CHAPITRE I,XXXIX

Et quant il eurent grandement esté festié par cinq ou six jours, il se partirent et s'en alérent à le Vure en Brabant; et là trouvèrent le duc qui : courtoisement les rechupt, pour l'amour du roy d'Engleterre à qui il estoit cousin germain. Si lui contérent tout leur message de point en point. Et sur ce leur respondy le duc, queil estoit si tenus au roy par linage, que falir ne lui devoit par raison. Si leur promist ayde de luy et de tout son pays, de quanques il porroit. De ce furent les messages moult joieux.