‹ Les chroniques de sire Jean Froissart qui traitent des merveilleuses emprises, nobles aventures et faits d'armes advenus en son temps en France, Angleterre, Bretaigne, Bourgogne, Escosse, Espaigne, Portingal et ès autres parties, nouvellement revues et augmentées d'après les manuscrits avec notes, éclaircissements, tables et glossaires (volume 2)Chapitre 555 sur 705 · LIVRE LEL · texte numérisé non relu

LIVRE LEL

Le maréchal de l’ost avoit bien ouï parler de ceux d'Aurench , et que tous les jours ils se fortifioient. Si conseillèrent , le connétable, messire Jean de Hollande et il, le duc à là venir. Donc s’adressèrent toutes manières de gens à venir celle part, et firent tant que ils vinrent assez près, et se logèrent à l’environ.

La première nuit que ils furent là venus, il faisoit si bel et si chaud que sur le plus, car c'étoit environ l’Ascension. Si firent les seigneurs tendre tentes et trefs en ces beaux plains dessous les oliviers. Et se tinrent là la nuit et lendemain tout le jour, et sans assaillir, car ils cuidoient que ceux de la ville se dussent rendre légèrement et sans eux faire assaillir. Volontiers se fussent rendus les bons hommes de la nation de la ville, mais ils n’étoient pas seigneurs de leur ville, ainçois l’étoient Bretons, compagnons aventureux. Si étoient capitaines deux bâtards Bretons bretonnans. L'un étoit nommé le bâtard d'Auroy et l'autre le bâtard de Pennefort. Bien étoient bonnes gens d'armes; et bien y parut, quand si vaillamment, hors de tous conforts, ils emprirent à garder la ville d’Aurench contre l’ost au duc de Lancastre.

Au tiers jour que les Anglois furent là logés et que ils eurent la ville avisée, et comment à leur avantage ils l'assaudroient, le connétable, le maréchal et l'amiral de la mer, ces trois greigneurs seigneurs et capitaines, firent sonner les trompettes. Si s'armèrent toutes gens et issirent de leurs logis et se trairent sur les champs; et à furent-ils bellement départis en quatre par ties pour assaillir en quatre lieux; et puis s'en vinrent tout le pas et gentiment ordonnés en trompettant devant eux jusques à la ville, et s'arrêtèrent sus les fossés. H n'y avoit point d’eau, mais il y avoit bon palis de bois au devant des murs, et y avoit de bonnes épines et des ronces où gens d'armes ne se pourroient jamais embattre; car eaux n’y a nulles en ce pays là en trop de lieux, fors que en citernes que on recueille quand il pleut, et en été des

neiges qui fondent et descendent des monta-

gnes, dont eux et leurs chevaux sont mal servis. Or commença l'assaut en quatre lieux; et se commencèrent à avaler gens d'armes et gros varlets ès fossés; et apportoient haches en leurs poings , dont ils abattoient et tailloient ronces et épines devant eux à pouvoir.

Là étoient Galiciens qui les servoient en ces fossés de dardes que ils lançoient ; et si ceux qui abattoient ronces et épines n'eussent été paveschiés !, il y en eût eu grand'foison de morts et de blessés, mais les gens d'armes qui ens ès fossés étoient et entroient avoient gros varlels qui les paveschoient , et eux aussi.

D'autre part sus les fossés se tenoient archers qui traioient à pouvoir contre ceux de dedans, si roidement et si fort que à peine se osoit nul montrer.

Là vint le duc de Lancastre, monté sur un grand palefroi que le roi de Portingal lui avoit donné, pour voir l'assaut et lesquels le faisoient le mieux. Si y fut bien trois heures en cux regardant que il ne se pouvoit partir. tant de plaisance y prenoit-il!

De ce premier assaut et ce premier jour furent les fossés délivrés, et les ronces et les épines toutes coupées et abattues, et pouvoit-on bien aller jusques aux pälis. Adonc fut sonnée la retraite, Et dit le duc, qui là étoit et qui les regardoit, au maréçhal : «Messire Thomas, vos gens et les nôtres en ont assez fait pour ce jour; il les faut faire retraire, car ils sont bien lassés et foulés. » = « Monseigrieur, répondit le maréchal, je le veuil bien. » Lors fut la retraite sonnée; et laissèrent l'assaut tous ceux qui assailloient , et retournèrent aux logis; et mirent à point les blessés et navrés, et passèrent le soir et la nuitée de ce

qu'ils avoient. Des vins avoient-ilsgrand'foison, ” mais ils étoient si chauds et si forts que à peine les pouvoient-ils boire; et ceux qui ne s’en savoient garder et qui grand'foison d'eau au boire n’y mettoient, s'en trouvoient tellement appareillés que ils ne se pouvoient aider au matin.

Quand ce vint au lendemain, on ot conseil que on n'assaudroit point pour la chaleur du jour, ce jour tout entier , car encore étoient leurs gens tous échauffés de l'assaut et des forts vins que ils avoient le soir bus, mais à lendemain une heure devant soleil levant, à la fresquière on assaudroit, et tout jusques à tierce. Si fut signifié parmi l’ost que chacun se tint tout aise et se reposât et dormit , et que nul ne s’armât jusques au son de la trompette du maréchal. Ainsi fut fait. Ce jour ot nouvelles le duc de Lancastre du roi de Portingal, lequel s'étoit trait sur les

? Couverts de boucliers

L1387] champs et parti dû Port et s'en alloit vers Saint- Yrain, car par là vouloit-il entrer en Castille; ct retrouveroient leurs deux osts l'un l’autre sus la rivière de Doure, devant la ville de Padron ou devant Ville-Arpent. Ainsi l’avoient Anglois avisé et Portirigallois, voir si le roi de Castille et les François qui venus étoient et qui encore venoient tous les jours né leur sailloient au devant. Mais au cas que ils se mettroient eñsémble, et qu'il feroit nul apparent d’assemblée pour défendre les champs, et pour donner bataille, il conviendroit que ils y fussent plus tôt assemblés.

De ces nouvelles fut le duc très réjoui; et fit donner au varlet portingallois, qui les certaines nouvelles en apportoit, dix nobles. Or parlons de l'assaut qui ce matin se fit à Aurench en Gallice, ainsi que le maréchal et Iles Anglois l'avoient ordonné.

Quand ce vint à l'aube crévant, que le jour apparut bel et clair, la trompette du maréclal sonna par-devant les logis pour révciller toutes gens d'armes. Donc s'appareillèrent chevaliers et écuyers, et sc mirent en bon arroy, chacun dessous son pennon,; et mirent plus de une heure avant que i:s fussent tous appareillés. Le duc de Lancastre étoit en son pavillon; et ne se leva point sitôt, car il n’y avoit que faire. Le maréchal se trait sur les champs, ainsi que celui qui savoit bien faire son office ; et dessous son pennon se trayrent tous ceux qui ordonnés étoient pour assaillir. |

La nouvelle en vint dedans la ville d'Aurench, que les Anglois s'appareilloient, et auroient l’assaut, car les Bretons qui avoient fait le guet en avoient bien la connoissance par les trompettes du maréchal. Si se réveillérent toutes gens en la ville, hommes et femmes, et firent dire aux défenses aux Galliciens qui là étoient : «Seigneurs, soyez tous bonnes gens et ne vous esbahissez d'assaut que vous voyez. Nous n'avons garde; nous sommes en forte .place et si avons dardes et lances enferrées assez pour eux rebouter, et pierres et cailloux assez pour jeter à eux et pour eux porter grand dommage. Quand nous voudrons, au fort ils nous recueilleront à merci. Pis ne nous peuvent-ils faire. » — « Par Dieu! disoient les capitaines qui là étoient , nous avons été aucunes fois en place plus foible assez que celle ici n’est, que oncques n'y eûmes dommage. »

Ces Galiciens, par l'admonnestement de ces Bretons, voulsissent ou non, s'encourageoient, ce que point n’eussent fait si ils n'eussent été, mais ils se fussent tantôt rendus sans assaut. Car au voir dire et parler. en Castille et en Galice les communautés ne valent rien à la bataille. Îs sont mal armés et de povre courage. Les nobles et ceux qui s'appellent gentilshommes sont assez bons, mais qu'ils soient aux champs ct aux chevaux; mais quand ils ont fait leurs empeintes, ils tournent le dos et fitrent chevaux des éperons en fuyant toudis devant eux.

Or vinrent les Anglois tous appareillés et ordonnés pour assaillir, environ heure de soleil 1evant ; et s’en allèrent ens ès fossés, qui étoient parfonds assez et säns cau, et vinrent jusques aux palis sans nul empèchement, car ce tiers jour ils avoient coupé et abattu ronces et épines et tout ce qui ensonnier les pouvoit; et apportoient haches à grands fers et larges en leurs poings, dont ils commencèrent à abattre ces palis et mettre jus à leurs pieds. Et pour ce ne furent-ils encore pas au mur, car ils avoient à passer un fossé bien aussi large ou plus comme celui que passé avoient, et là avoit en aucuns lieux de la bourbe; mais ils ne ressoignoient pas leur peine, ainçois se boutèrent dedans ce fossé et vinrent jusques au mur.

Quand ceux qui étoient amont les virent approcher de si près, pour ce ne s'ébahirent-ils pas, mais se défendirent très vaillamment; et lançoient ces Galiciens dardes dont le coup étoit moult périlleux. Car qui en étoit atteint à plein, il convenoit que il fût bien pavoisé et fort armé, si il n'étoit durement blessé.

Là s'avisèrent Anglois pour dresser échelles;

et furent apportées en plusieurs lieux et dres- . amont , car on les avoit ouvrées et charpentées le jour devant que ils n’avoient point assailli. Là vissiez chevaliers et écuyers avancer pour monter amont, les targes sur leurs têtes et l'épée en la main, et venir combattre main à main ces Bretons, qui au voir dire vaillamment se défendoient; car je tiens la vaillance en ce que tant assaillir se faisoient et bien savoient que ils ne seroient confortés de nulluy ; car l’ordonnance des Francois et du roi de Castille étoit telle, que on laissoit convenir les Anglois en Galice et ailleurs, si passer ils vouloient , sans eux combattre ni ensounnier ; et ces Bretons se te-

Page 1