LIVRE If

. Ainsi rapaisoït messire Jean de Vienne et d'autres telles paroles, lesquelles je ne puis mietoutes recorder , les seigneurs de France en Escosse ; et se accointoit ce qu'il pouvoit des barons et des chevaliers d'Escosse ; mais il en étoit si petit visité que rien, car, si comme Je vous ai dit, il y a petit d'amour et sont gens mal accointables. Et la greigneur visitation et compagnie que ces seigneurs de France avoient, c'éloit du comte Douglas et du comte de Mouret. Ces deux seigneurs leur faisoient plus de soulas que tout le demeurant d'Escosse.

Encore y ot pis, et une trop grand’ dureté pour les François ; car quand ils furent venus cn Escosse et ils se vouldrent monter, ils trouvèrent les chevaux si chers, que ce qui ne dut valoir que dix florins il en valoit soixante ou cent: encore à grand’ peine en pouvoit-on recouvrer; et quand on étoit monté on ne pouvoit trouver point de harnois, si ils ne l'avoient fait venir avecques eux de Flandre. En ce danger se trouvoient les François; et outre, quand leurs varlets alloient en fourrage pour fourrager, on leur laissoit bien charger leurs chevaux de tout ce qu'ils vouloient prendre et trouver; mais au retour on Îles attendoit sur un pas, où ils étoient vaillanmment détroussés et battus et souvent occis ; et tant que nul varlet n'osoit aller fourrager, pour la cremeur d'être mort : car sous un mois les Francois perdirent plus de cent varlets; et quand ils alloient en fourrage trois ou quatre ensemble, nul n'en retournoit.

Ainsi étoient-ils menés, et avec tout ce le roi d'Escosse faisoit danger de soi traire avant : aussi faisoient chevaliers et écuyers d'Escosse , pour la cause de ceque ils disoient que ils ne vouloient point celle saison faire guerre aux Anglois, afin queils fussent priés et achaptés bien et cher. Etconvint, avant que le roi voulsist issir hors de la sauvage Escosse et venir à Haindebourch, que il eût une grande somme de florins pour lui et pour ses gens. Et promit ct scella messire Jean de Vienne, qui étoit le souverain chef de tous les Francois, que point il ne videroit du pays, si seroient le roi et toutes ses gens satisfaits; autrement ils n’eussent eu nulle aide des Escots : si lui convenoit faire ce marché ou pieur; et encore, quandil ot tout le meilleur accord et la greigneur amour qu'il pût avoir à eux, si ue firent-ils guères de profit, si comme je vous

recorderai avant en l’histoire. Mais je veuil retourner à parler un petit des avenues de Flandre et du mariage du jeune roi Charles de France, qui se maria en celle saison; etcomment Ardenbourch, où le vicomte de Meaux et messire Jean de Jumont se tenoient en garnison, fut près emblé.