CHAPITRE VIÏI
Comment nous fust monstré Papegaut à grande difficulté.
e tiers jour continua en festins etmesmes banquets que les deux jours précédents , auquel jour Pantagruel requeroit instamment veoir Papegaut; mais iEditue respondit qu'il ne se laissoit ainsi facilement veoir. « Comment , dist Pantagruel , a-il l'armet de Pluton en teste, l'anneau de Gygés és griffes, ou un chameleon en sein, pour se rendre invisible au monde? — Non, respondit iEditue, mais il par nature est à veoir un peu difficile. Je donneray toutesfoys ordre que le puissiez veoir si faire se peut. » Ce mot achevé, nous laissa au lieu grignotans.
PANTAGRUEL
Un quart d'heure après, retourné, nous dist Papegaut estre pour ceste heure visible, et nous mena en tapinois et silence droit à la cage en laquelle ilestoit acroué, accompagné de deux petits Cardingaux et. de six gros et gras Evesgaux. Panurge curieusement considéra sa forme, ses gestes, son maintien ; puis s'escria à haute voix, disant : « En mal an soit la beste ! il semble une duppe. — Parlez bas, dit iEditue, de par Dieu ; il a aureilles, comme sagement nota Michael de Matiscones. — Si a bien une duppe, dit Panurge. — Si une fois il vous entend ainsi blasphemans, vous estes perdus, bonnes gens. Voyez vous là dedans sa cage un bassin ? D'iceluy sortira foudre, tonnoirre, esclairs, diables et tempeste, par lesquels en un moment serez cent pieds sous terre abismez. — Mieux seroit, dit frère Jehan, boire et banqueter. »
Panurge restoit en contemplation véhémente de Papegaut et de sa compagnie, quand il apperceut au dessouz de sa cage une chevêche. Adonc s'escria, disant : « Par la vertu Dieu, nous sommes icy bien pippez à plaines pippes, et mal equippez. Il y a, par Dieu, de la pipperie, fripperie et ripperie tant et plus en ce manoir. Regardez là ceste chevêche ; nous sommes, par Dieu, assassinez. — Parlez bas, de par Dieu, dist ^Editue, ce n'est mie une chevêche; il est masle, c'est un noble chevecier. — Mais, dist Pantagruel, faictes nous icy quelque peu Papegaut chanter, afin qu'oyons son armonie.
