LIVRE V, CHAPITRE XXV

peuvent, de tout le nombre de leurs nymphes, à ceste dignité et nouveau mariage, les aimer joyeusement, avec promesses certaines d'y estre receues si elles pénètrent jusques à la dernière filliere du roy ennemy. Les aurées anticipent, et d'elles est créé une royne nouvelle, à laquelle on impose une couronne en chef, et baille l'on nouveaux accoustremens.

Les argentées suyvent de mesme, et plus n'estoit qu'une ligne que d'elles ne feust royne nouvelle créée; mais en cestuy endroit le custode auré la guettoit; pourtant elle s'arresta quoy.

La nouvelle royne aurée voulut, à son advenement, forte, vaillante et belliqueuse se monstrer. Fist grans faicts d'armes parmy le camp. Mais en ces entrefaictes le chevalier argenté print le custode auré, lequel gardoit la meteducamp; par ce moyen fut faicte nouvelle royne argentée, laquelle se voulut semblablement vertueuse monstrer à son nouveau advenement.

Fut le combat renouvellé plus ardent que devant. Mille ruses, mille assaulx, mille desmarches furent faictes, tant d'un costé que d'autre, si bien que la royne argentée clandestinement entra en la tente du roy auré, disant : « Dieu vous gard' », et ne peust estre secouru que par sa nouvelle royne. Icelle ne fist difficulté de soy opposer pour le sauver. Adonques le chevalier argenté, voltigeant de tous costez, se rendoit prés sa royne, et misrent le

PANTAGRUEL

io3

roy auré en tel desarroy que pour son salut luy convint perdre sa royne. Mais le roy auré print le chevalier argenté. Ce nonobstant l'archer auré, avec deux nymphes qui restoient, à toutes leurs puissances defendoient leur roy; mais en fin tous furent prins et mis hors le camp, et demoura le roy auré seul.

Lors de toute la bande argentée luy fut dit en profonde révérence : « Bon jour », comme restant le roy argenté vainqueur. A laquelle parolle les deux compagnies de musiciens commencèrent ensemble sonner, comme victoire. Et print fin ce premier bal en tant grande allégresse,, gestes tant pîaisans, maintien tant honneste, grâces tant rares, que nous fusmes tous en nos esprits rians comme gens ecstatiques, et non à tord nous sembloit que nous fussions transportez és souveraines délices et dernière félicité du ciel Olimpe.

v Fini le premier tournay, retournèrent les deux bandes en leur assiette première, et, comme avoient combatu paravant, ainsi commencèrent à combatre pour la seconde fois, excepté que la musique fut en sa mesure serrée d'un demy temps plus que la précédente, les progrez aussi totalement differens du premier.

Là je vy que la royne aurée, comme despitée de la route de son armée, fut par l'intonation de la musique évoquée, et se mist des premières en camp avec un archer et un chevalier, et peu s'en faillit