‹ Les chroniques de sire Jean Froissart qui traitent des merveilleuses emprises, nobles aventures et faits d'armes advenus en son temps en France, Angleterre, Bretaigne, Bourgogne, Escosse, Espaigne, Portingal et ès autres parties, nouvellement revues et augmentées d'après les manuscrits avec notes, éclaircissemens, tables et glossaires (volume 5)Chapitre 317 sur 709 · LIVRE IL · texte numérisé non relu

LIVRE IL

glois les mandoient, et qu'ils séoient à siége devant la ville de Yppre, si en furent grandement réjouis; et se ordonnèrent au plus tôt qu’ils purent de aller celle part; ct se départirent de la ville de Gand un mercredi au matin après les octaves Saint-Pierre ct Saint-Paul environ vingt mille, à grand charroi ct en bonne ordonnance, et sen vinrent tout parmi le pays et au dehors de Courtray, devant la ville de Yppre. De leur venue furent les Anglois moult réjouis, et leur firent grand'chère; et leur dirent que tantôt ils auroient conquis Yppre , et puis iroient prendre Bruges, le Dam et l'Écluse ; et ne faisoient nulle doute que dedans le mois de septembre toute Flandre seroit acquise à eux. Ainsi se glorifioient-ils en leurs fortunes.

Si étoit pour le temps capitaine de la ville de Yppre un moult sage et avisé chevalier, qui s'appeloit messire Pierre de la Sieple, qui là dedans s’étoit mis et bouté : par lui et par son sens s'ordonnoient toutes les besognes ct les gens d'armes qui là dedans étoient boutés de par le duc de Bourgogne et le comte de Flandre. Avec le dessus dit chevalier étoit messire Jean de Bourgrave, chastelain de Yppre, messire Baudoin de Velledène, son fils le seigneur d'Yssenghien, le seigneur d'Estades, messire Jean Blanchart, messire Jean Hamel, messire Jean de Herselède, messire Nicolle Belle, le seigneur de Hollebecque, le seigneur de Roleghen, messire Jean Ahoutre , Jean de la Sieple écuyer, neveu au capitaine, messire Jean Belle, François Belle, messire George Belle, et plusieurs autres appertes gens d'armes, lesquels avoient grand soin, peine et travail pour les Anglois qui soubtivement et soigeusement les assailloient , peine et cremeur pour ceux de la ville que il n’y eût aucuns mauvais traitres envers ceux de Gand, par quoi ils échéissent en danger par trahison de ceux de la ville de Yppre.

En ce temps se tenoit en la ville de Courtray, et en étoit capitaine un vaillant chevalier de Hainaut , qui s’appeloit messire Jean de Jumont ; et s'y étoit bouté à la prière et requête du duc de Bourgogne et du comte de Flandre. Et quand il y entra, nul chevalier de Flandre n'en osoit emprendre la charge ni le faix, tant étoit périlleuse à garder. Et quand le roi de France s'en partit, elle fut toute désemparée et exillée, par quoi moult petit de gens y demeuroient ni sé-

Journoient, car tout étoit ars et abattu, ni à peine savoit-on dessous toit où loger ses chevaux. Celle haute emprise de la garder emprit messire Jean de Jumont, et la rempara tantôt, et fit, Dieu merci, que par sa garde il n'y ot nul dommage, fors que tout Nonneur. Le duc de Bourgogne, qui entendoit soigneusement aux besognes de Flandre, car elles lui étoient si prochaines que bien lui touchoient, envoya de France environ soixante lances de Bretons devers Courtray pour rafreschir et reconforter messire Jean de Jumont ; et vinrent ces gens d'armes au commandement du duc jusques à Lille. Ils se partirent un vendredi au matin de Lille et prirent le chemin de Comimes, et firent tant que ils y parvinrent. Et étoient le sire de Saint-Léger et Yvonnet de Taintiniac capitaines de ces gens.

En la ville de Comines étoient venus au matin, au point du jour, bien deux cents lances d’Anglois pour accueillir la proie du plat pays et mener devant Yppre. Ces gens d'armes bretons ne se donnoient de garde; si échéirent en leurs mains. Là ot dur rencontre et fort au pied du pont de Comines, et vaillamment se portèrent les Bretons. Et si ils eussent été secourus d’autant de gens d'armes et d'autant d'archers * comme ils étoient, ils s’eu fussent bien partis sans dommage; mais ils se trouvèrent trop peu contre tant de gens: si les convint fuir et mettre en chasse. Si en y eut la greigneur partie des leurs morts et pris sur les champs en retournant vers Lille, et fut le sire de Saint-Léger navré durement et laissé pour mort sur la place : heureux furent ceux qui à ce rencontre échapper purent. Et dura la chasse de ces Anglois à ces Bretons jusques à demi-lieue près de la ville de Lille, en laquelle ville le sire de Saint-Léger à grand'peine tout navré fut apporté ; et mourut depuis au chef de cinq jours, et ainsi firent cinq de ses écuyers. Ainsi alla de celle aventure.

Toujours se tenoit le siége devant Yppre grand et fort, et faisoient les Anglois et les Flamands qui séoient devant plusieurs assauts; et trembloient et se doutoient moult de ceux de la ville. Le comte de Flandre , qui se tenoit à Lille, n'étoit pas bien assur de ce côté-là que Yppre he fût prise ; car Anglois sont subtils, et si leur pouvoit venir d'Angleterre grand confort, sans nul empêchement, de Calais, par les garnisons

que ils avoient prises en venant là sur le chemin. Voirement eussent-ils grand confort d'Angleterre, si ils voulsissent ou daignassent ; mais ils n'en comptoient à ce commencement que un petit, ni guères ne prisoient la puissance de France ni de Flandre. Et se tenoient aucunshauts barons sur les marches de Douvres, d'Exsex, de Zandvich et de la comté de Kent, tous appareillés pour passer la mer et arriver à Calais et venir aider leurs gens, mais que ils en fussent signifiés; et étoient bien mille lances et deux mille archers surles frontières que j'ai dites, desquels gens d'armes messire Guillaume de Beauchamp et messire Guillaume de Windesore, maréchaux d'Angleterre, étoient élus à souverains de par le roi et tout son conseil. Et pour celle cause perdit le duc de Lancastre à faire en celle saison son voyage en Portingal; car toute Angleterre étoit trop plus inclinée, si comme je vous ai dit ci-dessus en l’histoire, à l’armée de l’évêque de Norduich que à celle du duc de Lancastre.

Le comte de Flandre savoit bien toutes ces besogneset ces incidences comment elles se portoient , tant en Angleterre comme devant Yppre. Siavisaqueil y pourverroit de remède à son loyal pouvoir. Bien supposoit que le duc de Bourgogne émouveroit le roi de France et les barons du royaume à venir bouter hors les Anglois de la comté de Flandre et du pays que ils avoient l'année devant conquis; et pour ce que il savoit que les mandemens de France sont si lointains, et les seigneurs qui doivent servir le roi de si Jointaines marches que moult de choses peuvent avenir ainçois que ils soient tous venus, il s’avisa ainsi que il envoicroit devers l'évêque du Liége messire Arnoul de Horne, qui étoit bon Urbaniste, afin que il vint devant Yppre traiter aux Anglois, que ils se voulsissent déloger de là et traireautre part ; car il avoit très grand'merveille que ils lui demandoient , quand il étoit Urbaniste très bon et la comté de Flandre aussi, ainsi que tout le monde le savoit. Tant exploita le comte de Flandre par moyens et par subtils traités que l'évêque du Liége vint en Hainaut ; et passa à Valenciennes, et alla à Douay et puis à Lille, et parla au comte qui l’informa de tout ce qu'il vouloit qu’il dit. Adonc vint l’évèque du Liége devant Yppre, où l’évèque de Norduich et les Anglois et ceux de Gand séoient, qui le recucillirent liement, et l’ouirent volontiers parler.

Je fus adonc informé que le comte de Flaudre, par la parole de l'évèque du Liége, offroit à l'évêque de Norduich et aux Anglois que ils se voulsissent déporter de tenir le siége devant Yppre, et aller autre part faire guerre raisonnable sur les Clémentins, et il le feroit servir de cinq cents lances, trois mois tout pleniers, à ses dépens. L’évèque de Norduich et les Anglois répondirent que ils s’en conseilleroient volontiers. [ls s’en conseillèrent et parlèrent ensemble ; et là eut plusieurs paroles retournées; car ceux de Gand disoient que nullement on n’eût trop grand'fiance ès paroles du comte ni en ses promesses ; car il les honniroit si il pouvoit : sique, tout considéré, on répondit à l'évêque que il se pouvoit bien retraire quand il lui plairoit, et que de ses requêtes on n'en feroit nulles, et que du siége où ils étoient ils ne se partiroient si auroient la ville de Yppre en leur commandement. Quand l’évèque vit que il ne exploiteroit autrement, si prit congé et s’en retourna à Lille, et fit sa réponse au comte; et quand le comte vit que il n'en auroit autre chose, si fut plus pensif que devant ; et aperçut bien adonc tout clairement que si la puissance du roi de France ne levoit le siége, il perdroit la bonne ville de Yppre. Si escripsit tantôt Loutes ces réponses et en paroles en lettres, et les envoya par un sien chevalier devers son fils et sa fille de Bourgogne qui se tenoient à Compiègne; et l'évêque du Liége se partit du comte, et s’en retourna par Douay et par Valenciennes en son pays arrière.

Page 1