CHAPITRE VII

Comment Panurge racompte à Maistre JEditut l'apologue du Koussin et de l'Asne.

voir beu et bien repeu, iEditue nous mena en une chambre bien garnie, bien tapissée, toute dorée. Là nous fist apporter mirobalans, brain de basme et zinzembre verd confit, force hypocras et vin délicieux, et nous invitoit par ces antidotes, comme par breuvage du fleuve de Lethé, mettre en oubly et nonchalance les fatigues qu'avions paty sus la marine; fist aussi porter vivres en abondance à nos navires qui surgeoient au port. Ainsi reposasmes par icelle nuict, mais je ne pouvois dormir, à cause du sempiternel brimballement des cloches.

A minuict iEditue nous esveilla pour boire; luy mesme y beut le premier, disant : « Vous autres de l'autre monde dictes que ignorance est mere de tous maux, et dictes vray; mais toutesfois vous ne la bannissez mie de vos entendemens, et vivez en elle , avec elle , par elle. C'est pourquoy tant de maux vous meshaignent de jour en jour; tousjours vous plaignez, tousjours lamentez; jamais n'estes assouvis, je le considère présentement. Car ignorance vous tient icy au lict liez, comme fut le Dieu

PANTAGRUEL

des batailles par l'art de Vulcan, et n'entendez que le devoir vostre estoit d'espargner de vostre sommeil, point n'espargner les biens de ceste fameuse Isle. Vous debvriez avoir ja faict trois repas, et tenez cela de moy, que pour manger les vivres de l'isle Sonnante se fault lever bien matin; les mangeant, ils multiplient; les espargnans, ils vont en diminution. Fauchez le pré en sa saison, l'herbe y reviendra plus drue et de meilleure emploicte ; ne le fauschez point, en peu d'années il ne sera tapissé que de mousse. Beuvons, amis, beuvons trestous; les plus maigres de nos oiseaux chantent maintenant tous à nous, nous boirons à eux s'il vous plaist. Beuvons, de grâce, vous n'en cracherez tantost que mieux. Beuvons une, deux, trois, neuf fois : non zelus, sed charitas. »

Au poinct du jour pareillement nous esveilla pour manger souppes de prime. Depuis ne fismes qu'un repas, lequel dura tout le jour, et ne sçavois si c'estoit disner ou soupper, gouster ou regoubilloner. Seulement par forme d'esbat nous pourmenasmes quelques tours par l'Isle, pour veoir et ouir le joyeux chant de ces benoists oiseaux.

Au soir Panurge dit à iEditue : « Seigneur, ne vous desplaise si je vous raconte une histoire joyeuse, laquelle advint au pays de Chastelleraudois depuis vingt et trois lunes.

Le pallefrenier d'un gentilhomme, au mois d'avril, pourmenoit à un matin ses grands chevaux