CHAPITRE CCXXVII

Comment les François prindrent plusieurs forts sur les Anglois ès marches de Poitou et de Xaintouge; et comment le duc de Bourbon et le comte de la Marche mirent le siége devant le chastel de Taillebourch.

Nous retournerons à l’armée que le duc de Bourbon et le comte de la Marche firent en Poitou et en Limousin. Il se départit de Moulins on Bourbonnois et chevaucha à belle route de chevaliers et d’écuyers pour parfournir son voyage; et avoit Jean de Harecourt son neveu en sa com-

1. Barnabo fut-arrêté le 6 mai par son neveu, qui avait prétexté un pèlerinage à la Madouna-del-Monte près de Varese. Il fut retenu en prison pendant sept mios avec ses deux fils; après trois tentatives d’empoisonnement, il fuit par succomber, le 18 décembre 1385.

pagnie. Le duc de Bourbon avoit fait son souverain et espécial mandement de ceux de Berry,

d'Auvergne, de Poitou, de Rouergue et de à tout le moins si ils l'avoient les autres en se-

Xaintonge et de Limousin à être à Niort, à quatre lieues de Poitiers. Entrementes que ces gens d'armes s'assembloient et que ces mandemens se faisoient , se tenoit messire Guillaume de Ligoac, un moult vaillant chevalier, sénéchal de Xaintonge de par le roi de France et gouverneur de la Millau ens ès marches de par delà. Sis'en vint en Angoulémois à toute sa charge de gens d'armes, où bien avoit deux cens combattans , et s'arrêta devant le chastel de l'Aigle', que Anglois tenoient, qui tout l'hiver et l'été ensuivant avoient moult hérié le pays.

Quand messire Guillaume fut là venu, il mit tantôt pied à terre, et fit mettre ses gens en ordonnance et approcher ce chastel que ses gens assaillirent de grand’volonté. Et là ot dur assaut et fort et bien continué ; car ceux qui dedans étoient se défendoient pour leurs vies. LA fut messire Guillaume, bon chevalier, et y fit moult d'armes; et quoiqu'il fût capitaine de tous, il leur montroit bonne volanté, et comment on devoit assaillir ; car nullement ne s'épargnoit. Tant fut l'assaut fort et bien continué que le ehastel fut conquis de force; et entrèrent ens les François par échelles; et furent morts et pris ceux qui dedans étoient. Ce premier conquêt en celle saison fit messire Guillaume de Lignac, en attendant le duc de Bourbon et sa route.

Quand le duc de Bourbon fut venu à Niort, si trouva à grand'foison de gens d'armes qui l'attendoient et désiroient sa venue. Et là étoit son cousin, le comte de la Marche à grand'route de gens d'armes, le vicomte de Tonnerre, messire Aymery de Thouars , sénéchal de Limousin, le sire de Pons, le sire de Parthenay, le sire de Tors, le sire de Poissances et plusieurs autres barons et chevaliers de Poitou et de Xaintonge. Et là vint devers le duc messire Guillaume de Lignac qui avoit pris et tourné François le chastel de l'Aigle; dont le duc lui en sçut bon gré.

Quand toutes ces gens d'armes furent mis ensemble, ils se trouvèrent bien sept cens lances, sans les Gennevois et les gros varlets: et étoient bien en somme deux mike combattans. Adonc jetèrent-ils leur avis où ils se trairoient premièrement, ou devant Breteuil, ou devant Taillebourch , ou devant Mont-Leu. Tout considéré et

| (1385) pour le meilleur, ils dirent que ils iroient devant

Mont-Leu, pourtant que c’est un chastel sur les landes de Bordeaux et au chemin de Bordeaux :

roient plus foibles, et ne pourroit nul issir de Bordeaux que ils ne le sçussent. Si cheminèrent celle part et passèrent Angoulème, et vinrent devant Mont-Leu, et là mirent le siége ; et étoient conduiseurs des gens d'armes du duc de Bourbon et de tout l’ost messire Jacques Poussart et Jean Bonne-Lance. Ces gens d'armes n’arrêtèrent guères devant Mont-Leu, quandils s'ordonntrent pour l'assaillir; et apprètèrent leurs atournemens d'assaut et lears échelles, etcommencèrent à environner ce chastel, et l’assaillir de grand'manière, et eux à défendre de grand'volonté. LA ot, je vous dis, assaut dur et fier, et bien continué, et fait de grands appertises d'armes sur échelles; car les François montoient délivrément et se combattoient sur les murs main à main d'épées et de dagues. Et firent tant les François que par bon assaut le chastel fut pris et conquis, et ceux de dedans morts; petit en y ot de sauvés. Quand les seigneurs de France orent la possession de Mont-Leu, ilsle remparèrent et rafreschirent de nouvelles gens et de pourvéances, et puis s'en vindrent le chemin de Taillebourch sur la Carente, de laquelle forteresse Durandon de la Pérade étoit capitaine , lequel étoit Gascon et appert homme d'armes; et ne fit point grand compte des François quand ils vindrent. En venant vers Taillebourch, le duc de Bourbon et ses routes prirent deux petits forts anglois, lesquels | toute la saison avoient moult hérié les frontières : de Poitou et de Limousin ; et s'appeloit l’un, la Trouchette et l'autre Archiac, et furent morts tous ceux qui dedans étoient ; et les chastels rendus à ceux du pays environ qui les abattirent tous deux.

Or fut mis le siége devant le chastel de Taillebourch, et fut assis par quatre bastides et par quatre lieux. A Taillebourch a un pont qui siéd sur la Carente; et l'avoient les Anglois et les Gascons qui le tenoïent fortifié; et toute la saison point de navire allant en la Rochelle et en Xaintonge n'avoit pu passer, fors en grand danger et par trevage.

Lors s’avisèrent les seigneurs que is pren»

droient le pont , si auroïent moins à faire, et se logeroient plus sûrement en leursbastides. Adono

ordonnérent-ils par quelle manière. Si firent venir de la Rochelle nefs armées et toutes apparéillées contre mont la Carente , et mirent dedans grand'foison d'arbalètriers et de Gennevois, et envoytrent ces gens escarmoucher à ceux du pont. Là ot dur assaut ; car les Anglois et les Gascons avoient malement le pont fortifié; si se défendoient aigrement et vaillamment; et aussi il étoit assailli de grand'volonté par terre et par la rivière. Et là fut fait chevalier à cet assaut l'aîné fils au comte de Harecourt , Jean, et bouta bannière hors; et le fit chevalier son oncle le duc de Bourbon. Cil assaut au pont de Taillebourch fut moult beau et moult fort et bien continué, et y ot fait maintes appertises d'armes ; et traioient ces Gennevois et arbalètriers qui étoient en ces nefs à ceux du pont si roide et si dru et si ouniement que à peine osoit nul apparoir ni soi montrer aux défenses. Que vous ferois-je long compte? Par bel assaut le pont de la rivière sur le passage de Taillebourch fut conquis, et tous ceux occis ou noyés qui dedans furent trouvés; oncques nul n'en échappa. Ainsi orent les Francois le pont de Taillebourch. Si en fet plus beau leur siége ; car il siéd à trois lieues de Saint-Jehan l'Angelier, et à deux lieues de Xaintes au meilleur pays du monde.

De la prise du pont de Taillebourch furent ceux du chastel, Durandon et les autres, tous ébahis et courroucés, et bien y avoit cause, car ils avoient perdu le passage de la rivière. Nonpour-quant ils ne se vouloient pas rendre; car ils se sentoient en forte place et si attendoient confort de ceux de Bordeaux ; car on disoit adonc en cette saison sur les frontières de Bordelois, et si assuroient les Gascons et les Anglois des forteresses , que le duc de Lancastre ou le comte de Bouquinghen atout deux mille hommes d'armes et quatre mille archers venroient à Bordeaux pour combattre les François et pour lever tous les siéges. En ce avoient-ils grand'espérance ; mais les choses se taillèrent autrement, si comme je vous dirai ; car voirement, avant que l'armée de l'amiral de France se appareillât pour aller en Escosse, étoit-il ordonné en Angleterre que le duc de Lancastre et messire Jean de Hollande, frère du roi, et messire Thomas de Percy, messire Thomas Trivet, le sire de Fit- Watier, messire Guillaume de Windesore, messire YonFit-Varin et autres barons et chevaliers,