CHAPITRE XC
De là s’en alérent en Guerles, et trouvèrent le . duc qui leur promit et habandonna luy etson pays et tout son pooir. Après ce qu'ils eurent ainsi. besongniet, retournèrent en Engleterre, etreportèrent les nouvelles comment il avoient exploitié. en l'un pays et en l’autre. Quant le roy d'Engleterre oy ce que ses messages lui raportèrent, et le bonne volenté que ces trois princes avoient de luy conforter à son fait, il en fu moult lies. Et sur le conseil du conte de Haÿnnau s'arrestèrent que hastivement il envoièrent devers le roy d'Alemaigne. Si y envoya ung prélat et trois grans barons pour traitier ceste besongne. Si enprinrent ceste besongne l’évesque de Nicolle, le sire de Stanfort , le seigneur de le Ware et le sire de Mitone. Si montèrent en mer en le Tamise à Londres, et singlèrent tant qu'ils vin- rent en Holandes, à Doudrech. Si furent là deux jours. Au tierch montèrent à cheval. Si chevaucèrent tant qu'ils vinrent en Alemaigne à Convelence, li où l’empereur et l'emperesse estoient, qui grandement les rechurent et festiérent. .
446 Le CHAPITRE XCI.
Loys de Baivière, roy d'Alemaigne et empereur des Romains pourle tems, n’avoit point en grant chierté le roy de France, par aucunes raisons ; par quoy il s'acorda légièrement à conforter le royd'Engleterre; et respondy aux messagiers,
sitost qu'ils eurent dit ;« Selon les drois de l’'Em-
pire, il nous samble que le roy d'Engleterre a droit à l'éritage de France. »Et là où leroy lui requeroit ayde pour son droit poursievir , il ne lui devoit ne voloit falir. «Si direz au roy d'Engleterre que fiablement il me viengne véoir et esbatre dalez-moy; si s'acointera des Almans, et je l'en aideray aussy. » De ceste responsse furent Îles seigneurs messagers moult lies, et prinrent cengié et se partirent de l'empereur et de l’emperesse, madame Marguerite de Haynnau, qui au départir leur donna beaux dons, pour l'amour de sa soer la roynne d'Engleterre; et eulx revenus oultre, recorderent leur message et baillèrent les lettres au roy, venans de l’empereur et d’aultres seigneurs, tels que le marquis de Misse et d'Euriant , le marquis de Brandebourch, l’arcevesque de Maïence et celuy de Coulongne. Si trouva le roy en leurs escripcions salus et amistés et toutes promesses de confort et d’ayde; dont il fu moult lies. Sachiés que sur ces pourchas que le roy d'Engicterre faisoit, en vint aucune congnoissance au roy Phelippe, comment il se proposoit 4 guerroier et qu'il aquéroit amis à tous lez. Si se doubta ; et non pour quant il n’en faisoit point grant conte, car il estoit grans et puissans, et pau doubtoit la puissance des Englès.
