LIVRE V, CHAPITRE XXVIII

fois de bon compte ordinairement le faictes vous par jour ? Fr. Six.

Pan. Et de nuict? Fr. Dix.

— Cancre ! dist frère Jehan, le paillard ne daigneroit passer seize, il est honteux.

— Voire, le ferois tu bien autant, frère Jean? Il est, par Dieu, ladre verd.

« Ainsi font les autres ? Fr. Tous.

Pan. Qui est de tous le plus galland? Fr. Moy.

Pan. N'y faictes vous onques faute? Fr. Rien.

Pan. Je perds mon sens en ce poinct. Àyans vuydé et espuysé en ce jour précèdent tous vos vases spermatiques, au jour subsequant y en peut il tant avoir? Fr. Plus.

Pan. Ils ont, ou je resve, l'herbe de l'Indie célébrée par Theophraste. Mais si, par empeschement légitime ou autrement, en ce déduit advient quelque diminution de membre, comment vous en trouvez vous ? Fr. Mal.

Pan. Et lors, que font les garses? Fr. Bruit.

Pan. Et si cessiez un jour? Fr. Pis.

Pan. Alors, que leur donnez vous ? Fr. Trunc.

Pan. Que vous font elles pour lors? Fr. Bren.

Pan. Que dis tu ? Fr. Peds.

Pan. De quel son? Fr. Cas.

Pan. Comment les chastiez vous? Fr. Fort.

Pan. Et en faictes quoy sortir? Fr. Sang.

Pan. En cela devient leur tain? Fr. Tainct.

Pan. Mieux pour vous il ne seroit? Fr. Painct,

PANTAGRUEL

Pan. Aussi restez vous tousjours? Fr. Craints.

Pan. Depuis elles vous cuident? Fr. Saincts.

Pan. Par ledit serment de bois qu'avez fait, quelle est la saison de Tannée quand plus lasches lefaictes? Fr. Aouo

Pan. Celle quand plus brusquement? Fr. Mars.

Pan. Au reste vous le faictes? Fr. Gay. »

Alors dist Panurge en soubriant : ce Voici le pauvre Fredon du monde ! Avez-vous entendu comment il est résolu, sommaire et compendieux en ses responses? Il ne rend que monosyllabes. Je croy qu'il feroit d'une cerize trois morceaux. — Corbieu, dist frère Jehan, ainsi ne parle il mie avec ses garses ; il y est bien polysyllabe ; vous parlez de trois morceaux d'une cerise : par Sainct Gris, je jurerais que d'une espaule de mouton il ne feroit que deux morceaux, et d'une quarte de vin qu'un traict. Voyez comment il est hallebrené. — Ceste, dist Epistemon, meschante freraille de moines sont par tout le monde ainsi aspres sus les vivres, et puis nous disent qu'ils n'ont que leur vie en ce monde. Que diable ont les roys et grans princes? »