LIVRE IT

puissance, de par le roi de France et son conseil, de faire paix aux Anglois, ou de donner trèves à leur volonté.

Quand toutes ces parties furent assemblées à Calais et à Boulogne, on surattendit encore un petit à parlamenter, pour le conseil d'Espaigne qui point n'étoit venu ; car les François ne vouloient faire nuls traités que les Espaignols n'y fussent enclos dedans. Fiuablement ils vinrent, de par le roi d'Espaigne et le pays, un évèque, un diacre et deux chevaliers. Or fut avisé de toutes parties et pour le plus sûr, pourtant que ils ne se osoient assurer bonnement l'un avecques l'autre , les seigneurs de France aller à Calais, ni les seigneurs d'Angleterre venir à Boulogne : que les parlemens et les traités seroient assis et mis en-mi le chemin de ces deux villes audessus de Wissan, en un village et une église que on appelle Lolinghen. Là vinrent toutes les parties, et là furent les s:igneurs et leurs consaulx par plusieurs journées, et parlementèrent ensemble ; et là étoient le duc de Bretagne, le comte de Flandre. Et fut là sur les champs tendue la grand’ tente de Bruges ; et donna à diner le comte de Flandre, en celle tente, au duc de Lancastre , au comte de Bouquinghen ct aux seigneurs d'Angleterre; et là furent tenus les états moult grands de l’une partie et de l’autre ; mais tout considéré et parlementé, on n'y put oncques trouver nulle paix ; car les François vouloient ravoir Guines et Calais, et toutes les forteresses que les Anglois tenoient à ce jour de çà

Avons pris, mis et receu, prenons, meltons et recevons, les dits ducs, contes, evesques, Raoul Arneault, Anceau, Johan, et Johan, avec leurs gens, familicrs, chivalers, esquiers, clers, et varlez, jusques à nombre de cynque centz parsones, à chival ou à pié, leurs chivaux, hernois, et biens quelconques, en nostre sauf et sccure conduit, protection, tuition, sauvegarde, et defence cspéciaux , en venant, alant, et passant, par nostre rioalme de France, et parties de Picardie, ou ailleurs où mester sera pur la dite treité, et là demourant, sejournant, et eux retournant vers les parties de France, par terre et par mer, ensemble, ou par parties, si come il leur plerra, et auxi sovent come ils voudront et à faire serra, tant que à la feste del purification de Nostre Dame, proschein venant.

Et pur ceo nous mandons et commandons à vous, etc.

Don. par tesmoignance de nostre grand seal, à nostre palays de Westm. le quart jour de mois de novembre, l'an de grâce inille trois centz quatervintz et tierce, et de noz regnes seplisme. |

Par le roi et son conseil en parlement.

la mer jusques à la rivière de Garonne, tant en Normandie comme cn Bretagne, en Poitou, en Xaintonges et en Rochellois; laquelle chose ni traité les Anglois n'eussent jamais fait, et par espécial rendu Guines, ni Galais, ni Chierbourch, ni Brest en Bretagne. Si furent-ils sur ces traités plus de trois semaines ; et presque tous les jours ils parlementoient ou leurs consaulx ensemble. En ce temps trépassa de ce siècle, en la duché et en la ville de Luxembourc, le gentil dac Wincelant de Bouesme, duc de Luxemburc et de Brabant !, qui fut en son temps noble, joli, frisque, sage, armeret et amoureux. Et quand ilissit de ce siècle on disoit adoncques que le plus haut prince et le mieux enlignagé de haut lignage et de noble sang et qui plus avoit de prochains étoit mort; Dieu en ait l'âme! Et git

en l'abbaye de Vaulclerc de-lez Luxembourc.

Et demeura la duchesse, madame Jeanne de Brabant, vefve, et oncques depuis ne se remaria, ni n'en ot volonté. De la mort du noble duc furent courroucés tous ceux qui l'aimoient.

Or revenons aux traités et aux parlemens qui

étoient mis et assis entre les seigneurs de France et ceux d'Angleterre, entre Calais et Boulogne en-mi chemin, au village dessus nommé, lesquels

parlemens et traités ne purent venir à nul effet de paix ni de profit pour l’une partie mi pour l'autre. Et veulent les aucuns dire que le comte de Flandre y avoit grand'coulpe; car nullement il ne voult oncques consentir que ceux de la ville de Gand fussent appelés ens ès traités, et par le pourchas et instigation de ceux de Bruges; dont les Anglois étoient courroncés. Et ne s'en portoient point si bien ni si bel les traités; car ils avoient grandes convenances et alliances les uns avecques les autres; et ne pouvoient faire paix ni donner trève ni répits les Anglois et les François, que les Gantois ne fussent enclos dedans ; ainsi l'avoient-ils promis et juré ensemble en la ville de Calais; et cette convenance et alliance rompit et brisa par plusieurs fois les traités. Finablement on ne put trouver entre ces parties nulle belle paix, ce sembloit-il à l’un et à l'autre; dont fut regardé et parlementé à prendre une trève ; et sur cel état et traité persévé-

rérent les parlemens. Et eût volontiers vu le

comte de Flandre que ceux de Gand fussent de-

* Suivant l'Art de vérifier les dates, il mourut le 7 décembre 1383.

meurés en la guerre et mis hors des traités ; mais nullement les Anglois ne s'y vouloient assentir ; et convint la trève donner et accorder que Gand demeurât et fût close et annexée dedans. Et demeuroit chacun en sa teneur, sans muer ni rendre forteresse l’un à l'autre. Et étoient Aude: narde et Gavre gantoises.

Et quoique on parlementât ainsi sur la frontière de Calais et de Boulagne vinrent ardoir les Gantois, c'est à entendre ceux de la garnison d'Audenarde, Maire et les faubourgs de Tournay ; et s'en retournèrent sauvement atout grand pillage eu Audenarde. Et vinrent par les fêtes de Noël les Gantois recueillir et lever les rentes et revenues du seigneur d'Escornay en sa propre ville; dont il fut moult merencolieux. Et dit et jura , si Dieu lui pôt aider , quel traité ni accord qui pôt être ni avoir entre le pays de Flandre et les Gantois , il n'en tenroit jà nul , mais leur feroit toujours la pire guerre qu'il pourroit ; car ils lui tolloient et avoient tollu tout son héritage, ni il ne savoit de quoi vivre, si ses amis de Hainaut et de Brabant ne lui aïdoient; tant l’avoient-ils près mené de son héritage.

Les traités et parlemens qui furent en celle saison à Lolinghen entre les seigneurs et princes dessus nommés de France et d'Angleterre furent conclus, à grand meschef, que unes trèves seroient entre le royaume de France et le royaume d'Angleterre et tous leurs ahers et alliés; c'est à entendre de la partie de France, toute Espaigne, Gallice et Castille étoient enclos dedans par mer et par terre, et aussi le royaume d'Escosse; et devoient les François signifier au plus tôt qu'ils pourroient celle trève au roi et aux barons et prélats du royaume d’Escosse; et devoient les ambaxadeurs, qui ce message de par le roi de France feroient en Escosse, avoir sauf conduit allant et retournant parmi le royaume d'Angleterre. Et aussi de la partie des Angjlois étoient compris entre la trève tous leurs adhers et alliés, en quelque lieu ni pays que ils fussent ; et étoient ceux de Grand et toutes leurs teneurs expressément nommés et enclavés dedans; dont grandement déplaisoit au comte de Flandre. Et duroient ces trèves tant seulement jusques à la Saint-Michel que on compteroit l'an de grâce mil trois cent quatre vingt et quatre !. Et de-

1 Cette trève, d'après l’acte authentique rapporté par Rymer, devait durer depuis le 26 janvier 1383, anciea

voient les parties retourner, ou commis pour eux qui auroient pleine puissance de paix faire ou de attrieuver les royaumes et pays dessus nommés.

De toutes ces choses furent levées et prises lettres authentiques et instrumens publiques à tenir et accomplir tout ce loyaument ; et jurèrent les seigneurs les choses dessus dites à non enfreindre.

Ainsi se départit ce parlement ; et retournèrent les seigneurs de France en France, et ceux d'Angleterre à Calais; et le duc de Bretagne s'en retourna en son pays; et le comte de Flandre vint à Saint-Omer et là se tint-il : si lui prit assez tôt après une maladie de laquelle il mourut !. Si fut ordonné qu'il seroit mis et enseveli en l’église Saint-Pierre de Lille. Et trépassa de ce siècle le comte de Flandre l'an de grâce mil trois cent quatre vingt et trois, le vingt huitième jour du mois de janvier 2, et fut apporté à Los l’abbaye de-lez Lille; et aussi y fut rapportée la comtesse sa femme ? qui trépassée . toit cinq ans par avant en la comté de Rethel; et furent ensevelis ensemble en l'église de Saint- Pierre de Lille,

Or vous en veuil-je recorder l'ordonnance comme elle fut.

style (1384, nouveau style) jusqu’au 1° octobre 1384. De nouveaux commissaires nommés par les rois d'Écosse, d'Angleterre, de France et de Castille, prolougérent cette trève jusqu'au premier mai 1385. On trouve aussi cel acte dans Rymer. Parmi les cummissaires castillans on trouve Pero Lopes de Ayala, sénéchal de Guipuzcoa et seigneur de Sauveterre, père du chroniqueur Fernan Lopes de Ayala.

1 Quelques auteurs prétendent que le due de Berri le tua d’un coup de poignard, parce qu'il exigait qu'il lui fit bommage du comté de Boulogne qu'il possédait du chef de sa femme.

2 1383, ancien style, ou 1384, nouveau style.

5 La comtesse Marguerite, de laquelle il eut une fille, Marguerite de Fiandre, qui fut sa seule héritière. Ses onze autres enfans étaient bâtards. C'était : 1° Louis, dit le Haze, tué à la bataille de Nicopolis, en 1396 ; 2° Louis, tige des seigneurs de Praet ; 3° Jean, dit sans terre, tige des seigneurs de Drinkeham; 4° Robert, seigneur d’Everdinghe ; 5° Pierre dit Pieterkin ; 6° Victor d'Urselle ; 7° Charles, seigneur de Grutersalle; 8° Marguerite, mariée à Florent de Maldeghem, puis à Hector Werchoute, et enfin à Sohier de Gand ; 9° Jeanne, mariée à Robert Tincke ; 10° Maguerite, mariée à Robert, seigneur de Waurin.