LIVRE V, CHAPITRE XLIII
pensois estre ouvrage duroy Necepsus ou de Petosiris, antique mathématicien.
Sus le sommet de la croppe susdite, correspondant au centre de la fontaine, estoient trois unions eleichies, uniformes, de figure turbinée en totale perfection lachrimale, toutes ensemble cohérentes, en forme de fleur de lis, tant grandes que la fleur excedoit une palme. Du calice d'icelles sortoit un carboucle gros comme un œuf d'autruche, taillé en forme heptagonne (c'est nombre fort aimé de Nature), tant prodigieux et admirable que, levans nos yeux pour le contempler, peu s'en faillit que perdissions la veuë : car plus flamboyant ne plus croissant est le feu du soleil, ne l'esclair; lors il nous apparoissoit tellement qu'entre justes estimateurs jugé facilement seroit plus estre en ceste fontaine et lampes cy-dessus descriptes de richesses et singularitez que n'en contiennent l'Asie, l'Aftrique et l'Europe ensemble. Et eust aussi facilement obscurcy le pantharbe de Ioachas, magicien Indic, que sont les estoilles par le soleil et clair midy.
Aille maintenant se vanter Cleopatra, royne d'Egypte, avec ses deux unions pendens à ses aureilles, desquels l'un, présent Antonius triumvir, elle par force de vinaigre fondit en eau, estant à l'estimation de cent fois sexterces.
Aille Pompeïe Plautine avec sa robbe toute couverte d'emeraudes et marguerites, en tissure alternative, laquelle tiroit en admiration tout le peuple
PANTAGRUEL
de la ville de Rome, laquelle on disoit estre fosse et magazin des vainqueurs larrons de tout le monde.
Le coulement et laps de la fontaine estoitpar trois tubules et canals faits de marguerites fines en l'assiette de trois angles equilateraux promarginaires cy-dessus exposez, et estoientles canals produits en ligne limaciale bipartiente. Nous avions iceux considéré, ailleurs tournions nostre veuë, quand Bacbuc nous commanda entendre à l'exiture de l'eau; lors entendismes un son à merveille harmonieux, obtus toutesfois et rompu, comme de loin venant et soubterrain. En quoy plus nous sembloit délectable que si apert eust esté et de prés ouy. De sorte qu'autant comme les fenestres de nos yeux, nos esprits s'estoient oblectez à la contemplation des choses susdites, autant en restoit il aux aureilles, à l'audiance de ceste harmonie.
Adonc nous dist Bacbuc : « Vos philosophes nient estre par vertu de figures mouvement fait ; oyez icy, et voyez le contraire. Par la seule figure limaciale que voyez bipartiente, ensemble une quintuple infoliature mobile à chascune rencontre intérieure, telle qu'est en la veine cave au lieu qu'elle entre le dextre ventricule du cueur, est ceste sacrée fontaine excolée, et par icelle une armonie telle qu'elle monte jusques à la mer de vostre monde. » Puis commanda qu'on nous fist boire.
Car, pour clerement vous advertir, nous ne som-
