PROLOGUE

seulement vous allegueray ce qu'en avoit prédit en esprit prophétique un vénérable docteur, autheur du livre intitulé la Cornemuse des Prélats. Que dit il, le paillard ? Escoutez, vietz-dazes, escoutez :

L'an Jubilé, que tout le monde raire Fadas se feist, est supernumeraire Au dessus trente. O peu de révérence ! Fat il sembloit ; mais en persévérance De long brevets, fat plus ne gloux sera : Car le doux fruict de l'herbe esgoussera, Dont tant craignoit la fleur en prime vere.

Vous l'avez oy, l'avez vous entendu ? Le docteur est antique, les paroles sont laconiques, les sentences scotines et obscures, ce nonobstant qu'il traitast matière de soy profonde et difficile. Les meilleurs interprètes d'iceluy bon Pere exposent Van Jubilé passant le trentiesme estre les années encloses entre ceste aage courante l'an mil cinq cens cinquante. Oncques ne craindra la fleur d'icelle. Le monde plus fat ne sera dit, venant la prime saison. Les fols, le nombre desquels est infiny, comme atteste Salomon, périront enragez, et tout espèce de folie cessera, laquelle est pareillement innombrable, comme dict Avicenne, maniae infinitae sunt species. Laquelle, durant la rigueur hibernale, estoit au centre repercutée, apparoist en la circonférence, et est en cesves comme les arbres. L'expérience nous le demonstre, vous le sçavez, vous le voyez. Et fut jadis exploré par le grand bon homme Hippocrates, Aphorism. : Vere etenim maniae, etc. Le