point ; il y a bien manière par tout le monde à savoir doucement demander le sien. »

Le sénéchal manda ces nouvelles par devers le duc de Lancastre qui se tenoit en Galice. Le duc en fut grandement courroucé, et se contenta mal du roi d’Arragon et de son conseil, quand

on avoit l'archevèque de Bordeaux, un si grand

prélat, retenu et mis en prison, en exploitant ses besognes. Adonc escripsit le duc aux compaguons de Lourdes que ils voulussent hérier ceux de Barcelonne, où l’archevèque de Bordeaux étoit en prison. Jean de Berne le capitaine, et qui se nommoit sénéchal de Bigorre, Pierre d’Anchin, Ernauton de Rostem , et Ernaulon de Sainte-Coulombe, et tous les compagnons de la garnison de Lourdes furent grandement réjouis de ces nouvelles, et commencèrent à courir ens ou royaume d’Arragon et jusques aux portes de Barcelonne, et tant que nul marchand n’osoit aller hors. À vecques tous ces meschefs, le jeune roi d'Arragon Jean se vouloit faire couronner à roi: mais les bonnes villes d’Arragon ne le vouloient. consentir, si it ne leur juroit solemnellement que jamais taille ni subside nj oppression nulle il ne mettroit ni ne éleveroit au pays. Et plusieurs autres choses vouloient-ils que: il jurât, escripvitet scellât, si it vouloit être couronné ; lesquelles choses lui sembloient , et à son conseil aussi, moult préjudiciables; et les menaçoit que il leur. feroit guerre: et espécislement à ceux de Barcelonne; et disoit le roi que ils étoient trop riches. et trop orgueilleux.

Ea ce temps avoit en la Languedoc, sur les.

frontières d'Auvergne et de Rouergue, vers Pé-. zénas et vers la cité d'Uzès une manière de gens, d'armes qui s'appeloient les routes et se monteplioient tous les jours pour mal faire. Et en. éloient capitaines quatre hommes d'armes qui. demandoient guerre à tout homme qui fàt monté à cheval; ils n'avoient cure à qui. Si étoient nommés Pierre de Mont-Faulcon , Gcoffrui

Chastellier, Hainge de Sorge et le Goulent ; et tenoient ces quatre bien trois cens combattans dessous eux, et mangevient tout le pays où ils conversoient. Quand ils furent informés que l'archevèque de Bordeaux étoit en prison en Arragon et que le duc de Lancastre se contentoit mal sur les Arragonnois, et outre, que le roi d’Arragon se contentoit mal des bonnes villes de son royaume , si en furent tous réjouis ; car tels gens comme ils étoient sont plus réjouis du mal que du bien. Si eurent conseil entr'eux , que fs approchervient Arragon, et prendroient quelque fort sur les frontières; et quand ils l'auroient pris, le roi d’Arrageon ou les bonnes villes traiteroient deverseux ; et quelqu'il fût ils les ensonnieroient et trop bien leur iroit , mais que ils eussent titre de faire guerre. Si se départirent à la couverte de la marche et frontière de Pézénas entre Nismes et Montpellier, et s'en vinrent chevauchant tout frontiant le pays ; et avoient jeté leur visée à prendre le chastel de Dulcen qui siéd en l'archevèéché de Narbonne entre le royaume d'Arragon et le royaume de France, droitement sur le département des terres ; et est ledit chastel au sire de Gléon. Et vinrent si à point et de nuit que ils le trouvèrent en petite garde. Si jetèrent leurs échelles ; et firent tant que ils l’eurent et en furent seigneurs ; dont tout le pays en fut grandement ému et effrayé, et par espécial ceux de Parpegnan en Arragon; car le chastel siéd à quatre lieues près de là. |

Aussi ceux de Lourdes prirent en celle propre semaine un chastel en Arragon, à quatre lieues près de Barcelonne, lequel on appelle Chastel- Vieil de Rouanes , et est le chastel à la vicomtesse de Chastel-Bon, cousine germaine au comte de Foix. La dame fut tout esbahie quand elle vit que son chastel fut pris. Si le manda à son cousin le comte de Foix , que pour Dieu on lui voulsist rendre, et que il lui fesist rendre, car ceux qui pris l’avoient étoient de son pays de Béarn. Le comte de Foix manda à sa cousine que elle ne s'effrayät en rien si son chastel étoit emprunté des Anglois, et que c'étoit pour hérier et mestrier ceux de Barcelonne, qui tenoient en prison l'archevêque de Bordeaux à petite cause, et que bien le r’auroit quand temps seroit et sans son dommage. La dame s’apaisa sur ce et se dissimula, et s’en alla demeurer en un sien autre chastel, près de Roquebertn.