LIVRE V, CHAPITRE XVI

et les ventz baissez, en peu de temps ils furent aux rochiers.

Comme ils eurent prins terre, Epistemon, qui admiroitl'assiete du lieu etl'estrangeté des rochiers, advisa quelques habitans dudict pays. Le premier à qui il s'adressa estoit vestu d'une robbe gocourte, de couleur de Roy, avoit le pourpoinct de demyostade à bas de manches de satin , et le haut estoit de chamois, le bonnet à la coquarde, homme d'assez bonne façon, et, comme depuis nous sceumes, il avoit nom Gaingne-beaucoup. Epistemon luy demanda comme s'appelloyent ces rochers et vallées si estranges. Gaingne-beaucoup luy dist que le pays des rochiers estoit une colonie tirée du pays de Procuration, et Tappelloient les Cahiers, et qu'au delà des rochiers, ayant passé un petit guay, nous trouverions l'isle des Apedeftes. « Vertu de Extravagantes ! dist frère Jean , et vous aultres, gens de bien, de quoy vivez-vous icy ? Sçaurions nous boire en vostre voirre ? Car je ne vous voy aucuns outils que parchemins, cornets et plumes.

— Nous ne vivons, respondit Gaingne-beaucoup, que de cela aussi, car il faut que tous ceux qui ont affaire en l'isle passent par nos mains. — Pourquoy ? dit Panurge. Estes-vous barbiers, qu'il faut qu'ils soient testonnez? — Ouy, dit Gaingne-beaucoup, quant aux testons de la bourse. — Par Dieu, dist Panurge , vous n'aurez de moy denier ny maille ;

PANTAGRUEL

mais je vous prie, beau Sire, menez-nous à ces Apedeftes, car nous venons du pays des Sçavans, où je n'ay gueres gaingné. »

En devisant, ils arrivèrent en l'isle des Apedeftes, car l'eau fut tantost passée. Pantagruel fut en grande admiration de la structure de la demeure et habitation des gens du pays, car ils demeurent en un grand pressouer, auquel on monte prés de cinquante degrez, et avant que d'entrer au maistre pressouer, car leans y a des petits, grands, secrets, moyens, et de toutes sortes, vous passez par un grand peristile, où vous voyez en paysaige les ruines presque de tout le monde, tant de potences de grans larrons, tant de gibets, de questions, que cela nous feit peur. Voyant Gaingne-beaucoup que Pantagruel s'amusoit à cela : « Monsieur, dit-il, allons plus avant, cecy n'est rien. — Comment, dit frère Jean, ce n'est rien ? Par l'ame de ma braguette eschauffée, Panurge et moy tremblons de belle faim. J'aymerois mieux boire que veoir ces ruines ici. — Venez », dist Gaingne-beaucoup.

Lors nous mena à un petit pressouer qui estoit caché sus le derrière, que l'on appelloit, en languaige de l'isle, Pithies. Là ne demandez pas si maistre Jean se traicta, et Panurge, car saulcissons de Miilan, coqs d'Inde, chappons, autardes, malvoisie et toutes bonnes viandes estoient prestes et fort bien accoustrées. Un petit bouteillier, voyant