CHAPITRE XXV
Comment les trente deux personnages du bal combatent.
insi posées en leurs assiettes les deux compagnies, les musiciens commencent ensemble sonner en intonation martiale, assez espouventablement, comme à l'assault. Là voyons les deux bandes frémir, et soy affermer pour bien combatre, venant Pheure du hourt, qu'ils seront évoquez hors leur camp. Quand soudain les musiciens de la bande argentée cessèrent, seulement sonnoient les organes de la bande aurée, en quoy nous estoit signifié que la bande aurée assailloit. Ce que bien tost advint, car à un ton nouveau veismes que la nymphe parquée devant la royne fist un tour entier à gausche vers son roy, comme demandant congé d'entrer en combat, ensemble aussi saluant toute sa compagnie. Puis desmarcha deux carreaux avant en bonne modestie, et fist d'un pied révérence à la bande adverse, laquelle elle assailloit. Là cessèrent les musiciens aurez, commencèrent les argentez.
Icy n'est à passer en silence que la nymphe, avoir en tour salué son roy et sa compagnie, afin qu'eux ne restassent ocieux, pareillement la resaluerent en tour entier gyrans à gausche, exceptée la royne, laquelle vers son roy se destourna à dex-
PANTAGRUEL
tre, et fut ceste salutation de tous desmarchans observée en tout le discours du bal, le ressaluement aussi, tant d'une bande comme de l'autre.
Au son des musiciens argentez desmarcha la nymphe argentée, laquelle estoit parquée devant sa royne, son roy saluant gratieusement, et toute sa compagnie, eux de mesme la resaluans, comme a esté dict des aurées, excepté qu'ils tournoient à dextre et leur royne à senestre ; se posa sus le second carreau avant, et, faisant révérence à son adversaire, se tint en face de la première nymphe aurée, sans distance aucune, comme preste à combatre, ne fust qu'elles ne frappent que des costez. Leurs compagnes les suyvent, tant aurées comme argentées, en figure intercalaire, et là font comme apparence de escarmoucher, tant que la nymphe aurée, laquelle estoit première en camp entrée, frappant en main une nymphe argentée à gausche,' la mist hors du camp et occupa son lieu. Mais bien tost, à son nouveau des musiciens, fut de mesme frappée par l'archer argenté; une nymphe aurée le fist ailleurs serrer; le chevalier argenté sortit en camp; la royne aurée se parqua devant son roy.
Adonc le roy argenté change place, doutant la furie de la royne aurée, et se tira au lieu de son custode à dextre, lequel lieu sembloit tresbien muny et en bonne défense.
Les deux chevaliers qui tenoient à gausche, tant aurez qu'argentez, desmarchent et font amples
