CHAPITRE CCXXW

Comment aucuns pillards, qui se nommaient les pourcclefs de la Raspaille, faisoient moult de maux en Flandre ct ailleurs ; et d’une rencontre de François et de Gantois, où les François furent déconfits ; et d’autres incideus.

Messire Jean le Boursier, qui avoit en gouvernement de par le roi Richard d'Angleterre la ville de Gand, Piètre du Bois, Francois Acreman et Piètre de Vintre se tenoient tout pourvus, avisés et informés que ils auroient la guerre. Si s'ordonntrent selon ce; et avoient, les trèves durant , grandement ravitaillé et rafreschi leur

1 Jean de Fordun, dans son Scoti-Chronicon (année 1385), dit qu'its étaient onze cents. Son continuateur dit que Jean de Vienne, qu'il appelle comes de Valentinose , au lieu de seigneur de Rollans, arriva en Écosse cum duobus millibus armatorum proborum, de quibus ortingenti mililes, quorum banerati erant et vexilla levantes circum octoginta, de quibus viginti sex barones et proceres, ducenti albalestrarii, cum aliis valentibus armigeris et bellatoribus ducentis et quadraginta advecti navibus. |

2 lis débarquèrent en effet au mois de mai, suivant le continuateur du Scoti-Chronicon , à Dunbar et à Leitb.

ville de pourvéances et de toutes choses nécessaires à guerre appartenans, et aussi le chastel de Gavre et tout ce qui se tenoit pour eux. En ce temps avoit une manière de gens routiers ens ès bois de la Raspaille, que on appeloit les pourcelets de la Raspaille; et avoient en ce bois de la Raspaille fortifié une maison, tellement que on ne les pouvoit prendre ni avoir. Et étoient gens échassés de Grantmont et d'Alost et d'autres terres de Flandre, lesquels avoient tout perdu le leur, et ne savoient de quoi vivre si ils ne le pilloient et roboient partout où ils le pouvoient prendre ; et ne parloit-on alors fors des pourcelets de la Raspaille. Et siéd ce bois entre Renay et Grantmont, Enghien et Lessines; et faisoient moult de maux er la chastellenie d’Ath et en la terre de Floberghes et de Lessines et en la terre d'Enghien. Et étoient iceux avoués de ceux de Gand; car sous ombre d'eux ils faisoient moult de murdres, de larcins, de roberies et de pillages, et venoient en Hainaut prendre et querre lcs hommes en leurs lits, et les emmenoient en leurs forts de la Raspaille, et là les rançonnoient ; et avoient guerre contre tout homme puisqu'ils le trouvoient en leur avantage. Le chastelain d'Ath qui étoit pour le temps sire Beaudoin de la Mote, fit par plusieurs fois des aguets sur eux; mais il ne les pouvoit avoir ni attraper; car ils savoient trop de refuges. Et les ressoignoit-on tant en la frontière de Hainaut et de Brabant que nul n'osoit aller ce chemin ni ens ou pays.

Le duc de Bourgogne d'autre part avoit garni et repourvu parmi Flandre, pour la guerre que H attendoit à avoir, ses villes et ses chastels ; et étoit capitaine de Bruges le sire de Ghistelle, et de l’Escluse , messire Guillaume de Namur; car pour ce temps il en étoit sire ; et du Dam, messire Guy de Ghistelle, et de Courtray messire Jean de Jumont, et de Yppre messire Pierre de la Nièpe; et ainsi par toutes les villes et forteresses de Flandre y avoit gens d'armes de par le duc de Bourgogne.

En la ville d'Ardembourch parcillement se tenoient en garnison ancssire Guy de Pontarlier, maréchal de Bourgogne, et messire Rifflard de Flandre, messire Jean de Jumont, messire Henry d'Antoing , le sire de Montignv; en Ostrevant, le sire de Longueval, messire Jean de Berlette, messire Pierre de Bailleul et Belle-Fourière, Philippot de Grancy , Raulin de la Folie et plu-