LIVRE IL

sieurs autres. Et étoient bien ces gens d'armes deux cens combattans. Si se avistrent l'un pour l'autre, et se mirent en volonté de chevaucher ens ès Quatre-Métiers et détruire celui pays ; car moult de douceurs en venoient à ceux de Gand. Si se partirent un jour tout armés et apprètés pour faire leur emprise, et chevauchèrent celle part pour bien besogner.

Ce propre jour que les François chevauchoient, environ deux mille hommes de Gand étoient issus hors, tous apperts compagnons, desquels François Acreman étoit conduiseur et capitaine; et se trouvèrent d'aventure ces gens d'armes de France et ces Gantois en un village. Quand ils scurent l'un de l'autre, il convint que il y eût bataille. Là mirent les François pied à terre vaillamment et empoignèrent leurs glaives; et approchèrent leurs ennemis; et les Gantois eux, qui étoient grand'foison. Là commencèrent-ils à traire et à lancer l'un contre l’autre; et étoient sus un pas où les Gantois ne pouvoient passer à leur avantage. Là ot dure rencontre, et faites maintes grands appertises d'armes, et rués jus des uns et des autres; et là fut messire Rifflard de Flandre très bon chevalier, et y fit plusieurs grands prouesses et de belles appertises. Et se combattoient très vaillamment chevaliers et écuyers à ces Gantois, et faire leur convenoit ; car là n'avoit nulle rançon. Finablement les Gantois étoient si grand'foison que ils obtinrent la place ; et convint les François partir et monter à cheval; autrement ils eussent été tous pcrdus; car les Gantois les efforcèrent. Et y furent morts messire Jean de Berlette, messire Jean de Bailleul et Belle-Fourière, Philippot de Grancy et Raulin de la Folie et plusieurs autres, dont ce fut dommage; et convint le demeurant fuir et rentrer en Ardembourch, autrement ils eussent été tous morts et perdus sans recouvrer. Depuis celle aventure fut envoyé le vicomte de Meaux en garnison en Ardembourch à toute sa charge de gens d'armes : si aida à remparer ct fortifier la ville de Ardembourch; et se tenoient avecques lui plusieurs chevaliers et écuyers, lesquels étoient bien cent lances de bonnes gens d'armes. Et pour ce temps étoit messire Jean de Jumont grand baillif de Flandre , et avoit été bien deux aus en devant , lequel étoit moult cremu et ressoigné par toute Flandre, pour les prouesses et appertises que il faisoit ; et quand il pouvoit

attraper des Gantois il n’en prensist nulle rancon que il ne les mist à mort , ou fit crever les yeux, ou couper les poings, ou les oreilles, ou les pieds, et puis les laissoit aller en cel état , pour exemplier les autres ; et étoit si renommé par toute Flandre, de tenir justice sans point de pitié et de corriger cruellement les Gantois, que on ne parloit d'autrui en Flandre que de lui.

Ainsi par toutes terres étoit en ce temps le monde en tribulation et en guerre, tant entre le roi de France et le roi d'Angleterre, comme entre le roi Jean de Castille et celui de Portingal ; car là étoit la guerre renouvelée ; et étoit madame d'Anjou, qui s’escripsoit roine de Naples ct de Jérusalem, venue en Avignon devers le pape, et tenoit son hôtel, et son fils le roi Louis avecques li, qui s'appeloit roi de Sicile; car son pére l'avoit conquis; ct avoit intention la roine de Naples de faire guerre en Provence, si les Provençaux ne la reconnoissoient à dame et ne venoient en son obéissance. Et jà étoit messire Bernard de la Salle entré en Provence , et y faisoit guerre pour elle. Et se tenoit pour le temps le sire de Coucy en Avignon, car bien quinze semaines y fut au lit d'une chute de cheval, dont il eut la jambe durement mésaisée. Quand il fut guéri, il visitoit souvent la roine et la reconfortoit , ainsi que bien faire le savoit. Et attendoit la roine le duc de Berry, qui s'étoil mis au chemin et s'en venoit en Avignon pour parler au pape et pour aider sa belle-sœur la roine ; car Je roi de France et ses oncles envoyoient messire Louis de Sancerre, maréchal de France, en Provence atout cinq cens hommes d'armes pour guerroyer les Provençaux , si ils ne venoicnt à obéissance. Les aucuns y étoient venus, et non pas tous ; mais toutefois la cité de Marseille et la greigneur partie de Provence se rendoient à la roine : majs la cité d'Aix en Provence et Tarascon et aucuns chevaliers du pays ne s'y vouloient rendre ; car ils disoient que elle n’y avoit nul droit de challenger ni demander la comté de Provence jusques adonc qu'elle seroit paisiblement reçue à dame, et son fils recu à roi de Pouille, de Calabre, de Naples et de Sicile; et quand elle en montreroit possession paisible, toute Provence obéiroit à elle, et ce seroit raisen.

Eos ès guerres de par de là faisoient guerre pour elle le comte de Conversan contre Charles de Ja Paix et les Napolitains : ct si faisoit messire

[1385] Jean de Luxembourch son fils. Et de-lez la roine en Avignon, de son espécial conseil, se tenoit

messire Jean de Beuil.