LIVRE V, CHAPITRE XXIV
marche dorénavant en mesme privilège que la royne; autrement jamais ne ferissent les ennemis que en ligne diagonale obliquement, et devant seulement. Ne leur est toutesfois, n'à autres, loisible prendre aucuns de leurs ennemis, èi le prenant elles laissoient leur roy descouvert et en prinse.
Les roys marchent et prennent leurs ennemis de toutes faces en carré, et ne passent que de carreau blanc et prochain au jaune, et au contraire; exceptez qu'à la première desmarche, si leur filliere estoit trouvée vuide d'autres officiers, fors les custodes, ils le peuvent mettre en leur siège, et àcostédeluy se retirer.
Les roynes desmarchent et prennerrt en plus grande liberté que tous autres, sçavoir est en tous endroits et en toutes manières, en toutes sortes, en ligne directe, tant loing que leur plaist, pourveu que ne soit des siens occupé, et diagonale aussi, pourveu que soit en couleur de son assiette.
Les archiers marchent tant en avant comme en arrière, tant loing que prés. Aussi jamais ne varient la couleur de leur première assiette.
Les chevaliers marchent et prenent en forme ligneare, passant un siège franc, encores qu'il fust occupé ou des siens ou des ennemis, et au second soy posans à dextre ou à senestre, en variation de couleur, qui est sault grandement dommageable à partie adverse, et de grande observation. Car ils ne prennent jamais à face ouverte.
PANTAGRUEL
Les custodes marchent et prenent à face tant à dextre qu'à senestre, tant arrière que devant, comme les roys, et peuvent tant loing marcher qu'ils voudront en siège vuide, ce que ne font les roys.
La loy commune és deux parties estoit, en fin dernière du combat, assiéger et clorre le royde part adverse en manière qu'évader ne peust de costé quelconque. Iceluy ainsi clos, fuir ne pouvant, ny des siens estre secouru, cessoit le combat et perdoit le roy assiégé. Pourdonques de cestuy inconvénient le guarentir, il n'est celuy ne celle de sa bande qui n'y offre sa vie propre, et se prenent les uns les autres de tous endroicts, advenant le son de la musique. Quand aucun prenoit un prisonnier de part contraire, luy faisant la reverance, luy frappoit doucement en main dextre, le mettoit hors le parquet et succedoit en sa place. S'il advenoit qu'un des roys fust en prise, n'estoit licite à partie adverse le prendre; ainsi estoit fait rigoreux commandement à celuy qui l'avoit descouvert, ou le tenoit en prise, luy faire profonde reverance, et i'advertir, disant : « Dieu vous gard' » , afin que de ses officiers fust secouru et couvert, ou bier qu'il changeast de place, si par malheur ne pou- Yoit estre secouru. N'estoit toutesfois prins de partie adverse, mais salué le genoil gauche en terre, luy disant : « Bon jour. » Là estoit fin du tournay.
Rabelais. IV.
