LIVRE V, CHAPITRE XXII

Autres chassoient aux vents avec des rets, et y prenoient escrevisses decumanes.

J'y vy un jeune spodizateur lequel artificiellement tiroit des peds d'un asne mort, et en vendoit l'aune cinq sols;

Ung aultre putrefioit des sechaboths. O la belle viande !

Mais Panurge rendit vilainement sa gorge, voyant un archasdarpenim lequel faisoit putréfier grande doye d urine humaine en fiant de cheval, avec force merde chrestienne. Fy, le vilain ! Il toutesfois nous respondit que d'icelle sacrée distillation abreuvoit les roys et grans princes, et par icelle leur allongeoit la vie d'une bonne toise ou deux.

Autres rompoient les andouilles au genoil;

Autres escorchoient les anguilles par la queue, et ne crioient les dictes anguilles avant que d'estre escorchées, comme font celles de Melun;

Autres de néant faisoient choses grandes, et grandes choses faisoient à néant retourner;

Autres coupoient le feu avec un cousteau, et puisoient l'eau avec un rets;

Autres faisoient de vessies lanternes, et de nues poisles d'airain.

Nous en veismes douze autres banquetans souz une fueillade, et beuvans en belles et amples retumbes vins de quatre sortes, frais et délicieux à tous, et à toute reste, et nous fut dit qu'ils haulsoient le temps selon la manière du lieu, et qu'en ceste

PANTAGRUEL

manière Hercules jadis haulsa le temps avec Atlas;

Autres faisoient de nécessité vertu, et me semblent Pouvrage bien beau et à propos;

Autres faisoient alchimie avec les dens : en ce faisant emplissoient assez mal les selles percées ; avoient toutesfois le bast advantageux;

Autres dedans un long parterre songneusement mesuroient les saux des pusses, et cestuy acte m'affermoient estre plus que nécessaire au gouvernement des royaumes, conduictes des guerres, administrations des republicques, allegant que Socrates, lequel premier avoit des cieux en terre tiré la Philosophie, et d'oisive et curieuse l'avoit rendue utile et profitable, employoit la moitié de son estude à mesurer le saux des pusses, comme atteste Aristophanes le Quintessential.

Je vy deux giborins à part sur le haut d'une tour, lesquels faisoient sentinelle, et nous fut dit qu'ils gardoient la lune des loups.

J'en rencontray quatre autres en un coin de jardin amèrement disputans et prests à se prendre au poil l'un l'autre. Demandant dont sourdoit leur différent, entendy que ja quatre jours estoient passez depuis qu'ils avoient commencé disputer de trois hautes et plus que physicales propositions à la resolution desquelles ils se promettoient montaignes d'or. La première estoit de l'ombre d'un asne couillard, l'autre de la fumée d'une lanterne, la tierce de poil de chèvre sçavoir si c'estoit laine. Puis nous