CHAPITRE XI

Sachiés que la venue de la roynne d'Engleterre estoit jà sceue en Haynnau, en l'ostel du bon conte Guillaume, qui lors se tenoit et demouroit à Valenchiennes, et messire Jehan de Haynnau son frère de lezluy. Et sceurent qu'elle estoit en l'ostel du seigneur d'Aubercicourt.Adont messire Jehan, qui moult estoit désirans d'aquérir prisethonneur, monta esramment , à belle compagnie, et s'en vint à Bougnicourt, et là trouva la roynne. Si luy fist toute révérence et honneur, comme à luy appartenoit ; et la dame, qui moult estoit triste et esgarée, se commencha, en plourant forment , à complaindre et remonstrer toutes ses doleurs et mesavenues; et comment elle estoit decacie d’Engleterre, son fil en sa compaignie, et venue en France sur l'espoir de l’ayde du roy son frère; et comment elle cuidoit estre toute pourveue de gens d'armes du royalme de France et d’ailleurs; et comment sonfrèrele roy estoit retournés et consilliés au contraire. Et li conta comment et à quel meschief elle estoit là afuye avec son fil, comme celle qui ne savoit à qui neen quel pays plus retraire pour trouver confort ne ayde.

HAPITRE XII.

Et quantle gentil chevalier, messire Jehan de Ha ynnau, eut oy la royne ainsi piteusement complaindre, sitenrement plourant que toute fondoit en larmes, si l'en prist grant pitié; et lui dist moult doucement : « Certes, madame, vechy vostre chevalier, qui ne vous faulra point, pour chose que avenir lui puist , non pour morir, se tout le monde vous falluit. Ains feray tout mon povoir de vous et vostre fil remettre en Engleterre en vostre bon estat, s’il plaist à Dieu, sans le dangier du roy de France. Et ce que je vous ay convent, je vous tenray.» Et quant la dame l’eut ainsi oy parler, elle se voult mectre à jenoulx devaut le bon chevalier qui ce ly prometoit, mais le gentil sire de Beaumont ne l’euist jamais souffert ; ains prist moult apertement la dame entre ses bras, et dist : «Ne plaise à Dieu que la roynne d'Engleterre face tel chose devant moy! Mais lui dist : « Madame, venez de-

RÉDACTION PRIMITIVE

versmonseigneur mon frère, lecomte de Hayn-

nau, et madame la contesse et leurs beaux enfans

qui vous reccveront à grant joie. » Et la damelui

octria et lui dist : «Sire ,je treuve plus d'amour en vous qu'en tout le monde; et de ce vous rends cinq cens merchis. Et se vous le me faictes , je doy estre vo serve, et mon fil vo serf à tous jours mais. Si nous metterons le royalme d’Engleterre à vostre habandon et volenté. » Dont ly dist le gentil chevalier, qui estoit en la fleur de son cage : «Certes, ma très chierre dame, se je ne le volois faire, je ne le vous prometeroie point; mais je le vous ay promis, si ne vous en fauray, pour chose qui advenir me puist.» Après ce parlement, messire Jehan de Haynnau prist congié à laroynne, à son filet à leur compagnie, et s'en revint au giste à Denaing. Sise herberga en l'abbéie, et lendemain, après lainesse et hoire, se monta à cheval et s’en revint devers laroynne, qui à grant joie le rechut et avoit jà apparilliet pour monter quant il vint.