LIVRE Il

messire Barnabo; tout ce lui virent faire ceux qui venoient pour le prendre; et puis trait le chevalier son épée comme vaillant homme, pour lui mettre à défense. Ce ne lui valut rien; car tantôt il fut environné, et messire Barnabo aussi; et Jà fut le chevalier occis, pourtant qu'il avoit fait semblant et contenance de lui défendre ; dont messire Galéas fut depuis pour la mort trop durement courroucé. Là fut pris messire Barnabo; oncques n’y ot défense en lui ni en ses gens, et mené en un chastel où son nepveu étoit, qui ot grand'joie de sa venue.

En ce jour aussi furent pris sa femme et ses enfans, ceux qui à marier étoient ; et les tint le sire de Milan en prison, qui prit tantôt toutes les seigneuries, villes, chastels et cités que messire Barnabo tenoit en Lombardie. Et se te: noit le paysà lui; et demeura messire Galéas sire de toute Lombardie par la manière que je vous dis; car son oncle mourut. Je ne sais mie de quelle mort; je crois bien que il fut saigné au haterek, ainsi comme ils ont d'usage à faire leurs saignées en Lombardie, quand ils veulent à un homme avancer sa fin !.

Ces nouvelles s'épandirent tantôt partout : les aucuns en furent lies et les autres courroucés: car messire Barnabo avoit fait en son temps tant de si cruels et de si horrribles faits et de piteuses justices sans raison, que trop petit de gens qui en oyoient parler le plaignoient ; mais disoient que c’étoit bien employé. Ainsi fina, ou aucques près, messire Barnabo qui en son temps avoit régné au pays de Lombardie si den ment.