LIVRE V, CHAPITRE XXIX

cores ne considérez que, si quaresme faict les corps pourrir, aussi faict il les ames enrager. Diables alors font leurs efforts, caffards alors sortent en place, cagots tiennent leurs grands jours, foires, sessions, stations, perdonnances, confessions, fouettemens, anathematisations. Je ne veux pourtant inférer que les Arimaspians soient en cela meilleurs que nous, mais je parle à propos.

— Or çà, dist Panurge, couillon cultant et fredonnant, que vous semble de cestuy-cy? Est-il pas hérétique? Fr. Très.

Pan. Doibt il pas estre bruslé? Fr. Doibt. Pan. Et le plustost qu'on pourra? Fr. Soit. Pan. Sans le faire pourbouillir? Fr. Sans. Pan. En quelle manière donques? Fr. Vif. Pan. Si qu'en fin s'en ensuyve? Fr. Mort. Pan. Car il vous a trop fasché? Fr. Las! Pan. Que vous sembloit il estre? Fr. Fol. Pan. Vous dictes fol ou enragé? Fr. Plus. Pan. Que voudriez vous qu'il fust? Fr. Ars. Pan. On en a bruslé d'autres? Fr. Tant. Pan. Qui estoient hérétiques? Fr. Moins. Pan. Encore en bruslera on? Fr. Maints. Pan. Les rachepterez vous? Fr. Grain.

Pan. Les faut il pas tous brusler? Fr. Faut.

— Je ne sçay, dist Epistemon, quel plaisir vous prenez raisonnant avecques ce meschant penaillon de moyne; mais, si d'ailleurs ne m'estiez congnu, vous me créeriez en l'entendement opinion de vous

PANTAGRUEL

peu honorable. — Allons, de par Dieu, dist Panurge, je Temmenerois volontiers à Gargantua, tant il me plaist; quand je seray marié, il serviroit à ma femme de fou. — Voire teur, dist Epistemon, par la figure tmesis. — A ceste heure, dist frère Jehan en riant, as tu ton vin, pauvre Panurge; tu n'eschappe jamais que tu ne sois cocu jusques au cul. »