CHAPITRE XXIX

Comment l'institution de Quaresme desplait à Epistemon.

vez vous, dist Epistemon, noté comment ce meschant et malautru Fredon nous a allégué mars comme mois de ruffiennerie ? — Ouy, respondit Pantagruel; toutesfois il est tousjours en quaresme, lequel a esté institué pour macérer la chair, mortifier les appétits sensuels et reserrer les furies vénériennes. — En ce, dist Epistemon, pouvez vous juger de quel sens estoit celuy pape qui premier l'institua, que ceste vilaine savatte de Fredon confesse soy n'estre jamais plus embrené en paillardise qu'en la saison de quaresme ; aussi, par les évidentes raisons produites de tous bons et sçavans médecins, affermans en tout le decours de Tannée n'estre viandes mangées plus excitantes la personne à lubricité qu'en cestuy temps : febves, poix, phaseols, chiches, oignons, noix, huytres, harans, saleures, garon, salades toutes composées d'herbes veneriques, comme eruce, nasitord, targon, cresson, berle, response, pavot cornu, haubelon, figues, ris, raisins.

— Vous, dist Pantagruel, seriez bien esbahy si, voyant le bon Pape instituteur du sainct quaresme estre lors la saison quand la chaleur naturelle sort du centre du corps, auquel s'estoit contenue durant

PANTAGRUEL

les froidures de l'hyver, et se dispert par la circonférence des membres, comme la sesve faict és arbres, auroit ces viandes qu'avez dictes ordonnées pour aider à la multiplication de l'humain lignage. Ce que me Ta faict penser est qu'au papier baptistère de Touars plus grand est le nombre des enfans en octobre et novembre nez qu'es dix autres mois de l'année, lesquels, selon la supputation rétrograde, tous estoient faits, conceus et engendrez en quaresme.

— Je, dist frère Jean, escoute vos propos, et y prens plaisir non petit; mais le curé de Jambet attribuoit ce copieux engrossissement de femmes non aux viandes de quaresme, mais aux petits questeurs voultés, aux petits prescheurs bottés, aux petits confesseurs crottés, lesquels damnent, par cestuy temps de leur empire, les ribaulx mariez trois toises au desoubs des grifes de Lucifer. A leur terreur les mariez plus ne biscotent leurs chambrières, se retirent à leurs femmes. J'ay dict.

— Interprétez, dist Epistemon, l'institution de quaresme à vostre phantasie, chascun abonde en son sens; mais à la suppression d'iceluy, laquelle me semble estre impendente, s'opposeront tous les médecins, je le sçay, je leur ay ouy dire. Car sans le quaresme seroit leur art en mespris, rien ne gaigneroient, personne ne seroit malade. En quaresme sont toutes maladies semées : c'est la vraye pépinière, la naïfve couche et promoconde de tous maux. En-