LIVRE V, CHAPITRE XVII

graisse ; et apperceusmes , ce que n'avois encores veus en païs autre, qu'ils deschiquetoient leur peau pour y faire bouffer la graisse , ne plus ne moins que les sallebrenaux de ma patrie descouppent le hault de leurs chausses pour y faire bouffer le taffetas. Et disoient ce ne faire pour gloire et ostentation, mais autrement ne pouvoient en leur peau. Ce faisant aussi plus soudain devenoient grands, comme les jardiniers incisent la peau des jeunes arbres pour plustost les faire croistre.

Prés le havre estoit un cabaret, beau et magnifique en extérieure apparence, auquel accourir voyans nombre grand de peuple Outré , de tous sexes, toutes aages et tous estats, pensions que là fut quelque notable festin et banquet. Mais nous fut dit qu'ils estoient invitez aux crevailles de l'hoste, et y alloient en diligence proches, parenz et alliez. N'entendans ce gergon, et estimans qu'en icelluy pays festin on nommast crevailles, comme deçà nous appelions enfîansailles, espousailles, velenailles, tondailles, mestivailles, fusmes advertis que l'hoste en son temps avoit esté bon raillard, grand grignoteur, beau mangeur de souppes lionnoises, notable compteur de horloge, éternellement disnant comme Thoste de Rouillac , et, ayant ja par dix ans pedé graisse en abondance, estoit venu en ses crevailles, et, selon l'usaige du pays, fînoit ses jours en crevant, plus ne pouvant le perytoine et peau par tant d'années deschiquetée clorre et retenir ses trippes

PANTAGRUEL

qu'elles ne effondrassent par dehors, comme dVv tonneau deffoncé.

ce Et quoy, dist Panurge, bonnes gens, ne luy sauriez vous bien à poinct, avecques bonnes grosses sangles ou bons gros cercles de cormier, voire de fer, si besoin est, le ventre relier? Ainsi lié ne jetteroit si aisément ses fons hors, et si tost ne creveroit. » Ceste parolle n'estoit achevée, quant nous entendismes en l'air un son haut et strident, comme si quelque gros chesne esclatoit en deux pièces. Lors fut dit par les voisins que ses crevailles estoient faictes, et que cestuy esclat estoit le ped de la mort.

Là me souvint du vénérable abbé de Castilliers, celuy qui ne daignoit biscoter ses chambrières nisi in Pontificalibus, lequel, importuné de ses parens et amis de resigner sur ses vieux jours son abbaye, dist et protesta que point ne se despouilleroit devant soy coucher, et que le dernier ped que feroit sa paternité seroit un ped d'abbé.