LXXV
Item, a esté faict ung manteau avec sept soubzpentes, le tout servant à la forge du dict orlogeur et à soustenir ses tablettes, avec une cuyère qui est à l’embouchure des souffletz de la dicte forge.
VIII1 xvs vid.
Item, a esté faict une viz de fer servant à l’estau où besongne l’orlogeur, avec deux valletz et deux estriers servans au tour du tourneur qui est en la dicte chambre, et une grosse manivelle où ils affilent leurs oustilz.
Item, a esté faict ung contrecueur.de fer de fonte, où est figuré ung herculles, scellé avec huict grosses pattes ou contre cueur de la chemynée qui est en la chambre de la Royne. Pour ce, cy : x1.
Item, a esté faict deux huis de fer garniz de penture et enchassilleure, qui servent à fermer l’emboucheure de la chemynée qui est au cabinet de Madame la Duchesse de Yalentinois.
Au dict Mathurin Bon, la somme de quatre cens deux livres quatorze solz quatre deniers tournois à luy deue, à laquelle Maistre Philibert De Lorme, abbé d’Ivry, commissaire desdicts bastimens et édiffîces, a par ses lettres de mandement, données soubz son seing le deuxiesme jour de Juin, l’an m vc xlviii, mandé au présent commis Maistre Nicolas Picart luy payer, bailler et délivrer comptant des deniers de sa dicte commission, pour plusieurs ouvraiges de serrurerye qu’ilz a naguières faictz au dict lieu de S1 Germain en Laye cy-après déclairéz, ainsi qu’il s’ensuict.
Il a esté faict et livré huict grosses chesnes de fer, chacune de quatre piedz de long, avec ung gros crampon et ung crochet, qui servent à haulcer et baisser les huict huis des loges des animaulx. xi
Item, a esté ferré huict trappes, qui servent pour bailler à manger ausdictes bestes par la dicte gallerye de dessus lesdictes loges, chacune de deux grosses queues d’aronde et deux gros gonds, avec ung gros verroul garniz de crampons. x1.
Item, a esté ferré huict châssis qui sont aux huict fenestres de la
dicte gallerye, ayans veue sur lesdictes petittes courts, chacun de quatre fiches, deux gonds, avec deux verroulx sur platine. xvi1.
Item, a estéfaict et livré huict esquierres de fer, avec une verge de vingt poulces de long, qui servent à entretenir la croix du crucifix qui est en la cloison de la grand’ chappelle du dict chasteau, et les dictes esquierres servans à tenir les piedz d’estratz où sont Nostre- Dame et S1 Jehan. Pour ce, cy : xlv8.
Item, a esté defferré et referré les guichetz aux châssis desdictes galleries, depuys la vielle tour de horloge jusques à la tour où est le cabinet de la Royne. Pour ce, cy : IIIl!-
Item, a esté ferré un g huis fort qui ferme ung petit cabinet érigé soubz les marches au réez-de chaussée de la viz de la salle de bal, joignant la dicte grand’ chappelle.
Item, a esté ferré ung huis fort, faict de neuf à l’huisserye percée de neuf, pour aller de la haulte chambre de la tour de horloge au retraict qui est au bout de la terrasse.
Item, a esté ferré l’huis fort qui ferme la chambre où l’on mect les mues de cerf en la basse-court, près le logis du cappitaine.
Item, a esté levé la serrure qui sert à l’huis de la chambre soubz la chambre du Roy, là où l'on mect la tappisserye du Roy.
Item, pour avoir defferré ung viel huis et faict servir la serrure à ung huis neuf, qui sert à la chambre de Madame la Maréchalle de S‘ André.
Item, a esté faict et livré cinq serrures à ressort, hune servant a la chambre de Monseigneur le Cardinal de Vendosme en la bassecourt, deux aux cabinetz qui sont en la chambre de Madame de Guyse, et une au retraict joignant la tour de horloge près la chambre de Monseigneur d’Orléans, qui est garnye de quatre clefz, et l’autre sert à la garde-robbe de la chambre de la petitte nayne au dict
chasteau. , .
Item, a esté faict et livré deux gougeons de fer, chacun de trois piedz de long et une verge de deux piedz, avec trois gros crochète, le tout servant au tour où besongne la Royne. Pour ce, cy : xlvs.
Item, a esté defferré ung viel huis qui est en la garde-robbe de l’ambassadeur de Portugal, du costé du Jeu de Pauline.
Item, a esté faict et livré une grosse paumelle qui sert a ung des huis de fer qui sont à la chemynée du cabinet de la Royne au dict
1 y]]s VI»
chasteau. Pour ce, cy : ,
Item, a esté ferré ung gros huis fort, pour fermer 1 huisserye de la court des bestes, lyons et autres animaulx, pour sortir de la dicte
court du costé des vignes. . .
Item, le vingt-cinquiesme jour de may, mil cinq cens quarante-
COMPTE DES BATIMENS
neuf, a esté faict et livré huiet barres de fer garnies chacune de deux crampons, et une cheville pour servir à fermer par-dessus les huict trappes des huict loges desdictes bestes, pour obvier que lesdictes bestes ne sortent par lesdictes trappes. vi1 ms.
Ouvraiges de Menuyserye à S1 Germain en Laye.
A Michel Bourdin et Jacques Lardent, Maistres menuysiers, demourans à Paris, la somme de deux cens livres, sur et en déduction de la somme de deux cens soixante-douze livres quatre solz six deniers tournois à eulx deue, et laquelle Messieurs Nicolas De Neufviile chevalier, Seigneur De Villeroy, a par ses lettres de mandement données soubz son seing, lequinziesme jour de Février, l’an mvc xlvii, mandé au présent commis Maistre Nicolas Picart leur payer, bailler et délivrer comptant des deniers de sa dicte commission, pour les ouvraiges de menuyserye qu’ilz ont faictz et font ordinairement faire pour le Roy nostre dict Seigneur au dict lieu de S* Germain en Laye, lesdicts ouvraiges cy-après déclairéz, ainsi qu’il s’ensuict.
Il a esté faict et livré en la chambre et cabinet de Madame la duchesse de Valentinois, deux huis forts, collez à clefz et embouctez par les deux boutz.
Item, a esté faict et livré quatre huis forts collez à clefz et embouctez par les deux boutz, dont les deux servans à une petite viz par où descend le Roy de sa garde-robbe aux galleries, et les deux autres servent à une tour ronde, là où on faict ung autel pour ma dicte Dame la Duchesse de Valentinois. xvm1.
Item, a esté faict et livré ung petit autel de bois servant à la chappelle qui est à la tour ronde, en la gallerye près la chambre de Madame la Duchesse de Valentinois. xxxs.
Item, a esté livré ung autre huis d’aiz barré comme dessus, servant à aller de la chambre de Monseigneur de Vendosme. xxvs.
Item, a esté recoustré ung huis servant à la chambre de Madame De Brissac sur les offices du dict chasteau du costé du jardin, et avoir mis en icelluy ung penneau et ung battant. xs.
Item, a esté faict et livré deux huis, barrez à chacun trois barres, servans aux chambres et garde-robbes de Monseigneur le Cardinal Du Bellay, estans sur les offices. ls.
Item, a esté faict et livré ung châssis contenant deux piedz-et demy de hault et vingt poulces de large, servant à la chambre de Monseigneur de Villeroy, près la chambre du cappitaine en la dicte basse-court. xxs.
Item, a esté faict et livré ung couvercle de bois, barré de deux barres, servant sur la cuve qui reçoit l’eaue de la fontaine de la basse-court du dict chasteau. xxxs.
Item, a esté faict et livré ung huis d’aiz, barré de trois barres, servant à la chambre de Monseigneur De la Rochepot en la dicte basse-court sur la cuysine, faisant le coing de l’allée de la porte de la dicte basse-court par où l’on va à l’église. xxvs.
Maistre Francisque Seibec, dict de Carpy, menuysier ordinaire du Roy nostre sire, demourant à Paris, confesse avoir faict marché et convenant à noble et discrette personne Messire Philibert De Lorme, abbé de Géveton et de S1 Bartellemy, conseiller, aulmosnier ordinaire et architecte du Roy nostre dict Seigneur et commissaire par luy ordonné sur le faict de ses bastimens et édiffices de S1 Germain en Laye, à ce présent, et en la présence de noble homme Maistre Pierre Deshostelz, notaire et secrétaire du dict Seigneur, et par luy commis au contrerolie de sesdicts bastimens et édiffices, de faire pour le dict Seigneur en son chasteau de S1 Germain en Laye, les ouvraiges de menuyserye cy-après déclairez en la grand’ chappelle du dict chasteau pour le pupitre de la dicte chappelle, et aussi pour la cloison qui sera faicte pour la closture d’entre le cueur et la nef de la dicte chappelle ; c’est assçavoir : les ouvraiges dudict pupitre qui seront selon l’ordonnance du pourtraict de ce faict, paraphé des notaires soubzscriptz, fors que au lieu que le dict pourtraict monstre d’ordre doricque, sera faict à ordre de Corinthe, où seront érigées six coulonnes par voye qui seront en distance de leurs pilastres, lesquelz l'un à l’autre seront extriez ayans leurs basses et silobasses de l’ordre corinthe, leurs chappiteaulx aornez de fueillaiges avec leurs volustes et vasques, et seront érigés sur ung pleinte de pierre de la haulteur d’un pied ou quinze poulces, et entre lesdictes coulonnes, qui seront aux deux boutz, y ériger ung arceau ayant leur imposte épistille tout à l’entour, et par dessus iceulx arceaulx aura ung compartiment garny de mollure; par son plus hault sera de la haulteur de l’impotracolio (1) des coullonnes et par le meillieu, au droict de l’épistille, aura les deux autres coulonnes qui porteront le supercille au droict de la poultre, et par-dessus iceulx épistille et supercille sera érigé les zofores qui seront en tailléz de fueillaiges aux devises du Roy, et au millieu d’iceulx seront les armoiries du Roy garnye de leur ordre, et dessus icelluy sera érigé l’assignation avec lettres couronnées, et par dessus icelluy sera érigé l'apposition avec leurs aor-
(1) En 1550 la Renaissance avait pris son essor complet, mais la langue du nouveau style était encore embarrassée; la réduction de ce compte le prouve de reste.
COMPTE DES BATIMENS
nemens de couronnes, et au meilleu d’iceulx seront les balissefala, et au deux boutz d’iceulx, au droict des coulonnes qui seront hors-œuvre, seront érigez deux autelz, et entre les coulonnes par le dessoubz aura des compartimens aornez de mollures à fueillaiges ou autres compartimens, semblablement au-dessoubz de la poultre et au- dedans des arez seront des mesmes façons, et au droict desdicts autelz au lieu où doibvent estre les endroietz des tableaux sera érigé une façon d’artitecture aornée de compartimens et fueillaiges correspondans aux ouvraiges cy-dessus déclairéz et toutes les corniches, arquitraves et autres membres seront ornez, et auront de l’entaille comme à fueillaiges aussine et des égainnes aux membres ronds et astragalles, lesquelz seront déclairéz avec aulcuns de leurs filletz comme on verra pour le mieulx, semblablement les chappiteaulx et autres endroietz qu’il appartiendra. Plus, faire ung lambruis par dessoubz le plancher du dict pupitre de compartimens de mollures sans autre taille, et revestir aussi de lambruis la sablière du dict plancher et dedans le parquet du meilleu du dict lambruys seront érigéz les devises du Roy, vernir tout le dict lambruys et dorer les filletz des mollures ainsi qu’il appartient, et au-dessus du plancher du pupitre faict faire ung autre lambruys servant d’aire, lequel sera faict en assemblages à parquetz platz. Item faire la dicte cloison de la dicte chappelle de la largeur d’icelle, et de neuf à dix piedz de haulteur ou environ, suyvant le pourtraict de ce faict, aussi paraphé desdicts notaires, laquelle sera à ordre de Corinthe ayant tous ses membres comme silobastres, spire, stacire, abac, avec leurs volustes, épistille, zofores, couronnes, acrotaires avec les devises du Roy, et par le meilleu sera érigé une porte à deux manteaulx, et seront les coulonnes des deux costez d’icelle à demy-rond, et sera la dicte cloison à deux parements, et contre les deux boutz de la dicte cloison, par dehors le cueur, seront érigez deux autelz érigez surbalustres, et par-dessus lesdicts autelz... (Il manque ici un cahier et la description des travaux de l’habile menuisier du roi s’interrompt brusquement. Le cahier qui suit commence avec la suite du compte du viclrier.)
Item, en la chambre des filles de Madame la Daulphine, avoir levé, lavé et rataché liuict penneaulx.
Item, en la chambre, garde-robbe et cabinet de Mademoyselle de Macy , avoir levé, lavé et rataché douze penneaulx.
Item, en la salle, chambre et garde-robbe de feu Monseigneur d'Orléans, avoir levé, lavé et rataché vingt-deux penneaulx, lesquelz estoient fort rompuz, cassez et dessouldez.
(Les travaux sont de même nature dans les articles suivants ; le
seul intérêt qu’ils offrent est de désigner les personnages qui habitaient le chateau à cette date et formaient la cour. Il suffira de citer les noms mentionnés : le roy de Navarre, Madame de Sainct-Pol, Madame de Cany, Monseigneur de Boisy, Monseigneur l’Admiral, Madame de Canaples, Mademoiselle la Bastarde, Monseigneur de Guise, le cardinal de Ferrare, le cardinal de Tournon, Madame de Barbezieux, Monseigneur de Villeroy).
Item, en la salle du bal du dict chasteau, avoir levé, lavé et rataehé et eschafauldé aux haultes formes de la dicte salle, quarante-six permeaulx qui estoient fort cassez et rompuz par les grands vents et tempestes.
Item, en l’allée estant derrière la cheminée de Castille de la dicte salle et aux chassiz estans sur la petite montée, avoir mis quatre penneaulx de voirre qui estoient demourez de la reste de la dicte forme qui a esté ostée au lieu où a esté mise celle de voirre painct dont cy-devant est faicte mention (1) et iceulx penneaulx avoir rnis en mesure, qui, au feur de mi8 1 pour chacun penneau, vallent ensemble la somme de xvis K
(Suivent d’autres articles de réparations de vitres dans divers appartements. Je citerai les noms des personnages qui les habitaient : Monseigneur de Sf Cierque, les secrétaires Bayard et Bochetel, Monseigneur de Rochepot, Madame la Grand’ Seneschalle, Madame de Montpencier.)
Toutes lesquelles parties de voirrerye cy-devant contenues et déclairées, et en une certifficalion de ce faicte par Maistre Pierre Deshostelz, notaire et secrétaire du Roy, et par luy commis au contrerolle de ses bastimens et édiffices de S1 Germain en Laye, signée de sa main le vingt-troisiesme jour de mars m vc xlvii avant Pasques.
A Jehan de la Hamée, maistre victrier, demourant à Paris, la somme de cent douze livres dix solz tournois, à luy ordonnée par Maistre Philibert De Forme, commissaire desdicts bastimens et édiffices et ses lettres d’ordonnance signées de sa main le septiesme jour de Novembre m vc xlviii, sur et tant moings des ouvraiges et réparations de victres par luy faictes, par le Roy nostre dict Seigneur, ès édiffices et basse-court du dict chasteau, ès lieux et endroictz cyaprès déclairez, durant les moys de Septembre, Octobre, Novembre et Décembre, l’an m vc xlviii, ainssy et en la manière qui s’ensuict :
En la grande chambre estant au réez-de-chaussée soubz la salle de ma dicte Dame la Duchesse de Valentinois et aux deux cabinetz de la dicte chambre, avoir levé, lavé et racoustré xix penneaulx de voirre.
(1) Ce cy-devant se rapporte au cahier qui manque.
COMPTE DES BATIMENS
En l’autre chambre ensuivant, qui est la chambre de Madamoyselle la Bastarde, et aux cabinetz d’icelle avoir levé, lavé et racoustré xxv penneaulx de voirre.
Item, ausdictes trois formes, etenl’aultre forme ensuivant estant à la couppe au bout de la dicte chappelle, du costé de la dicte cuisine de bouche du Roy, soubz le voirre painct avoir mis xlviii panneaulx de voirre neuf, en gros plomb fort, ès lieux qui estaient maçonnez et estouppez pour donner plus grand jour et clarté en la dicte chappelle, ainsi qu’ilz soulloient estre d’anciennetté, contenans ensemble xxvni piedz de long sur vin piedz vm poulces, qui, à raison de nu solz vi den. tz. chacun pied, mis en gros plomb fort, vallent ensemble au dict pris, la somme de xlviii1 vis.
Item, à la forme de la dicte couppe où est ledict voirre painct, avoir mis xvi pièces de voirre paint et au lieu d’icelles qui estoient cassées, contenans ensemble vu pieds et demy de voirre painct qui au feur de xvs 1 le pied, vallent la somme de cxns xid.
A Nicolas Beaurain, victrier demourant à Paris, la somme de deux cens cinquante-neuf livres, huict solz, neuf deniers tournois à luy deue, en laquelle le dict commissaire Maistre Philibert De Lorme a, par ses lettres de mandement données sous son seing, le xxvnie jour de Novembre l’an m vc xlviii, mandé au présent commissaire Maistre Nicolas Picart, luy payer et délivrer comptant des deniers de sa dicte commission pour les ouvraiges et réparations de victres qu’ilz a faictz, fourniz et livrez, pour le Roy nostre Sire en son chastel et maison de S‘ Germain en Laye, durant les moys de Septembre, Octobre et Novembre ou dict an m v° xlviii, pour la commodité, mélioration et entretènement des dicts bastimens et édiffices du dict lieu de S1 Germain en Laye ès lieux et endroictz cy-après déclairéz et en la manière qui s’ensuict :
En la chambre et salle de Madame la Duchesse de Yallentinois estant soubz la chambre et salle de la Royne, avoir levé et lavé xxmi penneaulx de voirre.
A la demye-croisée donnant jour au petit passaige par où l’on va du tribunal par derrière la cheminée de Castille de la grande salle du bal à la petite viz par où l’on descend de la dicte salle du bal aux galleryes du dict chasteau, avoir levé, lavé et racoustré deux penneaulx de voirre.
Aux deux victres, qui sont de voire painct, en la dicte grand’ salle, avoir mis en l’une d’icelles une couronne, et esdictes deux victres, avoir mis huict pièces de voirre painct au lieu de celles qui estoient cassées, et pour ce faire, levé partye des penneaulx et les avoir ressouldez, la somme de im1.
Item, en la chambre de Madame Ysabel, fille du Roy, avoir destaché cinq penneaulx, et mis xxm lozenges.
Item, en la chambre, où est le guet de Monseigneur le Daulphin, avoir destaché un penneaulx.
Item, en la chambre où sont les Suisses du Roy, soubz la dicte grand’ salle, avoir destaché v penneaulx.
Item, en la dicte salle avoir faict de neuf ung demy-escusson et deux pièces de chappeau de triumphe. Pour ce, xs-
Item, en la chambre de Madame De Telligny, avoir levé vi penneaulx.
Item, en la salle, avoir refaict de neuf deux pièces de voirre painct, contenans ensemble n piedz et demy, qui, au feur que dessus de xxn solz le pied, vallent ensemble la somme de ls.
Item. Plus avoir faict deux ronds de voirre neuf painct en l’un desquelz y a une hache couronnée et en l’aultre ung liz (1) audict logis de la Royne, vallent xxns vid.
(Item, à la chambre de Madamoiselle de Castellan, de Monseigneur et de Madamoyselle du Gougier, de Madame la duchesse de Valentinoys, de Madame la Princesse de Navarre, de Messeigneurs de Montmorency, de Monseigneur de la Bourdaizière, de Madame d’Oranne, de Madame du Peron.)
Ouvraiges de pavé à Sainct-Germain enLaye.
A Denis Pasquiez, paveur demourant à Paris, la somme de huict cens livres tournois, sur et en déduction de la somme de mil soixante-quatorze livres sept solz unze deniers tournois à luy deue.
Tuyaus de fontaine à Saint-Germain en Laye.
A Pierre de Maistre, fontainier de la ville de Rouen, la somme de nuict cens livres tournois sur et en déduction de la somme de vm° nu" livres à luy deue, pour les tuyaulx de pierre cuyte, plombinez par dedans, faietz de neuf pour le dict Seigneur en l’année nv° xl vii pour le cours de l’eaue de la fontaine stante en la bassecourt du chasteau du dict lieu de Sainct-Germain en Laye.
Tous lesquelz tuyaulx de fontaine ont esté, de l’ordonnance du dict commissaire Messire Nicolas de Neufville, et en la présence de Maistre Pierre Deshostelz, contrerolleur desdicts bastimens.
(1) Ce mot abrégé se compose d’un l ou d’uu c avec un r ou un z en vedette.
COMPTE DES BATIMENS
veuz et visitéz, priséz et mesurez par Charles Villard, Maistre maçon de Monseigneur le Connestable et Guillaume Guillain, Maistre des œuvres de maçonnerye de la ville de Paris, qui iceulx ont trouvez avoir esté et estre bien et deuement faictz ainsi qu’il appartient, et iceulx avoir et contenir les longueurs contenues et déclairées en chacun article desdictes parties, contenans ensemble la quantité dessusdicte de mc lu toises, et valloir ensemble, au pris de ls 1 pour chacune toise, la somme de vmc nu** livres. viiic *.
Pierre De Mestre, fontainier demourant en la ville de liouen, confesse cejourd’huy avoir faict marché avec noble personne Maistre Philibert De Lorme, conseiller et aulmosnier ordinaire du Roy nostre sire, architecte du dict Seigneur, et par luy commis sur le faict de ses bastimens et édiffîces de S‘ Germain en Laye, de faire pour le dict Seigneur jusques à la quantité de liuict-vingtz toises ou envyron de tuyaulx de terre cuytte, depuis la première source de Poucy en venant au chasteau du dict Saint Germain, pour, par iceulx tuyaulx, qui ainsi seront de nouveau faictz, augmenter le cours de l’eaue de la dicte fontaine venant des sources de Chambourcy et des environs et la faire plus habondamrnent venir au dict chasteau, parce que pour le présent les tuyaulx de la dicte fontaine sont rempliz de sable depuis la première source de Poucy, en sorte que quant on baille vent à la dicte fontaine, et que on veult icelle nectoier, elle n’a aucun cours d’eaue de huict ou quinze jours après, mais que au moien des dicts nouveaulx tuyeaulx, l’eaue de la dicte fontaine viendra continuellement ; de faire les tuyaulx qu’il conviendra aux deschargeoirs pour la vuidange et descharge des eaues, et pour vuider les sables proeédans desdictes sources quant mestier en sera, tous lesdicts tuyaulx faire de bonne terre bien et deuement cuiz et esmoulez et plombinez par dedans-œuvre, lesquelz auront quatre poulces d’ouverture et passaige d’eaue en diamettre par-dedans-œuvre, oultre les embouctures d’ung poulce d’espoisseur pour le moins, embouctez et souldez l'un dedans l’aultre de huict poulces d’emboucture, et seront de telle longueur que les autres qui y sont de présent les trois pièces embouctées. Item que le dict Le Mestre sera tenu faire toutes les tranchées dedans terre qu’il conviendra pour asseoir lesdicts tuyaulx.
Ouvraiges de Nattes à Sainct-Germain en Laye.
A Jehan Donart, Nattier demourant à Paris, la somme de sept vingtz-six livres deux solz deux deniers obolle tournois, à luy deue, pour les nattes neufves faictes et fournies par le dict Donart pour le
Roy, nostre dict Seigneur, au dict lieu de S1 Germain en Laye, ès salles, chambres et garde-robbes et cabinetz et autres lieux des bastimens du dict Sainct-Germain durant les mois de Décembre et Janvier, en l’année mv° xlvi, que pour avoir recousu, recloué et restably les vielles nattes.
A Jehan Touronde et Denis Petit, natiers demourans à Paris, la somme de sept vingtz-quatre livres dix-neuf solz neuf deniers à eulx deue pour les nattes neufves qu’ilz ont faictes, fournies et livrées, pour le Roy nostre dict Seigneur, au chasteau de S1 Germain en Laye, ès chambres, garde-robbes et cabinetz et autres lieux du dict chasteau depuis le mois de May mv° xl jusques au xmie jour de mars ensuivarit.
Abraham Crossu, nattier demourant à Paris, la somme de sept cens quatre-vingtz-quat.orze livres tournois sur et en déduction de la somme de neuf cens huict livres seize solz huict deniers obolle tournois qui luy estait deue, pour deux mil cent quatre-vingtz-dixsept toises ni piedz un quart de nattes neufves qu’il a faictes, fournies et livrées, pour le Roy nostre dict Seigneur, en son chasteau et maison de Sainct-Germain en Laye, durant les mois de Septembre, Octobre, Novembre, Décembre, Janvier, Février et Mars mvc xlviii.
Les nattes neufves au parterre de la chambre de Madame la Duchesse de Yalentinois estant au-dessoubz de la chambre de laRoyne, contiennent v toises et demy piedz de long, sur iii toises v piedz de large vallent xix toises xvii piedz-et demy, dont on rabat i toise-et demye m piedz, ainsi demoure xvii1 et die xmi p et die.
Item, huict pièces de nattes neufves dont les cinq servent devant les entrées du logis de Madame de Guise et Madame la Marquise Du Maine, et les trois autres devant les huis de la chambre et cabinetz de Madame la Duchesse De Yalentinois avalluées ensemble à
vu1 xnp ds.
Les nattes faictes au parterre de la chambre de Madame la contesse de Sainct-Aignen, estant en l’estaige du réez-de chaussée de un grand corps d’hostel du costé du jardin.
Les nattes faictes de neuf contre les murs en la gallerye du dict chasteau estant du costé du jardin contre la tournelle du coing du logis du Roy et la tour de horloge, tant contre les deux pans de murs aux deux costéz de la dicte gallerye que aux deux boutz d’icelle.
Les nattes faictes au parterre de la chappelle du dict chasteau depuis et oultre la cloison jusques à la couppe. «
Les nattes faictes au parterre et au pourtour de la chambre du réez-de-chaussée du petit édiffice faict de neuf dedans le? fossés du
COMPTE DES B AT IME NS
dict chasteau, au bout des lisses où s’arme le Roy, au pourtour de Ja petite chambre d’au-dessus, avalluées ensemble à xxxiid.
Les nattes reffaictes de neuf en partye du parterre tant de la chambre que de la salle de Madame la Duchesse de Valentinois avalluées ensemble à xixt et die xl11 P-
Les nattes de neuf au parterre de la chambre de Madame la Contesse de Breyne, estant soubz la dicte salle de ma dicte dame la Duchesse de Valentinois, avalluées xvu1 et die xim p et die.
Une toise de nattes faicte au long du lict, en la chambre de Madame de Hannères, avalluées -à J1-
A Philippes Poireau et Anthoine Félix, painctres demourans à Paris, la somme de xlvii1 vs 1 à eulx ordonnée pour leur payement d’avoir, durant les mois de Janvier et Février, audict an mvc xlvi, blanchy et painct en coulleur de pierre à cheville les meneaulx, traversins, remplaiges, talucz, piedz-droictz et voulsures des formes de la chappelle du dict chasteau, avec les gargoulles et entablemens du dict pan, et pour avoir noircy de noir-à colle les murs et couverture de thuille du grand Jeu de Paulme faiet de neuf au dict chasteau, le tout de pris verballement faict avec eulx, pour ce cy
xlvii1 vs.
A Marguerite Deu, marchande toillière demourant à Paris, la somme de quarante-sept livres deux solz quatre deniers tournois, à elle ordonnée, pour son payement de deux cens cinquante-sept aulnes de grosse toille de Houdan, par elle vendue, fournye et livrée pour le Roy nostre dict Seigneur, à raison de ms vmd l, pour chacune aulne prinse en son logis au dict Paris le xxme jour de Février mvc xlvi dernier passé, pour servir à faire une grande tante pour mectre par hault au bout du grand Jeu de Paulme faict de neuf pour le dict Seigneur, dedans les fosséz de son chasteau de Sainct- Germain en Laye, pour garder et deffendre que le soleil n’entre au dict Jeu, et qu’il n’empesche aux joueurs, pour ce cy xlvii1 ii3 nixd.
A tous ceulx qui ces présentes lettres verront, Jehan Chevrel, conseiller du Roy nostre Sire et garde pour le dict Seigneur des sceaulx aux contractz delà Prévosté du dict lieu de Saint-Germain en Laye, salut, sçavoir faisons que par Maistre Thomas Le Gendre, substitut-juré, commis et ordonné par justice en l’absence de Michel Fromont, tabellion royal en la dicte Prévosté, furent présens, en leurs personnes, Julien Poyvret et Thomas Parellyer, painctres demourans ès faulx-bourgs de Paris près la porte de Bourdelles, lesquelz de leurs bons grez et bonnes voluntez, sans contraincte nulie, recongneurent et confessèrent avoir prins et faict marché et convenant à noble personne Maistre Philibert De Lorme, abbé de Géveton
et de Sainct Barthélemy, conseiller, aulmosnier ordinaire et archi" tecte du Roy nostre Sire, commissaire ordonné et depputé par le dict Seigneur sur le faict de ses bastimens et édiffices de S1 Germain en Laye ad ce présent, et en la présence aussi de Maistre Pierre Deshostelz, notaire et secrétaire du Roy nostre dict Seigneur, et par luy commis au contrerolle de sesdicts bastimens et édiffices, de blanchir à chaulx, à colle, tous les murs et pilliers depuis le réezde chaussée en amont la voulte, et générallement tous les ouvraiges de rnaçonnerye de la grande chappelle du chasteau du lieu de Sainct-Germain en Laye, par dedans-œuvre, et remplir de chaulx et sable tous les troux et' joinctz ouvers qui sont de présent audict dedans desdicts murs, pilliers et voulte de la dicte chappelle, et faire le dict blanchissement en coulleur de pierre, et tirer et faire tous les joinctz de noir en façon de joinctz de pierre de taille en bonnes liaisons, ainsi qu’il appartient et, pour ce faire, quérir et livrer à leurs despens chaulx, colle et sable, eschauffaulx, engins, peyne d’ouvriers et d’autres et toutes choses ad ce nécessaires, et rendre le tout faict et parfaict, bien et deuement au dict d’ouvriers en ce congnoissans, dedans le xxviiP jour du mois d’Octobre prochainement venant, moyennant et parmy le pris et somme de cens livres tournois.
Nous Germain Musnier, painctre et varlet de chambre ordinaire de Monseigneur le Daulphin et Jehan Vigny, aussi painctre demeurant à Paris, certifiions à tous qu’il appartient que de l’ordonnance de noble personne Maistre Philibert De Lorme, abbé de Géveton et de S1 Barthellemy de Noyon, conseiller, aulmosnier ordinaire et architecte du Roy nostre Sire, commissaire ordonné et depputé par le dict Seigneur sur le faict de ses bastimens et édiffices de Saint- Germain-en Laye, et après serment par nous faict par devant luy en la présence de Maistre Pierre Deshostelz, notaire et secrétaire du Roy nostre dict Seigneur et par luy commis au contrerolle de sesdicts bastimens et édiffices, avons veu et visité le blanchissaige faict de chaulx et colle en la chappelle du chasteau du dit lieu de Saint-Germain en Laye, lesquelz blanchissemens avons trouvé avoir esté et estre bien et deuement faietz en coulleur de pierre, et les joinctz tirez de noir, en façon de pierre de taille, selon et ainsi que lesdicts Jullien Poivret et Thomas Perrellier, painctres dessus-nomméz, estoient tenuz et obligez faire suivant le dict marché. Tesmoings noz seings manuelz cy mis, le premier jour de Décembre l’an mv° XLvin. Signé Deshostelz, Germain Le Maunier et Jehan Vignier (1).
(1) Je suis obligé de suivre les variations que le scribe impose à ces noms, mais je crois que leur véritable orthographe est au début de l’article.
B. CELLINI ET SES ÉLÈVES
