CHAPITRE LXXXL

Quant il eut en partie acomply son désir, de monseigueur Robert avoir encachié, ainsi comme vous 0ez, il se vit en paix et en grant honneur en ce noble pays de France. Car il tenoit plus noble estat que oncques n’euist fait roy que on sceuis!; car il avoit trois rois de sa court, le roi de Behaigne, le roy de Navare et le roy de Maillorque, ducs et contes sans nombre. Si faisoit festes, joustes, tournois ; et il meismes les devisoit et ordonnoit ; il tenoit d’encoste luy communelment avec ces rois : le conte d'Alenchon sou frère. monseigneur Jehan de France, duc de Normendie, son aisné fil, le duc Oedon de Bourgoingne, le conte Loys de Flandres , le conte Loys de Blois, monseignear Charle de Blois ses nepveus, le conte de Bar, le duc de Bourbon, le duc de Loraine et moult d’autres qu’il avoit à sa délivrance. Moult estoit son estat grant et renommés en tous pays. Ce roy, quant il se vit si puissans et en paix, eut dévocion de prendre le croix, ensi qu'il fist, pour aler oultre mer; et eh jurérent moult de seigneurs avec lui. Si manda au roy de Hongherie, pour ouvrir les passages; ossy devers l'empereur Loys de Baivière, pour les passages. Encore envoya le roy devers le pappe Benedic, en luy priant que le voyage de oultre mer luy volsist accorder et confermer , et le volsist faire preschier pammy crestienté; la quelle chose le pappe actorda doucement , et fu ceste chose preschie par tout le monde. Si y eut moult de vaillans hommes qui, par grant dévocion, y tendoient à aler; mais pau greva aux Sarrazins, car le roy n’en fist riens. Encore envoia le roy de France devers le roy de Chypre, en priant qu’il fust pourveus et ses pays apparilliés pour recevoir les pélerins. Si eut d’accort les Venissiens et les Genevois: et fist-on garnir toutes les costières de le mer, de le rivière de Jennes jusques à Palles en l’ille de Grèce et de Rodes. Si fu envoié le grant prieur de France; et fist le roy tout son appareil, vaisseaulx, gal-

lées et pourvéances au port de Marseilles pour treute mille combatans. Si en estoit souverain le visconte de Nerbonne et messire Charle Grimaux ,ung vaillant Genevois sur mer. Or revenons au roy d'Engleterre qui estoit devant Estrumelin.