CHAPITRE XIII Comment Panurge expose V énigme de Grippe-minaud

rippe-minaud, faisant semblant n'entendre ce propos, s'adresse à Panurge, disant : « Or çà, or çà, or çà, et toy, Guoguelu, n'y veux tu rien dire? — Révérend pere en diable, respondit Panurge, or de par le diable là, je voy clerement que la peste est icy pour nous, or de par le diable là, veu qu'innocence n'y est point en seureté, et que le diable y chante messe, or de par le diable là. Je vous prie que pour tous je la paye, or de par le diable là, et nous laisse aller. Je n'en puis plus, or çà, de parle diable là. - — Aller! dit Grippe-minaud; or çà, encores n'advint depuis trois cens ans en çà, or çà, que personne eschappast de céans sans y laisser du poil, or çà, ou de la peau pour le plus souvent, or çà. Car quoy? or çà, ce seroit à dire que par devant nous icy serois injustement convenu, or çà, et de par nous injustement traité, or çà; malheureux es-tu bien, or çà; mais encoresplus le seras, or çà, si ne responds à l'énigme proposé; or çà, que veutil dire, or çà?

— C'est, or de par le diable là, respondit Panurge, un cosson noir né d'une febve blanche, or de par le diable là, par le trou qu'il avoit fait la