LIVRE V, CHAPITRE VI
d'abundance et copie de tant de bien et frians morceaulx ? — De tout l'autre monde, respondit /Editue, exceptez moy quelques contrées des régions aquilonnaires, lesquelles depuis certaines années ont meu la camerime. Chou,
Ils s'en repentiront, don daine, Ils s'en repentiront, don don.
« Beuvons, amis! Mais de quel pays estes-vous ?
De Touraine, respondit Panurge. — Vrayement, dist Jiditue, vous ne fustes onques de mauvaise pie couvez, puisque vous estes de la benoiste Touraine. De Touraine tant et tant de biens annuellement nous viennent que nous fut dit un jour par gens du lieu, par cy passans, que le Duc de Touraine n'a en tout son revenu de quoy son saoul de lard manger, par l'excessive largesse que ses prédécesseurs ont fait à ces sacrosaincts oiseaux, pour icy de phaisans nous saouler, de perdriaux, de gelinotes, poulies d'Inde, gras chappons de Loudunois, venaison de toutes sortes, et toutes sortes de gibier.
«Beuvons, amis ! Voyez ceste perchée d'oiseaux, comment ils sont douillets et en bon poinct des rentes qui nous en viennent : aussi chantent-ils bien pour eux, Vous ne vistes onques rossignols mieux gringoter qu'ils font en plat, quand ils voyent ces deux bastons dorez... — C'est, dist frère Jean, /este à bastons... — Et quand je leur sonne ces grosses cloches que vous voyez pendues autour de
PANTAGRUEL
leurs cages. Beuvons, amis ! il fait certes huy beau boire, aussi fait-il tous les jours. Beuvons ! Je boy de bien bon cueur à vous , et soyez les tresbien venus. N'ayez peur que vin et vivres icy faillent, car, quand le Ciel seroit d'airin et la terre de fer, encores vivres ne nous fauldroient, fussent par sept, voire huit ans, plus long-temps que ne dura la famine en ^Egypte. Beuvons ensemble par bon accord en charité.
— Diables, s'escria Panurge, tant vous avez d'aises en ce monde ! — En l'autre, respondit ^Editue, en aurons nous bien d'avantage. Les Champs Eliziens ne nous manqueront pour le moins. Beuvons, amis; je boy à toy. — Ç'a esté, dy-je, esprit moult divin et parfait à vos premiers Siticines, avoir le moyen inventé par lequel vous avez ce que tous humains appetent naturellement, et à peu d'iceux, ou, à proprement parler, à nul est octroyé : c'est Paradis en ceste vie et en l'autre pareillement avoir.
O gens heureux! O semy-Dieux !
Pleust au Ciel qu'il m'avint ainsi ! »
