LIVRE V, CHAPITRE II

mondains. Aussi leur pennage nous mettoit en resverie, lequel aucuns avoient tout blanc, autres tout noir, autres tout gris, autres miparti de blanc et noir, autres tout rouge, autres parti de blanc et de bleu : c'estoit belle chose de les veoir. Les masles il nommoit Clergaux, Monagaux, Prestresgaux, Abbegaux, Evesgaux, Cardingaux, et Papegaut, qui est unique en son espèce. Les femelles il nommoit Clergesses, Monagesses, Prestregesses, Abbegesses, Evesgesses, Cardingesses, Papegesses.

« Tout ainsi toutesfoys, nous dist-il, comme entre les abeilles hantent les freslons, qui rien ne font fors tout manger et tout gaster, aussi depuis trois cens ans ne sçay comment entre ces joyeux oiseaux estoit par chascune quinte lune avolé grand nombre de Cagots, lesquels avoient honny et concilié toute l'Isle, tant hideux et monstrueux que tous estoient reffuis. Car tous avoient le col tors et les pattes pelues, les gryphes et ventre de harpies et les culs de Stymphalides , et n'estoit possible les exterminer : pour un mort en avoloient vingtquatre. »

Je y souhaitoye quelque second Hercules, pour ce que frère Jehan y perdit le sens par véhémente contemplation, et à Pantagruel advint ce qu'estoit advenu à Messire Priapus contemplant les sacrifices de Cerés, par faute de peau.

PANTAGRUEL