CHAPITRE LXXXIL

Estrumelins estoit ung duretnent fort chastel séant sur roche; et fu dutems le roi Artus appelés Smadou; et là revenoient à le fois les chevaliers de la table réonde. Le roy d’'Engleterre adont y fu lung-temps, et y fist moult d'asseulx, qui pau lui valy, car elle estoit très bien et de bonne gent deffendue ; dont bien anioit au roy, car messire Robert d'Artois lui disoit souvent : «Sire, laissiés ce povre pays, que mal feu l'ardelet entendez à vostre plus grant proufit de la noble couronne de France, dont vous devez estre sire et de quoy on vous fait tort, »Et le roy entendoit volentier ces parolles, quoiqu'il poursievist toudis celle guerre d’'Escoce. Entrues qu'ils estoient ensi vinrent nouvelles au roy que la roynne sa femme estoit acouchié d’un bel fil en la cité de Evruich; etluy mandoit-on qu'il y volsist envoier certains messages, et le nom qu'il voloit quil portast, Moult fu le roy joieux de ces nouvelles. Si fist riches les messagiers; et y envoia messiré Édouvwart de Bailleul, ung vaillant chevalier, qui le tint sur fons et lui donna son nom. Chils enfès fu le prinche de Galles, qui fu moult vaillans et fist en France et ailleurs moult de beaux fais d'armes , et morut josne du vivant son père !,