PROLOGUE

conditions estoient requises à le faire sage? Pourquoy estoit il fat? Pourquoy seroit il sage? Enquoy congnoissez-vous la folie antique? Enquoy congnoissezvous la sagesse présente? Qui le fist fat? Qui l'a fait sage ? Le nombre desquelz est plus grand ou de ceux qui Vaymoient fat, ou de ceux qui Vayment saige? Quant de temps fut il fat? Quant de temps sera il sage? Dont procedoit la folie antécédente? Dont procède la sagesse subséquente? Pourquoy en ce temps, non plus tard, print fin V antique folie? Pourquoy en ce temps, non plustost, commença la sagesse présente? Quel mal nous estoit de la folie précédente ? Quel bien nous est de la sagesse succedente ? Comment seroit la folie antique abolie? Comment seroit la sagesse présente restaurée?

Kespondez, si bon vous semble : d*autre adjuration n'useray-je envers vos Révérences, craignant altérer vos Paternitez. N'ayez honte, faictes confusion à Her der Tyfel, ennemy de Paradis, ennemy de vérité. Courage, enfansï si estes des miens, beuvez trois ou cinq fois pour la première partie du sermon, puis respondez à ma demande; si estes de Vautre, Avalisque Sathanas. Car je vous jure mon grand Hurluburlu que, si autrement ne m'aydez à la solution du problesme susdit, desja, et n'y a gueres, je me repens vous Vavoir proposé, pour tant que ce m'est pareil estrif comme si le loup tenois par les aureilles sans espoir de secours. Plaict? J'entends bien, vous n'estes délibérez de respondre. Non feray-je, par ma barbe;