CHAPITRE XII
Comment par Grippe-minaud nous fut proposé un énigme.
) uand fusmes assis, Grippe-minaud, au \ millieu de ses Chats-fourrez, nous dist jenparolle furieuse et enrouée : « Or > çà, or çà, or çà. — A boire, à boire çà, » disoit Panurge entre ses dens.
« Une bien jeune et toute blondelette Conceut un fils Etyopien sans pere ; Puis l'enfanta sans douleur la tendrette, Quoy qu'il sortist comme faict la vipère, L'ayant rongé en mout grand vitupère Tout l'un des flancs, pour son impatience ; Depuis passa mons et vaux en fiance, Par l'air volant, en terre cheminant, Tant qu'estonna l'amy de sapience, Qui l'estimoit estre humain animant.
<( Or çà , respons moy, dist Grippe-minaud , à cest énigme , et nous resoulz présentement que c'est, or çà. — Or de par Dieu, respondis-je , si j'avois Sphinx en ma maison, or de par Dieu,
PANTAGRUEL
comme l'avoit Verrés, un de vos précurseurs, or de par Dieu, resouldre pourrois l'énigme , or de par Dieu; mais certes je n'y estois mie, et suis, or de par Dieu, innocent du faict. — Or çà, dit Grippeminaud, par Styx, puis qu'autre chose ne veux dire, or çà, je te monstreray, or çà, que meilleur te seroit estre tombé entre les pattes de Lucifer, or çà, et de tous les diables, or çà, qu'entre nos griphes, or çà ; les vois-tu bien ? Or çà, malautru, nous allègues tu innocence, or çà, comme chose digne d'eschapper nos tortures? Or çà, nos loix sont comme toille d'araignes, or çà : les simples mouscherons et petits papillons y sont prins, or çà ; les gros taons malfaisans les rompent, or çà, et passent à travers, or çà. Semblablement, nous ne cherchons les gros larrons et tyrans, or çà; ils sont de trop dure digestion, or çà, et nous affolleroient, or çà ; vous autres gentils innocens, or çà, y serez bien innocentez, or çà; le grand Diable, or çà, vous y chantera Messe , or çà . »
Frère Jean, impatient de ce qu'avoit déduit Grippe-minaud : «Hau, Monsieur le Diable engipponné, comment veux-tu qu'il responde d'un cas lequel il ignore? Ne te contente-tu de vérité? — Or çà, dist Grippe-minaud, encores n'estoit de mon règne advenu, or çà , qu'icy personne sans premier estre interrogué parlast, or çà. Qui nous a deslié ce fol enragé icy? — Tu as menty, mastin, dist frère Jean sans les lèvres mouvoir. — Or çà, Rabelais. IV. 7
