CHAPITRE XLVI
Comment Bacbuc interprète le mot de la Bouteille.
acbuc, jettant ne sçay quoy dedans le timbre, dont soudain fut l'ebulition de l'eau restraincte, mena Panurge au temple major, au lieu central auquel estoit la vivifique fontaine. Là, tirant un gros livre d'argent en forme d'un demy muy, ou d'un quart de sentences, le puysa dedans la fontaine et luy dist: « Les philosophes, prescheurs et docteurs de vostre monde vous paissent de belles paroles par les aureilles, icy nous realement incorporons nos preceptionspar la bouche. Pourtant je ne vous dy : Lisez ce chapitre, voyez ceste glose. Je vous dy : Tasfez ce chapitre, avaliez ceste belle glose. ^ « Jadis un antique prophète de la nation judaïque mangea un livre, et fut clerc jusques aux dents; présentement vous en boirez un, et serez clerc jusques au foye. Tenez, ouvrez les mandibules. » Panurge ayant la gueule bée, Bacbuc print le livre d'argent, et pensions que fust véritablement un livre, à cause de sa forme, qui estoit comme un bréviaire, mais c'estoist un veneré, vray et naturel flascon plein de vin Phalerne, lequel elle fist tout avaller à Panurge. ^ « Voicy, dist Panurge, un notable chapitre, et lose fort autentique; est-ce tout ce que vouloit
l8o LIVRE V, CHAPITRE XLVI
prétendre le mot de la Bouteille trimegiste? J'en suis bien, vrayement. — Rien plus, respondit Bao buc, car Trinch est un mot panomphée, célèbre et entendu de toutes nations, et nous signifie : Beuvez. Vous dites en vostre monde que sac est vocable commun en toute langue, et à bon droit et justement de toutes nations receu. Car, comme est l'apologue d'Esope, tous humains naissent un sac au col, souffreteux par nature, et mandians l'un de l'autre. Roy souz le ciel tant puissant n'est qui passer se puisse d'autruy, pauvre n'est tant arrogant qui passer se puisse du riche, voire fust-ce Hippias le philosophe, qui faisoit tout. Encores moins se passe l'on de boire qu'on ne fait de sac.
« Et icy maintenons que non rire, ains boire, est le propre de l'homme. Je ne dy boire simplement et absolument, car aussi bien boivent les bestes; je dy boire vin bon et frais. Notez, amis, que de vin divin on devient, et n'y a argument tant seur, ny art de divination moins fallace. Vos Académiques l'afferment rendans l'ethnologie de vin, lequel ils disent en grec oTvoç, estre comme vis, force, puissance : car pouvoir il a d'emplir l'ame de toute vérité, tout sçavoir et philosophie. Si avez noté ce qui est en lettres ioniques escrit dessus la porte du temple, vous avez peu entendre qu'en vin est vérité cachée. La dive Bouteille vous y envoyé, soyez vous mesmes interprètes de vostre entreprinse.
— Possible n'est, dist Pantagruel, mieux dire que
PANTAGRUEL
fait ceste vénérable pontife; autant vous en dy-je lorsque premièrement nVen parlastes. Trinch doncques. Que vous dit le cœur, eslevé par enthusiasme bacchique?
« Trinquons, dist Panurge, de par le bon Bacchus. Ha, ho, ho, je voiray bas culs De bref bien à poinct sabourez Par couilles et bien embourez De ma petite humanité.
Qu'est-ce cy? La paternité De mon cœur me dict seurement Que je seray non seulement Tost marié en nos quartiers, Mais aussi que bien volontiers Ma femme viendra au combat Vénérien : Dieu, quel débat Jy prevoy ! Je laboureray Tant et plus, et saboureray A guoguo, puis que bien nourry Je suis. C'est moy le bon mary, Le bon des bons. Io Pean ! Io Pean, Io Pean!
10 mariage trois fois !
Çà, çà, frère Jean, je te fais Serment vray et intelligible Que cest oracle est infallibic,
11 est seur, il est fatidiQue.
