CHAPITRE II

Comment l'Isle Sonnante avoit esté habitée par les Siticines, lesquels estoyent devenuz oiseaux.

os jeusnes parachevez, l'hermite nous bailla unes lettres adressant à un qu'il nommoit Albian Camat, maistre JEditue de l'Isle Sonnante ; mais Panurge, le saluant, l'appela maistre Antitus. C'estoit un petit bon homme vieux, chauve, à museau bien enluminé et face cramoisie. Il nous fit tresque bon recueil par la recommandation de l'hermite, enten-

PANTAGRUEL

dant qu'avions jeusné comme a esté déclaré. Après avoir tresbien repeu, nous exposa les singularitez de l'isle, affermant qu'elle avoit premièrement esté habitée par les Siticines, mais, par ordre de nature, comme toutes choses varient, ils estoient devenus oiseaux.

Là j'eus pleine intelligence de ce qu'Atteius Capito, Pollux, Marcellus, A. Gellius, Athenaeus, Suidas, Ammonius et autres avoient escrit des Siticines et Sicinnistes, et difficille ne nous sembla croire les transformations de Nyctimene, Progné, Jtys, Alcmene, Antigone, Tereus, et autres oiseaux. Peu aussi de doubte fismes des enfans Matabrune convertis en cygnes, et des hommes de Pallene en Thrace , lesquelz , soubdain que par neuf fois se baignent au Palude Tritonique , sont en oiseaux transformez. Depuis autre propos ne nous tint que de cages et d'oiseaux. Les caiges estoient grandes, riches, sumptueuses, et faictes par merveilleuse architecture.

Les oiseaux estoient grands, beaulx et polis à l'avenant, bien ressemblans les hommes de ma patrie ; beuvoient et mangeoient comme hommes, esmoutissoyent comme hommes, enduisoyent comme hommes, pedoient et dormoient et roussinoient comme hommes ; brief, à les veoir de prime face, eussiez dit que feussent hommes ; toutesfoys ne Pestoyent mie, selon l'instruction de Maistre ;Editue, mais protestant qu'ils n'estoient ny séculiers ny