LIVRE V, CHAPITRE XVI
Casuels, des Domaines, des Menus Plaisirs, des Postes, des Offrandes, de la Maison. — Et qui est ceste grosse-là, à qui toutes ces petites sont à l'environ? — C'est, dit Gaingne-beaucoup, de l'Espargne, qui est le meilleur plant de tout ce pays; quand on en pressure de ce plant, six mois après il n'y a pas un de ces Messieurs qui ne s'en sente. »
Quand ces Messieurs furent levez, Pantagruel pria Gaingne-beaucoup qu'il nous menast en ce grand pressouer, ce qu'il feit volontiers. Si tost que fusmes entrez , Epistemon , qui entendoit toutes langues, commença à monstrer à Pantagruel les devises du pressouer, qui estoit grand et beau, faict, à ce que nous dit Gaingne-beaucoup, du bois de la Croix, car sur chacun ustencile estoyent escripts les noms de chacune chose en langue du pays. La vizdu pressouer s'appelloit recepte ; la met, despense; la croue, estât; le tesson, deniers comptez et non receus; les fusts, souffrance; les belliers, radietur; les jumelles, recuperetur; les cuves, plus valleur; les ansées, rooles; les foullouaires, acquits; ]es hottes, validation; les portoueres, ordonnance vallable; les seilles, le pouvoir; l'entonnouer, le quittus.
« Par la Royne des Andouilles, dist Panurge, toutes les hierogliphiques d'Egypte n'approchèrent jamais de ce jargon ; que diable, ces mots-là rencontrent de picques comme crottes de chèvre. Mais pourquoy, mon compère, mon amy, appelle-
PANTAGRUEL
on ces gens icy ignorans ? — Parce, dist Gaingnebeaucoup, qu'ils ne sont et ne doivent nullement estre clercs, et que céans par leur ordonnance tout se doibt manier par ignorance, et n'y doibt avoir raison, sinon que Messieurs Vont dict, Messieurs le veulent, Messieurs Vont ordonné. — Par le vray Dieu, dist Pantagruel, puisqu'ils gaingnent tant aux grappes, le serment leur peut beaucoup valloir. — En doubtez-vous? dist Gaingne-beaucoup, il n'est mois qu'ils n'en ayent ; ce n'est pas comme en vos pays, où le serment ne vous vaut rien qu'une fois l'année. »
De là, pour nous mener par mille petits pressouers, en sortant nous advisasmes un autre petit bourreau, à l'entour duquel estoient quatre ou cinq des Ignorants crasseux, choleres comme asnes à qui l'on attache une fusée aux fesses, qui sur un petit pressouer qu'ils avoient là repassoyent encores le marc des grappes après les autres ; l'on les appelait, en langage du pays, Courracteurs. « Ce sont les plus rébarbatifs villains, à les veoir, dist frère Jean, que j'aye point apperceu. » De ce grand pressouer nous passasmes par infinis petits pressouers tous plains de vendangeurs qui espluchent les grains avecques des ferremens qu'ils appellent articles de Compte, et finalement arrivasmes en une basse salle où nous veismes un grand dogue à deux testes de chien, ventre de loup, griffé comme un diable de La,mballe, qui estoit là nourry de laict d'amendes, et estoit ainsi délicatement par l'ordon-
