LIVRE V, CHAPITRE XVI

nance de Messieurs traicté, parce qu'il n'y avoit celuy à qui il ne valust bien la rente d'une bonne métairie ; ils l'appelloient, en langue d'Ignorance, Dupple. Sa mere estoit auprès, qui estoit de pareil poil et forme, hormis qu'elle avoit quatre testes, deux masles et deux femelles, et elle avoit nom Quadruple, laquelle estoit la plus furieuse beste de leans et la plus dangereuse, après sa grand'mere, que nous veismes enfermée en un cachot, qu'ils appelloyent Omission de recepte.

Frère Jean, qui avoit tousjours vingt aulnes de boyaux vuides pour avaller une saulgrenée d'advocats, se commençant à fascher, pria Pantagruel de penser du disner, et de mener avecques luy Gaingne-beaucoup, de sorte qu'en sortant de leans par la porte de derrière, nous rencontrasmes un vieil homme enchaisné, demy ignorant, demy sçavant, comme un androgyne de diable, qui estoit de lunettes caparassonné comme une tortue d'escailles, et ne vivoit que d'une viande qu'ils appellent en leur patois Appellations.

Le voyant, Pantagruel demanda à Gaingne-beaucoup de quelle race estoit ce Protenotaire, et comment il s'appeloit. Gaingne-beaucoup nous compta comme de toute ancienneté il estoit leans, à grand regret, de Messieurs enchaisné, qui le faisoyent presque mourir de faim, et s'appelloit Kevisit. « Par les saincts couillons du Pape, dit frère Jean, je ne m'esbahis pas si Messieurs les Ignorans font grand

PANTAGRUEL

cas de ce papelard là. Par Dieu, il m'est advis, amy Panurge, si tu y regardes bien, qu'il a le minois de Grippe-minaud ; ceux-cy, tous ignorans qu'ils sont, en savent autant que les autres. Je le renvoyerois bien d'où il est venu à grans coups d'anguillade.

— Par mes lunettes orientales, dist Panurge, frère Jean, mon amy, tu as raison, car, à veoir la trogne de ce faux villain Revisit, il est encores plus ignorant et meschant que ces povres Ignorans îcy, qui grappent au moins mal qu'ils peuvent, sans longs procez , et qui en trois petits mots vendangent le clos sans tant d'interlocutoires ny decrotoi- -res, dont ces Chatz-fourrez en sont bien faschez. »