S CULPTEURS, GRAVEURS, VERRIERS, ACHATS D’ANTIQUES
A.... pour les fraiz et voictures des marbres et médailles que le Roy faict conduyre tant par eaue que par terre depuis Aigues- Mortes jusques à Fontainebleau, et ce par marché faict avec led.... . 4,200 liv.
J. 960, 6, f. 87, vu (1533).
A Jehan Joaquin, sieur de Vaulx, ambassadeur du Roy à Venize, pour remboursement de 300 esc. sol. par luy baillez à Venize suyvant les lettres du Roy à M. Iheronyme Fondulus, pour achacter livres et choses anticques. 675 liv.
Acquit pour faire bailler et délivrer à Nicolas le Picard, commis à tenir le compte et faire le payement des bastimens de Fontainebleau et Boys de Boullongne la somme de 2,953 1. 2 s. 6 d. parisis, pour convertir au fait de sa commission et mesmement aud. bastiment de Boullongne, à icelle somme avoir et prandre sur troys ventes de boys de haulte fustaye délivrées à Jherosme de la Robya, esmailleur, comme plus offrant et dernier enchérisseur pour lad. somme. 2,953 1. 2 s. 6 d. p.
1. Presque tous les articles des acquits au comptant concernant le château de Boulogne et particulièrement les délia Robbia ont été publiés par M. de Laborde dans le Château du bois de Boulogne , dit château de Madrid (Paris, Dumoulin, février 1855, in-8°). C’est même dans le but probable de les employer à une publication spéciale, comme nous l’avons fait remarquer, que M. de Laborde avait distrait de la série des acquits au comptant les pavements aux délia Robbia. iNous croyons devoir les rétablir ici, d’autant plus que le Château du bois de Boulogne n’a été tiré qu’à très-petit nombre.
A Jherosme de la Robie, sculpteur et esmailleur du Roy, pour ses gaiges de quatre années finies le dernier jour de Décembre 1538, à 240 1. par an. 960 '•
Autre validation de la somme de 2,900 1. t. qu’il a payée à Jherosme de la Robye et Pierre Gadier, comme apert par quictance.
A Matheo, de Veronne, graveur dud. seigneur, pour ung vase dont led. seigneur a fait don à Madame. 100 escus.
A luy pour dresser des moullures pour faire aud. vase. 50 esc.
Don à Me Mathieu Nazare, de Veronne, de la somme de 300 escus d’or sol., à iceuly avoir et prendre sur la vente et composition de l’office de contrerolleur du domaine de Falaize, nouvellement créé, et ce pour le paiement de plusieurs tableaulx qu’il a baillez aud. seigneur, montant à lad. somme, pour cecy 300 esc. sol.
A Mathé d’Alnassar, de Véronne, graveur, pour son paiement de deux quesses de cuyr, ouvrées à la damasquine, et deux escriptoires bordées d’agattes orientalles que le Roy a achaptées de luy 2,000 1., dont il avoit esté appoincté sur l’espargne des deniers du quartier de Janvier, Février et Mars 1532 ; mais, à cause des autres grans charges estans sur icelluy, il n’a sceu estre paié, et a depuis led. seigneur ordonné qu’il en sera appoincté par autre acquict sur led. coffre du Louvre, à prandre des deniers de ce présent quartier de Janvier, Février et Mars, pour ce, 2,000 liv.
A messire Mathée, graveur dud. seigneur, la somme de 400 1. t. en laquelle a par cy-devant esté condempné en l’amende par sentence et jugement des généraulx des monnoyes ung nommé Jehan de Raigny, maistre de la monnoye de Tours, et ce pour aucunement aider aud. Mathée à achepter 4,000 livres d’esmery qu’il luy convient avoir pour graver et tailler des pierres, ainsi que icelluy seigneur luy a commandé et ordonné.
J. 961, 9, n° 89 (mars 1534).
Don à messire Mathé d’Alnassar, graveur dud. seigneur, de l’of-
ACQUITS AU COMPTANT
fice de contrerolleur du grenier à sel du Pont-Sainct-Espcrit, vac-cant par le trespas de feu Mro Odon Sellier, pour en faire par led. d’Alnassar son proffict, sans payer aucune chose.
En marge se trouve cette note : « Nota que le Roy n’entend luy donner que 300 escuz là-dessus. »
A maistre Mathieu d’Alnazar, de Véronne, 415 escuz pour sou paiement de deux pièces de tappisserie d’or et de soye à verdure et petitz personnaiges, des histoires de Action et Orphëus, contenans ensemble 20 aulnes trois quartz, mesure de Paris, qu’il a livrez et venduz au Roy en ce présent mois de Juing, et dont led. seigneur a luy-mesme faîct marché à luy, au pris de 20 escuz pour aulne, et lequel aulnaige a esté faict de l’ordonnance dud. seigneur par messire Pierre Paulle, dict l’Italien, son varlet de chambre, et Guillaume Moynîer, son tappissier, ès mains duquel lad. tapisserie a esté mise..,
Et à Berthelemy Perignac, de Bruxelles, 20 escuz dont le Roy luy a faict don pour ses peines d’avoir faict apporter lesd. deux pièces de tappisserie et aider à en faire le marché, qui est en somme 435 escuz solleil, ou 978 liv. 15 s., à raison de 45 s. pièce, à prandre aud. coffre du Louvre des deniers dud. présent quartier d’Avril, May. et Juing.
Aud. maistre Mathieu d’Alnazar, la somme de 400 liv. t. suret en déduction de 700 liv. restans de 800 liv. à quoy le Roy a verballement faict marché avec luy pour la construction et édiffice d’un moulin qui doit estre assis et porté sur basteaulx en la rivière de Seyne, près la poincte du Palais de Paris, pour servir à pollir dyamans, aymerauldes, agattes et autres espèces de pierres, et ce, oultre 100 liv. que led. seigneur luy a cy-devant faict délivrer sur lesd. 800 1. par Claude Haligot, naguères trésorier des plaisirs dud» seigneur; et sans ce que dud. marché de l’édifïice, construction et façon dudict moulin, led. trésorier de l’espargne soit tenu faire autrement aparoir, ne en rapporter cy-après plus ample déclaration, en quoy lad. partie de 800 liv. aura esté emploiée et dont tcelluy seigneur l’a relevé et reliève par led. acquict, à prandre aud. coffre du Louvre des deniers dud. quartier d’Avril, May et Juing.
A Mathée d’Alnassar, de Véronne, paintre, graveur, et varlet de chambre du Roy, la somme de 300 escuz d’or soleil, dont le Roy luy a aussi faict don en faveur de services, aussi pour le récompenser de partie des deniers par luy desboursez à faire réparer et approprier le logis appellé les Estuyes, estant ou bout de l’isle du Pallais de Paris, ouquel le Roy luy a donné sa demeure, et ce oultre les autres dons, gaiges et bienffaictz qu’il a et pourra avoir pour autre et semblable cause dud. seigneur, à prandre sur les deniers provenant de la vente ou composition de l’office du contrerolleur du domaine de la viconté de Fallaise, nouvellement coté, et en laquelle n’a esté pourvue depuis l’édict sur ce faict par le Roy, et n’entend ledict seigneur que led. d’Alnassar soit tenu faire autrement apparoir de ses fraiz et réparations ainsi faictes aud. logis.
A Mathée d’Alnassar, painctre, vallet de chambre et graveur dud. seigneur, pour le parfaict de ses gaiges des années 1536, 37 et 38 à lad. raison de 600 liv. par an. 1400 liv.
A Joachim Raoulland, tailleur en pierre et en bois, demourant en la maison de Monseigneur de Guise, la somme de 450 1. t. pour 200 escuz d’or sol., à raison de 45 s. pièce, dont le Roy luy a faict don, en faveur des voiages par luy faictz, peines et travaulx qu’il a euz et pourra avoir cy-après, suivant là charge à luy donnée par led. seigneur de luy faire provision et amas de certaine quantité de boys de différentes coulleurs et de pierre, tirant sur la dureté de celle de marbre, qui se doit recouvrer au villaige de Jaulgeprès la ville de Tonnerre, et que le Roy a délibéré faire conduire et apporter par la rivière d’Yonne jusques à Fontainebleau, pour estre emploié en ses édifices dud. lieu, à prandre aud. Louvre desd. deniers du quartier d’ Avril.
A Francisque de Carpy, Italien, menuisier dud. seigneur, la somme de 1600 liv. t. pour son estât et entretenement ordinaire au service d’icelluy seigneur des années 1535, 36, 37 et 38, qui est à raison de 400 liv. par an, dont auparavant et depuis qu’il est au service dud. seigneur il a tousjours esté payé, cy. 1600 liv.
