LIVRE HI
oo
si belle étoit perdue ni abattue; mais qu'on allât tantôt, et de fait, devant Montferrant, eux escarmoucher, et là mettre le siége, à celle fin qu'ils ne s'en pussent jamais partir; car chevaliers et escuyers de ce pays, de Bourbonnois et de Forez, se recueilleront et retrairont celle part, et tout le pays aussi; et n’y demeureront point quatre jours, qu'ils seront enclos et assiégés.
Endementiers que tels effrois et telles murmurations couroient parmi la ville et cité de Clermont, il y eut environ soixante compagnons, bien armés et bien montés, qui s'ordonnérent de partir et issir de la ville, pour chevaucher vers Montferrant, et faire aux barrières aucunes escarmouches; et puis s'en retourner arrière. Nul ne les dévéa, car il y avoit des plus notables de la ville en leur compagnie, et qui, selon leur état, désiroient les armes. Ils montérent aux chevaux ; et emmenèrent trente arbalètriers avecques eux ; et chevauchèrent tout le pas devers Montferrant. Encore issirent , de volonté aussi, de Clermont, plus de deux cens hommes, tous de pied, qui se mirent au chemin après ces chevaucheurs, lesquels s'en vinrent jusques aux barrières de la ville de Montferrant.
Les nouvelles vinrent entre ces compagnons qui étoient seigneurs de la ville, que les hommes de Clermont les étoient venus voir, et étoient devant les barrières de la porte. De ces nouvelles furent-ils tous réjouis; et s'armèrent plus de cent, tous des plus apperts ; et monterent sur leurs chevaux ; et firent ouvrir hâtivement la porte ;et puis issirent hors, tous en une route en écriant : « Saint George!» Quand ces Clermontois les virent venir ainsi, et de si grand’volonté, si furent tout effrayés et vaincus d’euxmêmes ; et commencèrent à reculer, sans montrer visage ni défense, et à fuir les uns çà et les autres là. Les mieux montés, au départir de Clermont, étoient devant; et avoient dit que sur les champs ils vouloient avoir le premier assaut ; mais tantôt ils furent les premiers retournans devers leur ville ; et ces Gascons après; et si leurs chevaux eussent été aussi bons et aussi frais que les Clermontois étoient, tous, ou en partie, fussent illecques demeurés. Toutes fois ils les chassèrent assez loin, et jusques à ceux de pied qui venoient. Mais quand ils virent la chasse, il n'y eut entre eux point de conroi; ains se mi-
rent à la fuite aussi; et sailloient de vigne en vigne et de fossé en fossé, pour eux sauver. Les arbalètriers de Clermont, quand ils virent que leurs gens fuyoient, furent de meilleur arroi que nul des autres, car ils se mirent en un vignoble ; et là s'arrètèrent et tendirent leurs arcs; et montrérent défense et visage. Jamais on ne les fût là allé querre; et s’y tinrent tant que les Anglois furent retraits dedans Muntferrant. Les Clermontois perdirent vingt de leurs hommes.
llen y eut six morts et quatorze pris. Ainsi se porta cette besogne.
