CHAPITRE XVIII
Comment nostre nauf fut encarrée, et feusmes aidez d'aucuns voyagiers qui tenoient de la Quinte.
yans serpé nos ancres et gumenes, feismes voile au doux zephyre. Environ 222 miles se leva un furieux turbillon de vens divers, autour duquel avec le trinquet etboulingues quelque peu temporisasmes, pour seulement n'estre dicts mal obeïssans au pilot , lequel nous asseuroit , veue la douceur d'iceux vens, veu aussi leur plaisant combat, ensemble la sérénité de Pair et tranquilité du courant, n'estre ny en espoir de grand bien, ny en crainte de grand mal, partant à propos nous estre la sentence du philosophe qui commandoit soustenir et abstenir, c'est à dire temporiser.
Tant toutesfoys dura ce turbillon qu'à nostre requeste, importuné, le pilot essaya le rompre et suivre nostre routte première. De faict, levant le grand artemon, et à droitte calamité du boussole dressant le gouvernail, rompit, moyennant un rude cole survenant, le turbillon susdict. Mais ce feut, en pareil desconfort, comme si, evitans Charybde , feussions tombez en Scylle. Car à deux miles du lieu feurent nos naufs encarrées par-my les arènes, telles que sont les ratz Sainct Mahieu.
PANTAGRUEL
Toute nostre chorme grandement se contristoit, et force vent à travers lesmejanes ; mais frère Jean onques ne s'en donna melancholie, ains consoloit maintenant l'un, maintenant l'autre, par douces parolles, leur remonstrant que de brief aurions secours du Ciel , et qu'il avoit veu Castor sus le bout des antennes. « Plust à Dieu, dist Panurge , estre à ceste heure à terre, et rien plus, et que chascun de vous autres, qui tant aimez la marine, eussiez deux cens mille escus : je vous mettrois un veau en mue, et refraischirois un cent de fagots pour vostre retour. Allez, je consens jamais ne me marier : faictes seulement que je sois mis en terre, et que j'aye cheval pour m'en retourner, de valet je me passeray bien. Je ne suis jamais si bien traité que quand je suis sans valet. Plaute jamais n'en menoit, disant le nombre de nos croix, c'est à dire afflictions, ennuis, fascheries, estre selon le nombre de nos valets, voire hissent-ils sans langue, qui est la partie plus dangereuse et maie qui soit à un valet, et pour laquelle seule furent inventées les tortures, questions et géhennes sur les valets, ailleurs non ; combien que les cotteurs de droict, en ce temps, hors ce royaume, le ayent tiré à conséquence alogique, c'est à dire desraisonnable. »
En'icelle heure vint vers nous droit aborder une navire chargée de tabourins, en laquelle je recognu quelques passagers de bonne maison, entre autres Henry Cotiral, compaignon vieux, lequel à sa
