PROLOGUE

monde donques ensagissant, plus ne craindra la fleur des febves en la prime vere, c'est à dire, comme pouvez le voirre au poing et les larmes à l'œil, pitoiablement croire en caresme un tas de livres qui sembloyent florides, florulens, floris comme beaux papillons, mais au vray estoient ennuyeux, fascheux, dangereux, espineux et ténébreux comme ceux d'Heraclitus, obscurs comme les Nombres de Pythagoras, qui fut Roy de la febve, tesmoin Horace. Iceux perironty plus ne viendront en main, plus ne seront leuz ne veuz. Telle estoit leur destinée, et là fut leur fin prédestinée.

Au lieu d'iceux ont succédé les febves en gousse. Ce sont ces joyeux et fructueux livres de Pantagruelisme, lesquels sont pour ce jourd'huy en bruit de bonne vente, attendant la période du jubilé subséquent, à l'estude desquels tout le monde s'est adonné; aussi est il sage nommé, Voila vostre problesme solu et résolu, faictes vous gens de bien là-dessus. Toussez icy un bon coup ou deux, et en beuvez neuf d'arrachepied, puis que les vignes sont belles et que les usuriers se pendent; ils me cousteront beaucoup en cordeaux si bon temps dure, car je proteste leur en fournir libéralement sans payer, toutes et quantes fois que pendre ils se voudront, espargnant le gain du bourreau.

Afin donques que soyez participans de cette sagesse advenente, émancipez de l'antique folie, effacez-moy présentement de vos pancartes le symbole du viel philosophe à la cuysse dorée, par lequel il vous interdisoit l'usage et mangeaille des febves, tenant pour chose