LIVRE V, CHAPITRE XXV

qu'elle ne surprint le roy argenté en sa tente au millieu de ses officiers. Depuis, voyant son entreprise descouverte, s'escarmoucha parmy latrouppe, et tant desconfit de nymphes argentées et autres officiers que c'estoit cas pitoiable les voir. Vous eussiez dit que ce fut une autre Panthasilée Amazone foudroyante par le camp des Grégeois ; mais peu dura cestuy esclandre, car les argentées, fremissans à la perte de leurs gens, dissimulans toutefois leur dueil, luy dressèrent occultement en embuscade un archer en angle lointain et un chevalier errant, par lesquels elle fut prinse et mise hors le camp. Le reste fut bien tost deffait. Elle sera une autre fois mieux advisée, prés de son roy se tiendra, tant loin ne s'escartera, et ira quand aller faudra, bien autrement accompagnée. Là doncques restèrent les argentez vainqueurs, comme devant.

Pour le tiers et dernier bal se tindrent en pieds les deux bandes, comme devant, et me semblèrent porter visage plus gay et délibéré qu'és deux precedens. Et fut la musique serrée en la mesure plus que de hemiole, en intonation phrygienne et bellique, comme celle qu'inventa jadis Marsyas. Adonques commencèrent tournoyer et entrer en combat, avec telle légèreté qu'en un temps de la musique ils faisoient quatre desmarches, avec les révérences de tours competans, comme avons dit dessus, de mode que ce n'estoient que saux , gambades et

PANTAGRUEL

voltigemens petauristiques entrelassez les uns parmy les autres. Et, les voyans sus un pied tournoyer après la révérence faite, les comparions au mouvement d'une rhombe girante au jeu des petis enfans, moyennant les coups de fouet, lors que tant subit est son tour que son mouvement est repos, elle semble quiete, non soy mouvoir, ains dormir, comme ils le nomment. Et y figurant un point de quelque couleur, semble à nostre veue non point estre, mais ligne continue, comme sagement l'a noté Cusane, en matière bien divine.

Là nous n'oyons que frappemens de mains, et episemasies à tous destroits réitérez, tant d'une bande que d'autre. Il ne fut onques tant* severe Caton, ne Crassus l'ayeul tant agelaste, ne Timon Athénien tant misanthrope, ne Heraclitus tant abhorrant du propre humain qui est rire, qui n'eust perdu contenance, voyant au son de la musique tant soudaine, en cinq cens diversitez, si soudain se mouvoir, desmarcher, sauter, voltiger, gambader, tournoyer ces jouvenceaux avecq' les roynes et nymphes, en telle dextérité qu'onques l'un ne fist empeschement à l'autre.

Tant moindre estoit le nombre de ceulx qui res. toient en camp, tant estoit le plaisir plus grand, veoirles ruses et destours desquels ils usoient pour surprendre l'un l'autre, selon que par la musique leur estoit signifié. Plus vousdiray : si ce spectacle plus qu'humain nous rendoit confus en nos sens,

io6