LIVRE V, CHAPITRE XI
icy hors demeurer, attendant que là dedans tombe la fouldre du ciel et en cendre les réduise comme autres Titanes, prophanes et theomaches, puisque les humains tant et tant sont des cueurs endurciz que le mal parmy eux advenu, advenant et à venir, ne recordent, ne sentent, ne prevoyent, ou le sentens n'osent, ne veulent, ne peuvent les exterminer. — Qu'est-ce cela? dist Panurge ; ha! non, non, je n'y vois pas, par Dieu! Retournons, retournons, dis-je, de par Dieu !
Ce noble gueux m'a plus fort estonné Que si du ciel en automne eust tonné. »
Retournans, trouvasmes la porte fermée, et nous fut dict que là facilement on y entroit comme en Averne , à issir restoit la difficulté , et que ne sortirions hors en manière que ce fust sans bulletin et descharge de l'assistance , par ceste seule raison qu'on ne s'en va pas des foyres comme du marché, et qu'avions les pieds pouldreux. Le pis fut quand passasmes le Guichet, car nous fusmes présentez pour avoir nostre bulletin et descharge devant un monstre le plus hideux que jamais fust descrist. On le nommoit Grippe-minaud. Je ne vous le sçaurois mieux comparer qu'à Chimère, ou à Sphinx et Cerberus, ou bien au simulachre d'Osiris, ainsi que le fîguroyent les Egyptiens, par trois testes ensemble joinctes, sçavoir est : d'un lyon rugient, d'un chien flattant et d'un loup baislant, entortillées d'un dra-
gon soy mordant la queue, et de rayons scintillans à Pentour. Les mains avoit plaines de sang, les griphes comme de harpye, le museau à bec de corbin, les dens d'un sanglier quadrannier, les yeux flamboyans comme une gueule d'enfer, tout couvert de mortiers entrelassez de pillons; seulement apparoissoyent les gryphes. Le siège d'iceluy, et de tous ses* collateraulx Chats-garaniers, estoit d'un long rattelier tout neuf, au dessus duquel, par forme de revers instablées, estoient mangeoires fort amples et belles, selon l'advertissement du Gueux.
A l'endroit du siège principal estoit l'image d'une vieille femme tenant en main dextre un fourreau de faucille, en senestre une ballance, et portant bezides au nez. Les coupes de la ballance estoient de deux gibbescieres veloutées, l'une pleine de billon et pendente , l'autre vuide et longue , eslevée au dessus du tresbuchet. Et suis d'opinion que c'estoit le pourtraict de Justice grippe-minaudiere , bien abhonente de l'institution des antiques Thebains, qui erigeoyent les statues de leurs dicastes et juges, après leur mort, en or et argent, en marbre, selon leur mérite, toutes sans mains.
Quand fusmes devant luy présentez , ne sçay quelle sorte de gens, tous vestus de gibbescieres et de sacs, à grands lambeaux d'escritures, nous firent sus une selette asseoir. Panurge disoit : « Gallefretiers, mes amis, je ne suis que trop bien ainsi debout, aussi bien elle est trop basse pour homme qui
