Chapitre XIII

Comment la cité du Liège fut assaillie, prinse et iiiliee et les églises aussi.

Le Roy, pour soy ostcr de ces doubtes, une heure après qu'il se fut retiré en son logiz et après ceste saillie dont ay parlé, manda aucuns des prochains serviteurs dudit duc, et qui s'estoient ja trouvez au conseil et leur demanda de la conclusion". Hz luy dirent qu'il estoit arresté dès lendemain assaillir la ville, en la forme et manière qu'il avoit esté conclu. Le Roy leur fist de grans doubtes '' et très saiges, et qui furent 1res agréables aux gens dudit duc : car chascun craignoit très fort cest assault, pour^ le grant nombre du peuple qui estoit dedans la ville, et aussi pour la grant hardiesse qu'ilz leur avoient veu faire n'y avoit pas deux heures; et eussent esté très conlens attendre encores aucuns jours,