CHAPITRE XXII

Comment les officiers de la Quinte diversement s'exercent, et comment la Dame nous retint en estât d' abstr acteurs .

e vy après grand nombre de ses officiers susdits , lesquels blanchissoien les Ethiopiens en peu d'heures, du fond d'un panier leur frottant seulement le ventre ;

Autres à trois couples de regnards souz un joug aroient le rivage areneux, et ne perdoient leur semence ;

Autres lavoient les tuilles, et leur faisoient perdre couleur;

Autres tiroient eau des pumices, que vous appeliez pierre ponce, la pillant long temps en un mortier de marbre, et luy changeoient substance;

Autres tondoient les asnes, et y trouvoient toison de laine bien bonne;

Autres cueilloient des espines raisins, et figues des chardons;

Autres tiroient laict des boucs, et dedans un crible le recevoient, à grand profit de mesnage;

Autres lavoient les testes des asnes, et n'y perdoient la laixive ;