CHAPITRE

Des souldoyers d’'Audenarde qui estoient en moull grant danger d'argent ; comment ils s'en plaindirent aux capitaines, et connment on trouva maniére d'en avoir, et aussi eoinment icellui argent leur vint bien à point, car autrement la ville estoit en adventure de perdre.

Le siége étant devant Audenarde, par la grande et langue espasse que ceulx de Flandres le tindrent à siége, les sauldoyers qui dedans Andenarde estoient eairent grant souffreté de pécune d'or et d'argent pour leurs besoingnes, car ils avoient despendu ce que aporté en avoient, et si en avoient tant emprunté et acreu à ceulx de la ville, que nals ne leur voalloit plus prester me croire. Si s'assemblèrent les sauldoyers, et vinrent à leur capitaine, messire Daniel de Hallevin, et dirent et remonstrèrent leurs nécessités et besoings, et k grant souffrance que ils avoient d'argent, et que longuement pe pouvoient durer ainsi. Et lui pryérent pour Dieu, que it fui pleusist en escripre au œnte de Flandres et laissier savoir leur estat et nécessité, et que par quelque voyeon leur fesist avoir argent de œ que on leur devoit ; car ainsi que on dist en ung proverbe : ils n'en vouloient faire four ne moullin, et n'estoit fors pour payer leur (à où) que is éevoient, et le surplus despendre en gardant l'éritaige du conte et leur honneur.

Messire Daniel de Hallevin entendy bien la petition et requeste des sauldoyers, et ymagina que ces sauldoyers ne disoient pas trop grant merveilles. Nonobstant , il respondy et dist :

« Beaux seigneurs, je vous ay bien entendu, et de ce que vous requérez j'en seroie moult désans, et par votre conseil j'en voudroie ordonner , mais prendons que je envoyasse vera

ADDITION AU LIVRE I

le conte notre seigneur en la manière que dit advez, je suppose que nous pourrions bien faire d’un petit mal uag grand. Suppesé que le conte nous envoyast autant d'argent ou plus que besoing ne nous soit, si pourroit-il estre que, ains que vous eussiez l'argent, que nos ennemis l'adveroieat ; si vauldroit tant pis; mais empruntez eù que avoir en povez, et je en feray ma one et mon cattel avec vous.

«Sire, respondirent les sauldoyers, ainsi que vous advez dit nous le vouiliens bien faire; mais ceulx à qui nous debvons, et ceulx à qui nous voulliens emprunter, ont dit que riens n’en feront plus que fait en est; car ils dient que s'ü advenoit, jà ne doint Dieu que ä adviengne! ne jà il n’avendra se il plaist à Dieu! que la chose allast pis que nous ne supposons et que la ville fuist prise, de nos vies ne seroit riens, ne des leurs par adventure, et ceulx qui se pouroient saulver se penseroient et cuideroient avoir leur debte perdue, et durement leur venvoit mal à point.

Ces parolles disans, entre messire Daniel de Halwin et les sauldoyers , vindrent à congnoissance à plusieurs bons marchans de vin, taverniers riches. Si se advisèrent ensemble que eulx esiant en ce party en Audenarde , que on ne savoit comment ce siége prendroit fin , ils estoient en dur party. Si pourroient bien valloir que ils euissent fait ce prest de ce que il fauldroit à ces sauldoyers, et plus se mestier étoit, à messire Daniel de Halwin leur capitaine, chascun selon sa cantité et povoir. Si s'accordèrent jusques à six mille francs franchois, par manière que ce conte de Flandres, ains que ils en payassent riens , leur meyst leur argent en Valenchiennes au chambge Pierron Rasoir. Eux d’accort ils se trayrent devers leur capitaine; et luy dist Es-

noul GCabillau pour eulx tous :

aSire, nous sommes informés que vos sauldoyers ont nécessité et besoing d'argent, et il y a bien cause , car ils en doivent ; et se ne voit on pas l’apparaat du payement. Mais nous vous advons trouvé, se il vous plaist, jusques à la somme de six mille francs franchois, par manière que il vous plaise à mander à nostre seigneur le conte que il les veuille envoyer à Vallenchiennes au chambge Pierron Rasoir; et nous vous délivrerons par escript les parties de chascun de nous, combien il payera, et envoyer icelles par-

ties avec vos lettres au conte, et chils qui y portera l'argent emporte les parties au dit chambgeur ; et quant nous adverons ung chascun de nous ung briefvet escript de la main de Pierron ou de Hanin Rasoir, son Bepveul, fils Jehan Rasoir l’aisnet, qui siet à son chambge , en recongnoissant à nous debvoir à chascun sa partie, bien nous soufhra , et nous vous délivrerons la somme dessus dite. La cause pourquoy nous le verrons voulentiers ainsi, est que, se aulcune chose advenoit de novelle à nostre contraire, qui est possible, il ne plaise jà à Dieu que il adviengae! naus ou nos hoirs en vivriens sans dangier tant que nous porriens mieux. Monseigneur le conte ne pourroit néant volloir que en luy servant nous fuisiens povres et deshonnourés. Aussi nous advons bien fianche que point ne le vouldroit. Si nous semble bien ceste chose faisable pour le bien de l’une partie et de l'autre; si vous en plaise à dire vostre avis. »

Messire Daniel de Halwin leur respondy : que c'estoit bien chose acordable, et que il n’y véoit ne ymaginoit aultre chose que bien , et que ainsi le feroit. Car il supposoit que le conte de Flandres, leur seigneur , le feroit voullentiers; «car c'est bon pour lui, et pour moi et les sauldoyers, et pour vous. »

Si fist tantôt escripre unes lettres adrechans au conte de Flandres, contenans l'estat de eulx, et de lui remander l'estat de luy;en après la bonne voullenté de ces bourgois taverniers de la ville de Audenarde pour l'advanchement et ayde de faire le payement dit, et par la manière dessus dicte; et les marchans lui envoyèrent et delivrèrent les parties de combien chacun voulloit payer; puis quist aussi messire Daniel de Halwin

ung bon varlet qui bien s'acquita pour la lettre

porter , et les parties par ung briefvet du fait des marchans ; et advisèrent à une heure de la nuyt que on ne véoit goutte et que l'on estoit le plus requoisiet. Si se party le dit varlet à l'adveuture de Dieu , la lettre du conte et le briefvet en une custode estainne, pour l’eau, et le loya sur le sommeron de sa teste, et puis saillit ens ès fossés, au lez où on estoit le plus acquoisiet : et noa oultre les fossés.

. Quant il vint à rive tout bellement et coyement, il fist tant que il fu desoubs ung buisson, et là se quaty en awardant les passans et as-

couttant le cry de la nuyt; et tant y fut que il le

sceult ; puis se party,et s'en ala à l’adventure. Il fut rencontré par pluiseurs fois, et quant on l’appeloit il respondoit le cry de la nuyt.

Ainsi se passa la nuyt ; lendemain il prist le chemin de Hesdin, où le conte de Flandres se tenoit adonc, car on povoit bien aler, venir et retourner paisiblement, puisque on savoit que ce ne fussent ennemis. Tant esploitta le dit varlet que il vint à Hesdin, où il trouva le conte, et luy delivra ses lettres et le briefvet. Le conte fist lire les lettres et puis le briefvet. Quant il eult tout bien entendu de leur estat et de ce que ses bourgois d’Audenarde voulloient faire, si en fu grandement resjoys; car il n'y véoit que bien et raison. Messire Josse de Halwin, frère à messire Daniel, capitaine de Audenarde, estoit pour le présent d'encoste le conte. Si lui dict le conte: « Josse, je veuil que vous allez jusques à Vallenchiennes, à six mille francs que je vous délivreray; et en faictes et usez ainsi que le briefvet contient. »

-- «Monseigneur, respondy messire Josse, je le feray voullentiers à vostre commandement et vaulloir. »

Le conte de Flandres fist que messire Josse eult les six mille francs ; se se départy du conte de Flandres son seigneur, et le varlet avec lui qui avoit apporté les lettres au conte, et s'en vindrent à Vallenchiennes. Messire Josse de Halwin, venu à son hostel à Valenchiennes, à la Teste-d Or, en la place que on dict au chastel Saint-Jean , enquist comment on lui ensaingneroit le chambge Pierron Rasoir. Quand il le sceult, ilse traist 1à, lui monstrant ce briefvet que les taverniers d’Audenarde lui envoyoient, et qu'il receust à lui ce que le briefvet contenoit ; et l’escripsist sur eulx à debvoir, en lui livrant pour chascun homme un briefvet de sa quantité, escript de sa main, ou de la main Hanin Rasoir son nepveul.

Ainsi que charget lui estoit et que son briefvet contenoit , il fu fait rechupt, et ordonné par la manière dessus dicte, et les briefvets éescripts pour chascun à sa quantité, de la main du dit Hanin, car le dit Pierron estoit desbaittié de gravele, ainsi comme il avoit souvent de coustume. Tout ce fait, messire Josse délivra les briefvets et une lettre de l’esiat et intention du conte, adrechant à messire Daniel de Halwin, capitaine d'Audenarde, son frère, au varlet qui avoit apporté les aultres, qui là estoit venus avec

luy. Puis se départirent l'an de l'autre. Messire Josse revint vers le conte, et lui recorda comment il avoit esploittiet et besoingniet , lequel souffist très bien au conte ; et dict que il avoit très bien fait son ouvrage et besoingniet.

Le varlet prit son chemin à l'adventure de Dieu, ainsi que pour revenir et entrer dedans Audenarde. Et se party de Valenchiennes ; et esploitta tant que il vint en l’ost par jour, car on n'y demandoit riens à nully. Quand ce vint au nuyt, il fist tant que il sceult le cry de la nuyt, et espia son cop que le quart estoit acquoisiés, et s'en vint bellement et coyement que nuls ne s'en perchut. Et s’il estoit percheu, il disoit le cry de la nuyt, et on le laissoit passer oultre. Tant fist que il vint sur la croste des fossés leur (là où) aultrefois ilavoit passé. Si logea sa lettre et ses briefvets sur sa teste au plus hault en la custode, ainsi que fait avoit au passer, et puis resailly ens ès fossés, et nagea outre.

Quant il fu à l’autre rive, il hucha aux gardes des cresteaux que on le laissast ens. Il fu oys et recongneus ; si fu laissiés ens à grand'joye. Et s'en vint vers messire Daniel de Halwin, le capitaine , et lui délivra la lettre du conte de Flandres et les briefvets des bons marchans taverniers que Pierron Rasoir leur envoyoit ; et lisi ses lettres et les briefvets, et puis dict en audience l'estat du conte et son intention que il proposoit à faire, dont ils furent tous grandement resjoys; et manda aux marchans que ils venissent à luy atout l'argent, et il délivreroit à chascun en droit Mi ung briefvet de sa quantité de Pierron Rasoir, chambgeur de Valenchiennes, comme ils l'avoient requis. Ils vindrent et payèrent et pristrent chascun leur briefvet, et en furent moult lies et joyeux. Aussi fu le capitaine et les sauldoyers. Et fut l'argent départi aux sauldoyers, à chascun selon son estat. Si en payèrent leur (là où) ils debvoient , et gardèrent le surplus pour le temps advenir.

On suppose que oncques argent ne vint mieulx à point pour le conte, pour le capitaine, pour les souldoyers et pour ceux de la ville, car ils demeurèrent tous en unyon et d'accort , et tous bien asouffis, que se le contraire fust advenu , qui povoit aussi bien venir par disette, par les sauldoyers que par ceulx de la ville.

ADDITION AU LIVRE 11

Les chap. 158 à 161 rép. cp CLXX.

RE CPE CLXXI.

Qi ue CLXXIL.

—— 16401165 ......... CLXXINL.

— 166 à 168......... CLXXIV.