LIVRE V, CHAPITRE XLIII
ment d'icelle estoit de trespur et treslimpide alabastre, haulteur ayant de trois palmes, peu plus, en figure heptagonne, esgalement party par dehors, avec ses stylobates, arulettes, cimasultes et undiculations doriques à l'entour. Par dedans estoit ronde exactement. Sus le poinct moyen de chascun angle et marge estoit assise une coulomne ventricule, en forme d'un cycle d'yvoire ou alabastre (les modernes architectes rappellent portri), et estaient sept en nombre total selon les sept angles. La longueur d'icelles, depuis les bases jusques aux architraves, estoit de sept palmes, peu moins, à juste et exquise dimension d'un diamètre passant par le centre de la circonférence et rotondité intérieure.
Et estoit l'assiette en telle composition que, projetons la veuë derrière l'une, quelle que fust en sa cube, pour regarder les autres opposites, trouvions le cone pyramidal de nostre ligne visuale finer au centre susdit, et là recevoir, de deux opposites, rencontre d'un triangle equilateral, duquel deux lignes partissoient esgalement la colomne. Celle que voulions mesurer, et passante d'un costé et d'autre, deux colomnes franches à la première tierce partie d'intervalle, rencontroient leur ligne basique et fondamentale, laquelle par ligne consulte pourtraicte jusques au centre universal, esgalement mipartie, rendoit en juste départ la distance des sept colomnes opposites par ligne directe, principiante à l'angle
PANTAGRUEL
obtus de la marge, comme vous sçavez qu'en toute figure angulaire impare un angle tousjours est au milieu des deux autres trouvé intercalant. En quoy nous estoit tacitement exposé que sept demis diamètres font en proportion géométrique amplitude et distance, peu moins, telle qu'est la circonferance de la figure circulaire de laquelle ils seraient extraits, sçavoir est trois entiers avec une huitiesme et demie, peu plus, ou une septiesme et demie, peu moins, selon l'antique advertissement d'Euclides, Anstoteles, Archimedes et autres.
La première colomne, sçavoir est celle laquelle à l'entrée du temple s'objectoit à nostre veuë, estant de saphir azuré et céleste; la seconde de hiacinthe naïfvement la couleur, avec lettres grecques A I en divers lieux, représentant de celle fleur, en laquelle fut d'Ajax le sang colericque converty; la tierce de diamant anachite, brillant et resplendissant comme foudre; la quarte de rubis baillay, masculin et amethistizant, de manière que sa flame et lueur finissoit en pourpre et violet, comme est l'amethiste ; la quinte d'emeraude, plus cinq cens fois magnifique qu'onques ne fut celle de Serapis dedans le labyrinthe des Egyptiens, plus floride et plus luysante que n'estoient celles qu'en lieu des yeux on avo!t apposé au lion marbrin gisant prés le tombeau du roy Hermias; la sexte d'agathe, plus joyeuse et variante en distinctions de macules et couleurs que ne fut celle que tant chère tenoit Pirrhus, roydesEpy-
l68 LIVRE V, CHAPITRE X LUI
rotes; la septiesme de sienite transparente, en blancheur de berylle, avec resplendeur comme miel hymetian,et dedans y apparoissoit la lune, en figure et mouvement telle qu'elle est au ciel, pleine, silente, croissante ou décroissante : qui sont pierres par les antiques Caldeans et mages attribuées aux sept planettes du ciel. Pour laquelle chose par plus rude Minerve entendre, sus la première de saphir estoit, au dessus du chapiteau, à la vive et centrique ligne perpendiculaire, eslevée, en plomb elutian bien précieux, l'image de Saturne tenant sa faux, ayant, aux pieds une grue d'or artificiellement esmaillée, selon la competance des couleurs, naïfvement deuz à l'oiseau saturnin ; sus la seconde de hiacinthe tournant à gausche estoit Jupiter en estain jovetian, sus la poictrine un aigle d'or esmaillé selon le naturel; sus la troisiesme Phebus en or obrizé, en sa main dextreun coq blanc; sus la quatriesme en airain corinthien Mars, à ses pieds un lion; sus la cinquiesme Venus en cuyvre, matière pareille à celle dont Aristonides fist la statue d'Athamas, exprimant en rougissante blancheur la honte qu'il avoit contemplant Learche, son fils, mort d'une cheute à ses pieds; sus la sixiesme Mercure en hydrargyre, fixe, maleable et immobile, à ses pieds une cigogne; sus la septiesme la Lune en argent, à ses pieds un lévrier. Et estaient ces statues de telle hauteur, qui estoit la tierce partie des colonnes subjettes, peu plus, tant ingénieusement représentées, selon le portraict
PANTAGRUEL
des mathématiciens, que le canon de Polycletus, lequel faisant fut dit l'art apprendre de l'art avoir fait, à peine y eust esté receu à comparaison.
Les bases des colonnes, les chapiteaux, les architraves, zoophores et cornices, estoient à ouvrage phrygien, massives, d'or plus pur et plus fin que n'en porte le Leede prés Montpelier, Gange en Indie, le Pau en Italie, l'Hebrus en Thrace, leTage en Espagne, le Pactol en Lydie; les arceaux entre les colomnes surgeans, de la propre pierre d'icelles jusques à la prochaine par ordre, sçavoir est de saphir vers le hiacinthe, de hiacinthe vers le diamant, et ainsi consécutivement. Dessus les arces et chapiteaux de colomne en face intérieure estoit une croppe érigée pour couverture de la fontaine, laquelle derrière l'assiette des planettes commençoit en figure heptagone, et lentement finissoit en figure spherique, et estoit de cristal tant emundé, tant diaphane et tant poly, entier et uniforme en toutes ses parties, sans venes, sans nuées, sans glassons, sans capilamens, que Xenocrates onques n'en vid qui fust à luy à parangonner.
Dedans la corpulance d'icelle estoient par ordre en figure, et characteres exquis artificiellement insculpez les douze signes du zodiaque, les douze mois de l'an, avec leurs proprietez, les deux solstices, les deux equinoxes, la ligne eclyptique, avec certaines plus insignes estoiles fixes autour du pol antartique, et ailleurs, par tel art et expression que je
