LIVRE HIT

5, 3 et le duc de Bourbon comme souverains capitaines de tous, je vous prie que vous ayez coliation ensemble et regardez lequel est le plus profitable et honorable pour moi et pour mon royaume ; Car par vous sera tout fait, du combattre nos ennemis ou du laisser: » Ils s'inclinèrent devers le roi et répondirent : « Sire, volontiers. »

Ainsi se départit le parlement pour la journée et se retraist chacun en son hôtel. Les chevaliers de France eurent, ce jour ensuivant aprés diner et le soir , plusieurs paroles ensemble ; et dirent les aucuns : «Nous ne nous pouvous combattre honorablement jusques à tant que monseigneur de Bourbon sera venu. Que savons-nous quelle chose il voudra faire, ou combattre ou non ? Or soit que nous combattons et que nous ayons la journée pour nous, monseigneur de Bourbon en seroit grandement indigné contre nous, et par espécial sur les capitaines de France. Et si la fortune étoit contre nous, nous perdrions nos corps et ce royaume ; car si nous étions rués jus, il n'y auroit point de recouvrer ens ès Castellains, que tout le royaume ne se perdist pour Île roi à présent. Et si en serions encoulpés plus que les autres ; car on diroit que nous aurions fait faire la bataille et que nous ne savons donner nul bon conseil. Encore outre, que savons-nous si tout ce pays est à un, ni si ils ont mandé couvertement le duc de Lancastre et sa femme qui se tient héritière de Castille? car elle fut fille au roi Dam Piètre; tout le monde le sait bien. Et si ils véoient le duc et les Anglois sur les champs qui chalengent la couronne de Castille et disent que ils ont juste cause, car le roi Jean fut fils au bâtard , ils se pourroient tourner en la fin, sicomme ils firent à la grosse bataille de Nazre ; et nous demeurerions morts ou pris sur les champs. Si que , il y a doubles périls, tant pour le roi que pour nous :ilest fol et outrageux qui conseille Ja bataille. » |

«Eh! pourquoi donc, dirent les autres, n’en parlent ceux qui y sont tenus de parler , comme messire Guillaume de Ligsnac et messire Gautier de Passac? » — « Pour ce, répondirent les autres, que ils veulent savoir l'opinion de tous; car il ne peut être que on ne leur ait dit bien au partir, les consaulx du roi et du duc de Bourbon, quelle chose ils doivent faire; et par raison le sauronsnous demain. »

Ainsi furent en plusieurs estrifs aucuns chevaliers de France ce jour et ce soir. Et autretant bien d’autre part étoient les Espaignols. Et ne conscilloient pas, ceux qui aimoient le roi, à combattre, par plusieurs raisons ; car si il conrbattoit et la journée étoit contre lui, sans recouvrer il perdrait son royaume. Et le roi tenoit bien aussi ce propos et ressoignoit les fortunes, et ne savoit pas, ni savoir ne pouvoit tous les courages de ses hommes , ni lesquels l'aimoient et lesquels non. Si demoura la chose jusques à lendemain que tous retournèrent au palais du roi et entrèrent en parlement.

En ce parlement eut plusieurs paroles dites et retournées , car chacun à son pouvoir vouloit le roi Jean de Castille loyaument conseiller ; et bien véoient et connoissoient les plusieurs que il ne s’inclinoit pas trop grandement à la bataille, car il lui souvenoit souvent de la dure journée que il avoit eue à Juberote, où le roi de Portingal le déconfit et où il prit si grand dommage que, si il avoit l'aventure pareille, il perdroit son royaume. Quand on eut allé tout autour de la besogne , et que on eut à chacun demandé ce que bon leur en sembloit ni véoit, on dit à messire Guillaume de Lignac et à messire Gautier de Passac que ils en dissent leur entente, car par eux se devoil tout ordonner , au cas que ilsétoient les souverains capitaines, et là envoyés de par le roi de France et son conseil. Ces deux chevaliers regardèrent l'un l'autre ; et dit messire Gautier : «Parlez, messire Guillaume. »—« Non ferai, mais parlez-vous , car vous êtes plus usé d'armes que je ne sois. »

Là furent en estrif de parler : finablement il convint messire Guillaume parler, car il étoit ainsné, combien que aussi avant étoit chargé de la besogne l'un que l'autre, et dit ainsi :

aSire roi, vous devez, ce m'est avis, grandement remercier la noble et bonne chevalerie de France qui vous est venue voir et servir de si loin. Et outre, ils ne montrent pas que ils aient affection ni volonté de eux enclorre ni cux enfermer cn cité, en ville, en chastel ni en garni- $on que vous ayez; mais ont grand désir de cux traire sur les champs et de trouver et combattre vos ennemis, laquelle chose, sauve soit Jeur grâce ct la bonne volonté que ils montrent , ne se peut faire à présent par plusicurs raisons ; ct la principale raison est que nous attendons mon-

seigneur de Bourbon, qui est dessus nous souverain , lequel viendra tantôt et nous rcconfortera encore grandement de gens d'armes. Aussiil y a grand'foison de chevaliers et d'écuyers en nos routes, qui oncques ne furent en ce pays ni qui point ne l'ont appris. Si appartient bien que ils le voient et apprennent deux ou trois mois, car on ne vit oncques bien venir de chose si hàtivement faite que de vouloir tantôt combattre ses ennemis. Nous guerroierons sagement par garnisons deux ou trois mois, ou toute celle saison , si il est besoin; et lairons les Angjlois ct les Portingallois chevaucher parmi Galice et ailleurs si ils peuvent. Si ils conquièrent aucunes villes , nous les r'aurons moult tôt requises, mais que ils soient partis hors du pays. 1l ne les feront que emprunter. Encore y a un point en armes où gisent et sont moult d'aventures. En chevauchant et eux travaillant parmi ce pays de Galice, lequel est chaud et de fort air, ils pourront prendre {els travaux et telles maladies que ils se repentiront de ce que ils auront été si avant , car ils ne trouvcront pas l’air si attrempé, ainsi comme il est en France, ni les vins de telle boisson ni douceur, ni les fontaines attrempées si comme en France; mais les rivières troubles et froides pour les neiges qui fondent ens ès montagnes, dont eux et leurs chevaux, après la grand'chaleur du soleil que ils auront eue tout le jour, morfondront, ni jà ne s'en sauront garder. Ils ne sont pas de fer ni d'acier, que à la longue ils puissent en ce chaud pays de Castille durer. Ce sont gens si comme nous sommes; et nous ne les pouvons mieux déconfire ni gâter que de non combattre et laisser aller partout. Is

ne trouveront rien au plat pays où ils se puis-

sent prendre ni aherdre, ni nulle douceur où ils

se puissent rafreschir ; car on m'a donné à entendre que le plat pays est tout gâté de nos gens mêmes; donc je prise bien cel avis et celle ordonnance , car si ce étoit à moi à faire, je le ferois. Et si il est nul de vous quisache mieux dire, si lc dise, nous l'orrons volontiers. Et si vous en prions messire Guillaume et moi.»

Tous répondirent ainsi que de une voix ; «a Ce conseil soit tenu. Nous n’y véons meilleur ni plus profitable pour le roi de Castille et son royaume. »

À cc conseil se sont lous tenus : que, avant que on se mette sus les champs ni que on fasse nul

semblant que on combatte les Anglois , on attendra la venue du duc de Bourbon, et pourverrat-on de gens d'armes les garnisons sus les frontières, et laira-t-on les Anglois convenir, et les Portingalois aller et venir parmi le pays de Castille là où ils pourront aller. Ils n'emporteront pas le pays, quand ils s’en iront, avecques eux. Ainsi se defina le parlement et issirent tous de la chambre.

Ce jour donna à diner aux barons et chevaliers de France en son palais à Burges, le roi de Castille grandement et largement selon l'usage d'Espaigne. A lendemain, dedans heure de ponne, furent ordonnés et départis les gens d'armes, et savoit chacun par la relation des capitaines quelle chose ils devoient faire ni où aller. Si fut envoyé messire Olivier Du Glayaquin, le comte de Longueville, atout mille lances, à une ville forte assez sus la frontière de Galice, que on dit ville d’Agillare; messire Regnault et messire Tristan de Roye en une autre garnison, à dix lieues de là sus la frontière aussi de Galice, en une villeque on appelle Ville-Sainte, atout trois cens lances ; messire Pierre de Vilaines, atout deux cens lances, à Ville en Bruelles; le comte de la Lune en la ville de la Mayolle ; messire Jean des Barres, atout trois cens lances, en la ville et chastel de Noye en la terre de Gallice; messire Jean de Chastel-Morant et messire Tristan de la Gaille et plusieurs autres compagnons en la cité de Palence; le vicomte de la Berlière en la ville de Ribesor; messire Jean et messire Robert de Braquemont et tous les Normands en Ville-Arpent. Ainsi furent tous départis ces gens d'armes et connétables : de eux tout fait et ordonné. Messire Olivier Du Glayaquin, lequel avoit la greigneur charge, messire Guillaume de Lignac et messire Gautier de Passac, demeurèrent de-lez le roi à Burges; et par-

tout où il alloit ils allèrent. Ainsi se portèrent en

celle saison Îles ordonnances en Castille, en attendant le duc de Bourbon , lequel étoit encore en France à Paris, et ordonnoit ses besognes pour aller en Castille.

Nous mettrons un petit en repos cette armée de Castille du duc de Lancastre et du roi de Portingal. Quand le temps et lieu sera, nous y retournerons bien. Et parlerons des avenues

qui avinrent en celle saison en France et en !

Angleterre, dont il en y eut des folles et des