CHAPITRE XIII

Lors se party la royne du chastel de Bougnicourt, et prist congié au chevalier et à la dame ; et leurdist, en eulx remerchiant la bonnechierreque fait lui avoient : que, au plaisir Dieu, ung temps venroit qui lui souvenroit de le grant courtoisie quefait lui avoient. Ainsi se party, àlacompaigaie duseigneur de Beaumont,quijoieusement lemena à Valenchiennes. Et encore ly vinrent au devant plenté de seigneurs et de bourgois de la ville, bien ricement parés, qui grant honneur li firent. Et ainsi fu menée devers le bon conteGuillaume, qui à grant joie le rechut, et ossi fist la contesse. Adont avoit le bon conte quatre filles : Margueritte, Phelippe, Jehanne et Ysabel. A la quelle Phelippe celui josne Édouart s'adonnoit le plus et enclinoit du regart et d'amour, et aussi la josne fille li compaignoit plus que nulle de ses seurs. Ainsi l'oy-je recorder pour vray. Ainsi trouva la royne d'Engleterre conseil etconfort à monseigneur Jehan de Haynnau, quant tout le monde ly failly. Et croy que là demoura huit jours lez le bon conte et la contesse Jehenne de Valois. Et entrues fist apparillier son navire et ses besongnes. Et messire Jehan de Haynnau fit escripre lettres moult affectueuses aux bons chevaliers et escuiers en qui plusse fioit, tant en Haynpau, en Brabant, en Hasebaing et en pluiseurs au-

D'UNE PARTIE DU PREMIER LIVRE

tres lieux, en eulx priant, sur toutes amistés, qu'ils volsissent venir avec luy et aler en ceste noble et bonnourable emprinse. S'en y eut grant plenté d'un pays et d’aultre qui pour l'amour de luy y alèrent, et grant plenté qui n’v alèrent mie, combien que priet en fussent. Et meismes messire Jehan de Haynau en fu durement blasmés du conte son frère et d'aultres de son conseil, pour tant qu’il leur sambloit que le roy son frère ly faloit, qui mieulx lui devoit aidier que nuls, et ossi que l'emprise estoit trop grant et périlleuse et durement doubtoient que de si grant emprinse il ne revenist point, nesacompagnie. Mais quoy qu'on lui blâmast, le gentil chevalier ne s’en volt oncques déiaier. Ains dist : «Je n'ay queune mort à morir, qui est en la volenté de Nostre Seigneur»; et ceste aventuroit-il pour l'amour et honneur de la roynne; et que sa promesse il lui tenroit jusques en fin. Et disoit qu’il ne plaindroit point sa mort, à prendre avec celle noble dame, qui à tort estoit escachie et deboutée de son pays. Car tous bons chevaliers doivent aidier à leur povoir toutes dammes et pucelles descachies et desconfortées, à leur besoing, et mesmement quant il en sont requis.