LIVRE V, CHAPITRE XXXIX
feu, pource que feu et foudre sont de Bacchus les armes paternelles, et avant naistre au monde fut par Jupiter saulvé de foudre, sa mere Semelé et sa matson maternelle arse et destruite par feu, et sang pareillement, car naturellement il en faict au temps ds paix et en tire au temps de guerre. En tesmoignage sont les champs en Pisle de Samos, dits Panema, c'est à dire tout sanglant, auquel Bacchus les Amazones acconceut, fuyantes de la contrée des Ephesians, et les mist toutes à mort par phlebotomte, de mode que le dit champ estoit de sang tout embeu et couvert.
Dont pourrez doresnavant entendre, mieux que n'adescnt Aristoteles en ses Problèmes, pourquoy jadis on disoit en proverbe commun : « En temps de guerre ne mange et ne plante menthe. >, La raison est, car en temps de guerre sont ordinairement départis coups sans respect; donques l'homme blesse, s'il a celuy jour manié ou mangé menthe impossible est, ou bien difficile, luy restreindre le sang. Consequemment estoit en la' susdite emblemature figuré comment Bacchus marchoit en bataille et estoit assis sur un char magnifique tiré par trois coubles de jeunes pards joints ensemble; sa face estoit comme d'un jeune enfant, pour enseignement que tous bons beuveurs jamais n'envieillissent, rouge comme un chérubin, sans un poil de barbe au manton. En teste portoit cornes agues, au dessus d teelles une belle couronne faicte de pampre et de
. PANTAGRUEL I 5y
raisins, avec une mitre rouge cramoisine , et estcii chaussé de brodequins dorez.
En sa compagnie n'estoit un seul homme, toute sa garde et toutes ses forces estoient de Bassarides, Evantes, Euhyades, Edonides, Trieterides. Ogygies, Mimallones, Menades, Thyades etBacchides, femmes forcenées, furieuses, enragées, ceinctes de dragons et serpens vifs en lieu de ceinctures , les cheveux voletans en l'air, avecques frontaux de vignes, vestues de peaux de cerfs et de chèvres, portans en mains petites haches, tyrses, rançons, et hallebardes en forme de noix de pin, et certains petits boucliers légers, sonnans et bruyans quand on y touchoit tant peu feust, desquels elles usoient, quand besoin estoit, comme de tabourinset de tymbons. Le nombre d'icelles estoit septante et neuf mille deux cens vingt sept. L'avantgarde estoit menée par Silenus, homme auquel il avoit sa fiance totalle, et duquel par le passé avoit la vertu et magnanimité de courage et prudence en divers endroits conerneu.
C'estoit un petit vieillard tremblant, courbé, gras, ventru à plain basts, et les aureiîles avoit grandes et droictes, le nez pointu etaquilin, et les sourcilles rudes et grandes comme un sillon ; estoit monté sus un asne couillard; en son poing tenoit poursoy appuyer un baston, pour aussi gallentement combatre, si par cas convenoit descendre en pieds, et estoit vestu d'une robbe jaulne à usage de femme.
